ಟೇಕಾಫ್ ಮಾಡುವಾಗ ನಿಯಂತ್ರಣ ಕಳೆದುಕೊಂಡ ಹೆಲಿಕಾಪ್ಟರ್​ನ ವಿಡಿಯೋ ವೈರಲ್

Viral Video : ಸಣ್ಣ ಹೆಲಿಪ್ಯಾಡ್​ನಿಂದ ಹೆಲಿಕಾಪ್ಟರ್ ಅನ್ನು ಟೇಕಾಫ್​ ಮಾಡುವಾಗ ಪೈಲಟ್​ ನಿಯಂತ್ರಣ ಕಳೆದುಕೊಳ್ಳುತ್ತಾನೆ. ಈ ವಿಡಿಯೋ ಎಲ್ಲಿ ಯಾವಾಗ ಚಿತ್ರೀಕರಿಸಿದ್ದು ಎಂಬ ವಿವರಗಳು ತಿಳಿದುಬಂದಿಲ್ಲ. ಆದರೆ ಇದೊಂದು ಹಳೆಯ ವಿಡಿಯೋ ಇರಬಹುದು ಎಂಬ ಅಂದಾಜು. ನಿಯಂತ್ರಣ ಕಳೆದುಕೊಂಡ ಹೆಲಿಕಾಪ್ಟರ್​ ಮುಂದೇನಾಗುತ್ತದೆ ಎಂದು ತಿಳಿದುಕೊಳ್ಳಲು ಈ ವಿಡಿಯೋ ನೋಡಿ.

ಲ್ಯಾನ್ಸ್​ ಎಂಬ ಟ್ವಿಟರ್​ ಖಾತೆದಾರರು ಈ ವಿಡಿಯೋ ಅನ್ನು ಪೋಸ್ಟ್ ಮಾಡಿದ್ದಾರೆ. ಹೆಲಿಪ್ಯಾಡ್​ನ ಬಳಿ ಎರಡು ಕಾರುಗಳು ನಿಂತಿವೆ. ಅವಘಡವನ್ನು ಅಂದಾಜಿಸಿದ ನಾಯಿ ಓಡಿಬರುತ್ತದೆ. ಆ ಹೊತ್ತಿಗೆ ನಿಯಂತ್ರಣ ಕಳೆದುಕೊಂಡ ಹೆಲಿಕಾಪ್ಟರ್​ಗೆ ನೆಲಕ್ಕಭಿಮುಖವಾಗಿ ಅಪ್ಪಳಿಸುತ್ತದೆ. ಇನ್ಷುರೆನ್ಸ್​ ಕಂಪೆನಿಗೆ ಈ ಅಪಘಾತದ ಕುರಿತು ವಿಡಿಯೋ ಸಾಕ್ಷ್ಯ ಇಲ್ಲದೇ ವಿವರಿಸಿ ಎಂದು ಲ್ಯಾನ್ಸ್​ ನೋಟ್​ ಹಾಕಿದ್ದಾರೆ.

ಹೆಲಿಕಾಪ್ಟರ್​ಗೆ ಇನ್ಶುರೆನ್ಸ್ ಇದೆಯೇ? ಎಂದು ನೆಟ್ಟಿಗರು ಕೇಳಿದ್ದಾರೆ. ಈ ನಾಯಿಮರಿಗೆ ಮೊದಲೇ ತಿಳಿದಿತ್ತೆ, ಹೀಗೊಂದು ಅವಘಡ ಸಂಭವಿಸಬಹುದೆಂದು? ಹೀಗೆ ಕೇಳಿದ್ದಾರೆ ಒಬ್ಬರು. ಪೈಲಟ್​ ಮೊದಲ ಸಲ ಹೆಲಿಕಾಪ್ಟರ್ ಓಡಿಸುತ್ತಾನೆಯೇ? ಎಂದು ಮತ್ತೊಬ್ಬರು ಕೇಳಿದ್ದಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ