ಸುಗಂಧ ದ್ರವ್ಯ ಉಡುಗೊರೆ ಕೊಟ್ಟಿದ್ದ ಉದ್ಯಮಿ ಜೆಆರ್​ಡಿ ಟಾಟಾಗೆ ಚೆಂದನೆಯ ಪತ್ರ ಬರೆದಿದ್ದರು ಇಂದಿರಾ ಗಾಂಧಿ; ಆ ಪತ್ರ ನೋಡಿ, ಓದದೆ ಇರಲು ಸಾಧ್ಯವೇ ಇಲ್ಲ !

ಮಾಜಿ ಪ್ರಧಾನಮಂತ್ರಿ ಇಂದಿರಾ ಗಾಂಧಿ (Indira Gandhi)ಯವರು ಬರೆದ ಪತ್ರವೊಂದು ಸೋಷಿಯಲ್ ಮೀಡಿಯಾದಲ್ಲಿ ಇದೀಗ ಸಿಕ್ಕಾಪಟೆ ವೈರಲ್ (Viral Photo)ಆಗುತ್ತಿದೆ. ಸಾಮಾಜಿಕ ಜಲಾತಾಣಗಳಲ್ಲಿ ವೈರಲ್ ಆಗುವ ಎಲ್ಲವನ್ನೂ ನಂಬಲು ಸಾಧ್ಯವಿಲ್ಲವೆಂದರೂ ಈ ಪತ್ರದಲ್ಲಿ ಇಂದಿರಾ ಗಾಂಧಿ ಹೆಸರು ಮತ್ತು ಸಹಿ ಸ್ಪಷ್ಟವಾಗಿರುವುದರಿಂದ ಅದು ಅವರೇ ಬರೆದಿದ್ದು ಎಂಬುದು ದೃಢಪಟ್ಟಿದೆ. ಅಷ್ಟಕ್ಕೂ ಈ ಪತ್ರ ತುಂಬ ಸದ್ದು ಮಾಡಲು ಕಾರಣ ಅದರಲ್ಲಿದ್ದ ಇಂಟರೆಸ್ಟಿಂಗ್​ ವಿಚಾರ.

ಅಂದಹಾಗೆ, ಈ ಪತ್ರವನ್ನು ಇಂದಿರಾ ಗಾಂಧಿಯವರು ಬರೆದಿದ್ದು ಉದ್ಯಮಿ ಜೆಆರ್​ಡಿ ಟಾಟಾ (Jehangir Ratanji Dadabhoy Tata) ಅವರಿಗೆ. ಅದರಲ್ಲಿ ದಿನಾಂಕ 1973 ಜುಲೈ 5 ಎಂದು ನಮೂದಾಗಿದೆ. ಟಾಟಾ ಅವರು ಇಂದಿರಾ ಗಾಂಧಿಯವರಿಗೆ ಪರ್​ಫ್ಯೂಮ್​ (ಸುಗಂಧ ದ್ರವ್ಯ) ಉಡುಗೊರೆ ಕೊಟ್ಟಿದ್ದರು. ಅದಕ್ಕೆ ಪ್ರತಿಯಾಗಿ ಇಂದಿರಾ ಗಾಂಧಿ ಬರೆದ ಪತ್ರ ಇದು. ‘ನನಗೆ ಈ ಸುಗಂಧ ದ್ರವ್ಯಗಳನ್ನು ನೋಡಿ ತುಂಬ ಥ್ರಿಲ್​ ಆಗಿದೆ. ಉಡುಗೊರೆಗಾಗಿ ನಿಮಗೆ ತುಂಬ ಧನ್ಯವಾದಗಳು. ನಿಜ ಹೇಳಬೇಕೆಂದರೆ ನಾನು ಸುಗಂಧ ದ್ರವ್ಯ ಬಳಕೆ ಮಾಡುವುದಿಲ್ಲ. ಫ್ಯಾಶನ್​ ಜಗತ್ತಿನ ಬಗ್ಗೆಯೂ ನಾನು ಜಾಸ್ತಿ ತಿಳಿದುಕೊಂಡವಳಲ್ಲ..ಅದರಿಂದ ದೂರವೇ ಇದ್ದೇನೆ. ಆದರೆ ಈ ಸುಗಂಧ ದ್ರವ್ಯಗಳನ್ನು ಬಳಸುವ ಮೂಲಕ ಪ್ರಯೋಗ ಮಾಡುತ್ತೇನೆ. ನಿಮ್ಮನ್ನು ನೋಡಿ ತುಂಬ ಖುಷಿಯಾಯಿತು. ನನಗೆ ವಿರುದ್ಧವಾಗಿ ಅಥವಾ ನನ್ನ ಪರವಾಗಿ ನೀವೇನೆ ಹೇಳುವುದಾದರೂ ಮುಜುಗರ ಪಟ್ಟುಕೊಳ್ಳಬೇಡಿ. ಪತ್ರ ಬರೆಯಿರಿ ಅಥವಾ ಬಂದು ಭೇಟಿಯಾಗಿ’ ಎಂಬುದು ಈ ಪತ್ರದಲ್ಲಿ ಉಲ್ಲೇಖಿತವಾದ ವಿಷಯ. ಹಾಗೇ, ಟಾಟಾ ಮತ್ತು ಅವರ ಪತ್ನಿಗೆ ಶುಭವನ್ನೂ ಕೋರಿದ್ದನ್ನು ಇದರಲ್ಲಿ ನೋಡಬಹುದು.

ಇಂದಿರಾ ಗಾಂಧಿಯವರು ಬರೆದ ಪತ್ರ

ಈಗ ಪತ್ರವನ್ನು ಶೇರ್​ ಮಾಡಿದವರು ಉದ್ಯಮಿ ಹರ್ಷ ಗೋಯೆಂಕಾ. ಬಲಿಷ್ಠ ಪ್ರಧಾನಿ ಮತ್ತು ಪ್ರಬಲ ಉದ್ಯಮಿಯ ನಡುವಿನ ವೈಯಕ್ತಿಕ ಪತ್ರ ವಿನಿಮಯ ಎಂದು ಕ್ಯಾಪ್ಷನ್​ ಕೊಟ್ಟಿದ್ದಾರೆ. ಈ ಪತ್ರ ನೋಡಿದ ನೆಟ್ಟಿಗರು ಇಂದಿರಾ ಗಾಂಧಿಯವರ ಸರಳತೆಯನ್ನು ತುಂಬ ಹೊಗಳುತ್ತಿದ್ದಾರೆ. ಹಳೇ ಕಾಲದಲ್ಲಿ ಸೌಹಾರ್ದತೆ ಹೇಗಿತ್ತು ಎಂಬುದಕ್ಕೆ ಈ ಪತ್ರ ಸಾಕ್ಷಿ ಎಂದು ಒಬ್ಬರು ಕಾಮೆಂಟ್​ ಮಾಡಿದ್ದರೆ, ಇನ್ನೊಬ್ಬರು, ನಮ್ಮ ಪ್ರೀತಿಪಾತ್ರರೊಂದಿಗೆ ಸಂವಹನ-ಸಂಪರ್ಕ ಹೇಗಿರಬೇಕು ಎಂಬುದನ್ನು ತೋರಿಸುವಂತಿದೆ ಎಂದಿದ್ದಾರೆ.

ಇದನ್ನೂ ಓದಿ: BS Yediyurappa: ಕರ್ನಾಟಕದಲ್ಲಿ ಯಡಿಯೂರಪ್ಪ ನಂತರ ಬಿಜೆಪಿ ನಾಯಕ ಇವರೇನಾ? ಇಷ್ಟಕ್ಕೂ ಬಿಎಸ್​ವೈ ರಾಜೀನಾಮೆಗೆ ಕಾರಣವೇನು?

Indira Gandhi thanked industrialist JRD Tata through Letter for gifting perfumes