Viral Video ಬೆಂಕಿ ಹೊತ್ತಿ ಉರಿಯುತ್ತಿದ್ದ ಟ್ರಕ್​ ಚಲಾಯಿಸಿ ಭಾರೀ ಅನಾಹುತ ತಡೆದ ವ್ಯಕ್ತಿ; ಶ್ಲಾಘಿಸಿದ ಸಾರ್ವಜನಿಕರು

ಕೇರಳದ (Kerala) ವ್ಯಕ್ತಿಯೊಬ್ಬರು ಬೆಂಕಿ (Fire) ಹೊತ್ತಿ ಉರಿಯುತ್ತಿದ್ದ ಟ್ರಕ್ (Truck)​ ಒಂದನ್ನು ಚಲಾಯಿಸುವ ಮೂಲಕ ಸಂಭವಿಸಲಿದ್ದ ಭಾರೀ ಅನಾಹುತವನ್ನು ತಪ್ಪಿಸಿ ಜನರ ಮೆಚ್ಚುಗೆ ಗಳಿಸಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಬೆಂಕಿ ಹತ್ತಿದ ಟ್ರಕ್ ಚಲಾಯಿಸುವ ವಿಡಿಯೋ ಸಖತ್​ ವೈರಲ್​ ಆಗಿದೆ. ಕೇರಳದ ಕೊಂಡಿಂಚೇರಿ ಎನ್ನುವಲ್ಲಿ ಹುಲ್ಲು ತುಂಬಿಕೊಂಡು ಹೋಗುತ್ತಿದ್ದ ಲಾರಿಗೆ ಬೆಂಕಿ ಹೊತ್ತಿಕೊಂಡಿತ್ತು. ವಿದ್ಯುತ್​ ಶಾರ್ಟ್​ ಸರ್ಕ್ಯೂಟ್​ನಿಂದ  ನಿಲ್ಲಿಸದ್ದ ಹುಲ್ಲು ತುಂಬಿದ ಲಾರಿಗೆ ಬೆಂಕಿ ಹೊತ್ತಿಕೊಂಡಿದ್ದು ಗಾಬರಿಗೊಂಡ ಚಾಲಕ ಟ್ರಕ್​ ಅನ್ನು ಬಿಟ್ಟು ಓಡಿಹೋಗಿದ್ದನು. ತಕ್ಷಣ  ಶಾಪಿ ಪಾಪನ್​ ಎನ್ನುವ ವ್ಯಕ್ತಿ ಟ್ರಕ್ಅನ್ನು ಚಲಾಯಿಸಿಕೊಂಡು ಜನನಿಬಿಡ ಪ್ರದೇಶದಿಂದ ದೂರಕ್ಕೆ ತೆಗೆದುಕೊಂಡು ಬಂದಿದ್ದಾರೆ. ಇದರ ವಿಡಿಯೋ ವೈರಲ್​ ಆಗಿದೆ.

View this post on Instagram

A post shared by നമ്മൾ കോഴിക്കോട്ടുകാർ (@kozhikottukaarofficial)

ವಿಡಿಯೋದಲ್ಲಿ ಹುಲ್ಲು ತುಂಬಿದ ಲಾರಿಗೆ ಬೆಂಕಿ ಕೆನ್ನಾಲಿಗೆಯನ್ನು ಚಾಚಿ ಆಕಾಶದೆತ್ತರಕ್ಕೆ ಹೊತ್ತು ಉರಿಯುತ್ತಿರುವುದನ್ನು ಕಾಣಬಹುದು. ಅಂತಹ ಟ್ರಕ್​ ಅನ್ನು ಶಾಜಿ ಎನ್ನುವವರು ಓಡಿಸಿರುವ ವಿಡಿಯೋ ಇನ್ಸ್ಟಾಗ್ರಾಮ್​ನಲ್ಲಿ ವೈರಲ್​ ಆಗಿದೆ. ಇನ್ಸ್ಟಾಗ್ರಾಮ್​ನಲ್ಲಿ @kozhikottukaarofficial ಎನ್ನುವ ಬಳಕೆದಾರರರು ಈ ಆಘಾತಕಾರಿ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ವಿಡಿಯೋ ನೋಡಿ ನೆಟ್ಟಿಗರು ಗಾಬರಿಗೊಂಡಿದ್ದಾರೆ. ಸದ್ಯ ವಿಡಿಯೋ 14 ಸಾವಿರಕ್ಕೂ ಹೆಚ್ಚು ಲೈಕ್ಸ್​ ಗಳಿಸಿದ್ದು, ಶಾಜಿ ಅವರ ಸಮಯ ಪ್ರಜ್ಞೆಗೆ ಶ್ಲಾಘನೆ ವ್ಯಕ್ತವಾಗಿದೆ.

ಘಟನೆಯ ಬಗ್ಗೆ ಮಾಹಿತಿ ತಿಳಿದ ಅಗ್ನಿ ಶಾಮಕ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಬೆಂಕಿಯನ್ನು ಹತೋಟಿಗೆ ತಂದಿದ್ದು ಭಾರೀ ಅನಾಹುತ ತಪ್ಪಿದಂತಾಗಿದೆ.  ಕೇರಳದ ಸ್ಥಳೀಯ ವರದಿಗಳ ಪ್ರಕಾರ ಶಾಜಿ ಅವರನ್ನು ವರ್ಗೀಸ್​ ಎಂದು ಕರೆಯುತ್ತಾರೆ. ಈ ಹಿಂದೆ 50 ಅಡಿ  ಕೆಳಕ್ಕೆ ಬೀಳುವುದನ್ನು ತಪ್ಪಿಸಿ ಜನರನ್ನು ರಕ್ಷಣೆ ಮಾಡಿ ಹೀರೋ ಎನಿಸಿಕೊಂಡಿದ್ದರು. ಈಗಲೂ ಬೆಂಕಿ ಹೊತ್ತಿ  ಉರಿಯುತ್ತಿದ್ದ ಟ್ರಕ್​ ಅನ್ನು ಚಲಾಯಿಸಿ ಅನಾಹುತವನ್ನು ತಡೆದು ಸಾರ್ವಜನಿಕರ ಪಾಲಿನ  ಹೀರೋ ಆಗಿದ್ದಾರೆ.

ಇದನ್ನೂ ಓದಿ:

ಛೆ..ಎಂಥಾ ದುರಂತ: ಹೈವೋಲ್ಟೇಜ್ ವಿದ್ಯುತ್ ತಂತಿ ಬಿದ್ದು 30 ಮಂದಿ ದುರ್ಮರಣ