Viral Video : ಅಮೆರಿಕದ ಬೀದಿಯಲ್ಲಿ ಲೆಹಂಗಾ ಧರಿಸಿ ಗರ್ಭಾ ನೃತ್ಯ ಮಾಡಿದ ಈ ಯುವಕ

Viral Video : ಅಮೆರಿಕದ ಬೀದಿಯಲ್ಲಿ ಯುವಕಲಾವಿದರೊಬ್ಬರು ಲೆಹಂಗಾ ಧರಿಸಿ ಗರ್ಭಾ ನೃತ್ಯ ಮಾಡಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಐಶ್ವರ್ಯಾ ರೈ ನಟಿಸಿರುವ ಹಮ್​ ದಿಲ್​ ದೇ ಚುಕೇ ಸನಮ್ ಚಿತ್ರದ ಢೋಲಿ ತಾರೋ ಢೋಲ ಬಾಜೆ ಹಾಡಿಗೆ ಈ ಯುವಕಲಾವಿದರು ಅದ್ಭುತವಾಗಿ ಹೆಜ್ಜೆ ಹಾಕಿದ್ದಾರೆ. ಅವರು ಧರಿಸಿರುವ ಉಡುಪಿನಿಂದಲೂ ನೆಟ್ಟಿಗರ ಗಮನ ಸೆಳೆಯುವಲ್ಲಿ ಈ ವಿಡಿಯೋ ಯಶಸ್ವಿಯಾಗಿದೆ ಎನ್ನಬಹುದು. ಈ ಯುವಕಲಾವಿದರ ಹೆಸರು ಜೈನಿಲ್ ಮೆಹ್ತಾ. ವೃತ್ತಿಯಲ್ಲಿ ನೃತ್ಯ ಸಂಯೋಜಕರು. ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದಾರೆ.

ಆಗಸ್ಟ್ 11 ರಂದು ಜೈನಿಲ್ ಇದನ್ನು ಪೋಸ್ಟ್ ಮಾಡಿದ್ದಾರೆ. 1 ಮಿಲಿಯನ್​ಗಿಂತಲೂ ಹೆಚ್ಚು ವೀಕ್ಷಣೆ ಪಡೆದುಕೊಂಡಿದೆ. ಜೈನಿಲ್ ಇದೇ ಮೊದಲಲ್ಲ, ಇನ್​ಸ್ಟಾಗ್ರಾಂನ ಅವರ ಖಾತೆಯಲ್ಲಿ ಹೀಗೆ ಲೆಹೆಂಗಾ ಧರಿಸಿ ನರ್ತಿಸಿದ ಅನೇಕ ವಿಡಿಯೋಗಳನ್ನು ಪೋಸ್ಟ್ ಮಾಡಿದ್ದಾರೆ. ಈ ವಿಡಿಯೋಗಳು ಸಾಕಷ್ಟು ಗಮನ ಸೆಳೆದಿವೆ.

‘ನಮಗೆ ವರ್ಷಪೂರ್ತಿಯೂ ನವರಾತ್ರಿ ಆಚರಿಸಲು ಯಾಕೆ ಸಾಧ್ಯವಿಲ್ಲ? ಹಾಗೇನಾದರೂ ಇದ್ದಿದ್ದರೆ #Miniskirts & @vastra_designer ಜೊತೆಗೆ ಯಾವಾಗಲೂ ಗರ್ಭಾ ನೃತ್ಯ ಮಾಡಬಹುದಿತ್ತು!’ ಹೀಗೆ ಈ ವಿಡಿಯೋಗೆ ನೋಟ್​ ಬರೆದಿದ್ದಾರೆ ಜೈನಿಲ್. ಇವರ ಈ ನೃತ್ಯದ ವೈಖರಿಯನ್ನು ನೆಟ್ಟಿಗರು ಬಹುವಾಗಿ ಮೆಚ್ಚಿದ್ದಾರೆ. ಅವರ ಉಡುಪಿನ ಬಗ್ಗೆಯಂತೂ ಮಾತನಾಡುತ್ತಲೇ ಇದ್ದಾರೆ. ನಿಮಗೇನು ಅನ್ನಿಸಿತು ಈ ವಿಡಿಯೋ ನೋಡಿ?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ