‘ನನ್ನ ಮದುವೆಯಾಗುತ್ತೀಯಾ?’ ಆತ ಆಕೆಯನ್ನು ಕೇಳುವ ಮೊದಲೇ ಉಂಗುರ ನೀರುಪಾಲು!?

Viral Video : ನನ್ನನ್ನು ಮದುವೆಯಾಗುತ್ತೀಯಾ? ಮದುವೆಯ ನಿವೇದನೆಯನ್ನು ವಿಶೇಷವಾಗಿ ಮಾಡಿಕೊಳ್ಳಬೇಕು ಎಂದು ಪ್ರತೀ ಹುಡುಗನೂ ಕನಸು ಕಾಣುತ್ತಾನೆ. ಹಾಗೆಯೇ ಹುಡುಗಿಯೂ. ಅದಕ್ಕಾಗಿ ವಿಶೇಷ ಜಾಗಗಳ ಆಯ್ಕೆಗಳನ್ನೇ ಜೋಡಿಗಳು ಆಯ್ಕೆ ಮಾಡಿಕೊಳ್ಳುತ್ತಾರೆ. ಆದರೆ ಎಲ್ಲರ ಕನಸುಗಳು ನನಸಾಗುತ್ತವೆಯಾ? ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಸಾಗರದ ಮಧ್ಯದಲ್ಲಿ ತನ್ನ ಹುಡುಗಿಗೆ ಮದುವೆ ನಿವೇದನೆ ಮಾಡಬೇಕೆಂದು ಈ ಹುಡುಗ ಕನಸು ಕಂಡ. ಆ ಪ್ರಕಾರ ದೋಣಿಯಲ್ಲಿ ಸಾಗರದ ಮಧ್ಯದವರೆಗೂ ಪ್ರಯಾಣಿಸಿದ. ಇನ್ನೇನು ಕಿಸೆಯೊಳಗಿನ ಉಂಗುರವನ್ನು ಆಕೆಗೆ ತೊಡಸಬೇಕು ಅಷ್ಟರಲ್ಲಿ ಕೈಜಾರಿ ನೀರಿನೊಳಗೆ ಬಿದ್ದುಬಿಟ್ಟಿತು ಆ ಉಂಗುರ! ಮುಂದೆ ಅವ ಏನು ಮಾಡಿದ?

ಈ ಘಟನೆ ಫ್ಲೊರೀಡಾದಲ್ಲಿ ನಡೆದಿದೆ. ಮದುವೆ ಪ್ರಸ್ತಾಪ ಮಾಡಿದ ಹುಡುಗನ ಹೆಸರು ಸ್ಕಾಟ್​ ಕ್ಲೈನ್​, ಹುಡುಗಿಯ ಹೆಸರು ಸುಜಿ ಟಕ್ಕರ್. ಸೂರ್ಯಾಸ್ತದ ಹೊತ್ತಿಗಾಗಿ ಕಾಯ್ದು ತನ್ನ ಗೆಳತಿಗೆ ಮದುವೆ ಪ್ರಸ್ತಾಪ ಮಾಡಬೇಕೆಂದು ಬಹುಆಸೆಯಿಂದ ಕಾಯುತ್ತಿದ್ದ. ಪ್ರಣಯಭಂಗಿಯಲ್ಲಿ ಪರಸ್ಪರ ಕೈಗಳನ್ನು ಹಿಡಿದುಕೊಂಡು ನಿಂತರು. ನಂತರ ಆತ ಮೊಣಕಾಲನ್ನೂರಿ ತನ್ನ ಕಿಸೆಯೊಳಗಿನಿಂದ ಉಂಗುರದ ಬಾಕ್ಸ್​ ತೆಗೆಯುವ ಹೊತ್ತಿಗೆ ಬಾಕ್ಸ್​ ನೀರಿಗೆ ಬಿದ್ದುಬಿಟ್ಟಿತು. ತಕ್ಷಣವೇ ಆತ ಸಮುದ್ರಕ್ಕೆ ಹಾರಿಬಿಟ್ಟ. ಅದಕ್ಕೇ ಅವನು ಆ ಉಂಗುರವನ್ನು ಮರಳಿ ಪಡೆಯಲು ಸಾಧ್ಯವಾಯಿತು! ಗೆಳತಿಗಂತೂ ಜೋರಾದ ನಗು.

‘ಇದು ನೂರಕ್ಕೆ ನೂರರಷ್ಟು ನಿಜ. ನನ್ನ ಅದೃಷ್ಟ. ಇದನ್ನು ಎಂದು ಮರೆಯುವುದಿಲ್ಲ. ಅದೃಷ್ಟಕ್ಕೆ ರಿಂಗ್​ ಬಾಕ್ಸ್​ನೊಳಗಿತ್ತು. ಅಕಸ್ಮಾತ್​ ಬಾಕ್ಸ್​ನಿಂದ ರಿಂಗ್​ ಆಚೆ ಇದ್ದಿದ್ದರೆ ಖಂಡಿತ ಸಿಗುತ್ತಿರಲಿಲ್ಲ. ನಾನು ಭಯಂಕರ ಹೆದರಿಬಿಟ್ಟೆ ಬಾಕ್ಸ್​ ನೀರಿಗೆ ಬಿದ್ದಾಗ. ಸದ್ಯ ವಾಪಾಸ್​ ಸಿಕ್ಕಿತು ಎಂದಿದ್ದಾನೆ ಈತ.’

ಅದೃಷ್ಟ ಎಂದರೆ ಇದೇ ಇರಬೇಕು. ನೀವೇನಂತೀರಿ?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ