ಇಲ್ಲಿ ವಧು ದಪ್ಪ ಇದ್ದರೆ ಶ್ರೇಷ್ಠ, ತೆಳ್ಳಗಿದ್ದರೆ ಬಲವಂತವಾಗಿ ತಿನ್ನಿಸಿ ದಪ್ಪ ಮಾಡುತ್ತಾರೆ!

ತೆಳ್ಳಗೆ ಬೆಳ್ಳಗೆ ಆಗಬೇಕೆಂದು ಹೆಚ್ಚಿನವರು ಸಾಕಷ್ಟು ಕಸರತ್ತು ಮಾಡುತ್ತಾರೆ. ಆದರೆ ಈ ಒಂದು ದೇಶದಲ್ಲಿ ದಪ್ಪ ಹುಡುಗಿಯರನ್ನು ಅದೃಷ್ಟ ಎಂದು ಪರಿಗಣಿಸಲಾಗುತ್ತದೆ. ಅಷ್ಟೇ ಅಲ್ಲ ಹೆಣ್ಣುಮಕ್ಕಳು ದಪ್ಪಗಾಗಲು ಬಲವಂತವಾಗಿ ಆಹಾರವನ್ನೂ ತಿನ್ನಿಸಲಾಗುತ್ತದೆ.

ಉತ್ತರ-ಪಶ್ಚಿಮ ಆಫ್ರಿಕನ್ ದೇಶವಾದ ಮೌರಿಟಾನಿಯಾದಲ್ಲಿ, ಜನರು ದಪ್ಪ ಹುಡುಗಿಯರನ್ನು ಇಷ್ಟಪಡುತ್ತಾರೆ. ಮಾರಿಟಾನಿಯಾದ ಹಳೆಯ ಪದ್ಧತಿಗಳ ಪ್ರಕಾರ, ಈ ದೇಶದಲ್ಲಿ ಹೆಣ್ಣುಮಕ್ಕಳು ದಪ್ಪಗಿರುವುದು ದೊಡ್ಡ ಸಂಪತ್ತು ಮತ್ತು ಪ್ರತಿಷ್ಠೆಯ ಸಂಕೇತ ಎಂದು ಪರಿಗಣಿಸಲಾಗಿದೆ. ಇದಕ್ಕಾಗಿ ಈ ದೇಶದಲ್ಲಿ, ಕುಟುಂಬಗಳು ಚಿಕ್ಕ ವಯಸ್ಸಿನಿಂದಲೇ ಹೆಣ್ಣುಮಕ್ಕಳಿಗೆ ಹೆಚ್ಚು ಹೆಚ್ಚು ತಿನ್ನಲು ಅಭ್ಯಾಸ ಮಾಡಿಸುತ್ತಾರೆ.

ಮಾರಿಟಾನಿಯಾದಲ್ಲಿ ಈ ಸಂಪ್ರದಾಯವನ್ನು ಲ್ಯಾಬ್ಲೌ ಎಂದು ಕರೆಯಲಾಗುತ್ತದೆ. ಇದರಲ್ಲಿ ಹೆಚ್ಚಿನ ಕ್ಯಾಲೋರಿಗಳನ್ನು ಒಳಗೊಂಡಿರುವ ಅವರ ತೂಕವನ್ನು ಹೆಚ್ಚಿಸಲು ಹಾಲು, ಬೆಣ್ಣೆ ಮತ್ತು ಅಂತಹ ವಸ್ತುಗಳನ್ನು ಬಾಲ್ಯದಿಂದಲೂ ಹುಡುಗಿಯರಿಗೆ ನೀಡಲಾಗುತ್ತದೆ. ಹುಡುಗಿಗೆ ತಿನ್ನಲು ಸಹ ಅನಿಸದಿದ್ದರೆ ಬಲವಂತವಾಗಿ ಆಹಾರ ನೀಡಲಾಗುತ್ತದೆ. ಇದು ಈ ದೇಶದಲ್ಲಿ ಹಲವು ವರ್ಷಗಳಿಂದ ನಡೆದುಕೊಂಡು ಬಂದಿರುವ ಸಂಪ್ರದಾಯ. ದಪ್ಪ ವಧು ಕುಟುಂಬದ ಪ್ರತಿಷ್ಠೆಯನ್ನು ಹೆಚ್ಚಿಸುತ್ತಾಳೆ ಮತ್ತು ಮನೆಗೆ ಆರ್ಥಿಕವಾಗಿ ಸಮೃದ್ಧಿಯನ್ನು ತರುತ್ತಾಳೆ ಎಂದು ಅಲ್ಲಿನ ಜನರು ನಂಬುತ್ತಾರೆ.

ಇದನ್ನೂ ಓದಿ: ವಧು ಮದುವೆಗೂ ಮುನ್ನ 30 ದಿನಗಳವರೆಗೆ ಒಂದು ಗಂಟೆ ಅಳಬೇಕು, ಇದು ಇಲ್ಲಿನ ವಿಚಿತ್ರ ಪದ್ಧತಿ

ಮೌರಿಟಾನಿಯಾದ ಹೆಚ್ಚಿನ ಜನರು ಇನ್ನೂ ಹೆಣ್ಣುಮಕ್ಕಳನ್ನು ಕೊಬ್ಬಿಸುವ ಸಂಪ್ರದಾಯವನ್ನು ಅನುಸರಿಸುತ್ತಿದ್ದಾರೆ. ಆದರೆ ಈಗ ಆಧುನಿಕತೆಯ ದೃಷ್ಟಿಯಿಂದ ಕೆಲವರಲ್ಲಿ ಹಲವು ಬದಲಾವಣೆಗಳು ಆಗುತ್ತಿವೆ. ಸ್ಥೂಲಕಾಯತೆಯು ಆರೋಗ್ಯ ಸಂಬಂಧಿತ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಇದರಿಂದಾಗಿ ಕೆಲವೆಡೆ ಈ ಸಂಪ್ರದಾಯ ಕಡಿಮೆಯಾಗಿದೆ.

ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ