Viral Video: ಓನು ಬಂಗಾರಾ ಓನು ಪುಟ್ಟಾ, ಈ ವೀಕೆಂಡ್​ ಎಲ್ಲಿ ಹೋಗೋಣ?

Monkey : ಅಮ್ಮಕೋತಿ ಎಷ್ಟೇ ಜೋರಾಗಿ ಓಡಲಿ, ಎಷ್ಟೇ ಎತ್ತರದಲ್ಲಿ ಹಾರಲಿ ಮರಿಕೋತಿ ಮಾತ್ರ ಆಕೆಯನ್ನು ಅವುಚಿಕೊಂಡು ಗಟ್ಟಿ ಹಿಡಿದುಕೊಂಡಿರುತ್ತದೆ. ಉಳಿದಂತೆ ಕುಳಿತಾಗ ಅಮ್ಮನ ಮೇಲೆ ಕುಳಿತುಕೊಂಡಿರುತ್ತದೆ. ನೆತ್ತಿ ನೇವರಿಸುತ್ತಲೋ ಮಡಿಲೊಳಗೆ ಎತ್ತಿಕೊಂಡೋ ಮರಿಯನ್ನು ಅಮ್ಮಕೋತಿ ಸಮಾಧಾನ ಮಾಡುತ್ತಿರುತ್ತದೆ. ಈ ದೃಶ್ಯಗಳೆಲ್ಲವೂ ನಮಗೆ ನೋಡಲು ಸಿಗುವಂಥವು. ಆದರೆ ಇಲ್ಲಿರುವ ಈ ದೃಶ್ಯ ನೋಡಿ. ನಮ್ಮ ನಿಮ್ಮಂತೆ ತನ್ನ ಮಗುವನ್ನು ಎತ್ತಿ ಆಡಿಸುತ್ತಿದೆ ಈ ಅಮ್ಮಕೋತಿ.

ಈ ತನಕ ಈ ವಿಡಿಯೋ ಅನ್ನು 3.7 ಮಿಲಿಯನ್​ ಜನರು ನೋಡಿದ್ದಾರೆ. ಆಹಾ ಎಷ್ಟು ಛಂದ ಮುದ್ದು ಮಾಡುತ್ತಿದೆ ಮತ್ತು ಮುತ್ತು ನೀಡುತ್ತಿದೆ ಈ ಅಮ್ಮಕೋತಿ. ನಿಜಕ್ಕೂ ಇದು ಅಪರೂಪದ ದೃಶ್ಯ ನಾನು ಈತನಕ ನೋಡಿಯೇ ಇಲ್ಲ. ಇದೇನು ಮನುಷ್ಯನನ್ನು ನೋಡಿ ಕಲಿತಿದ್ದಲ್ಲ, ಇದು ಅವುಗಳ ಮೂಲ ಸ್ವಭಾವ. ಖಂಡಿತ ಜೀವವಿಕಾಸವಾಗುತ್ತಿದೆ ಇಲ್ಲಿ… ಅಂತೆಲ್ಲ ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ : Viral: ನನ್ನ ಆತ್ಮ ಪ್ಲಾಸ್ಟಿಕ್​ನಿಂದ ಮಾಡಲ್ಪಟ್ಟಿಲ್ಲ; 8 ವರ್ಷದ ಬಾಲಕಿಯ ಮೊದಲ ಕವನ

ಪೋಷಕರು ಮಕ್ಕಳನ್ನು ಮುದ್ದಿಸುವುದು ಎಲ್ಲಾ ಜೀವಿಗಳಲ್ಲೂ ಸಹಜ ಅಂಥದ್ದೇನಿದೆ ಎಂದು ಮತ್ತೊಬ್ಬರು ಪ್ರಶ್ನಿಸಿದ್ದಾರೆ. ನಾನು ನನ್ನ ನಾಯಿಯನ್ನು ಹೀಗೇ ಮುದ್ದಿಸುತ್ತೇನೆ ಎಂದು ಇನ್ನೊಬ್ಬರು ಹೇಳಿದ್ದಾರೆ. ಈ ವಿಡಿಯೋದ ಹಿನ್ನೆಲೆಯ ಸಂಗೀತ ಯಾವುದು ಎಂದು ಕೇಳಿದ್ದಾರೆ ಒಬ್ಬರು. ನಾವು ಕೋತಿಗಳನ್ನು ಅನುಸರಿಸುತ್ತಿದ್ದೇವೆಯೋ ಅವುಗಳು ನಮ್ಮನ್ನು ಅನುಕರಿಸುತ್ತಿದ್ದಾವೆಯೋ, ಈ ವಿಡಿಯೋ ನೋಡಿದ ಮೇಲೆ ನನ್ನ ಗೊಂದಲ ಹೆಚ್ಚಾಗುತ್ತಿದೆ ಎಂದು ಕೆಲವರು ಹೇಳಿದ್ದಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ