Viral: ಗ್ರಾಹಕರ ಹೂಕುಂಡವೇನೋ ಒಡೆಯಿತು, ಡೆಲಿವರಿ ಸಿಬ್ಬಂದಿ ಮುಂದೇನು ಮಾಡಿದ?

Delivery Boy : ಗ್ರಾಹಕರಿಗೆ ತಲುಪಿಸುವಾಗ ಅಕಸ್ಮಾತ್ ಆಗಿ ಈ ಹೂಕುಂಡ (Flower Pot) ಒಡೆದುಬಿಟ್ಟಿದೆ. ಆದರೆ ಡೆಲಿವರಿ ಸಿಬ್ಬಂದಿ ಎದೆ ಒಡೆದುಕೊಳ್ಳದೆ ಮತ್ತು ನೆಪ ಹೇಳಿ ನುಣುಚಿಕೊಳ್ಳದೆ ಅಥವಾ ಓಡಿಹೋಗದೆ ಸಹೃದಯದಿಂದ, ವಿಚಾರಪೂರ್ಣವಾಗಿ ವರ್ತಿಸಿದ್ದಾನೆ. ಈ ಮೂಲಕ ಮಿಲಿಯನ್​ಗಟ್ಟಲೆ ಜನರ ಮನಸ್ಸನ್ನು ಗೆದ್ದಿದ್ದಾನೆ. ಈ ಕುರಿತ ಟ್ವೀಟ್​ ಸಾಮಾಜಿಕ ಜಾಲತಾಣದಲ್ಲಿ ಟ್ವೀಟ್​ ಆದಾಗಿನಿಂದ ಈತನಕ ಎರಡೂವರೆ ಮಿಲಿಯನ್​ ಜನರು ಟ್ವೀಟ್​ ನೋಡಿದ್ದಾರೆ. ಸುಮಾರು 35,000 ಜನರು ಇದನ್ನು ಇಷ್ಟಪಟ್ಟಿದ್ದಾರೆ.

The food delivery guy just dropped this off. I caught him as I was pulling up to the house and he was so sweet. I told him I tweeted about the interaction and that it went viral and he got a kick out of that. https://t.co/5TXGdwXMbH pic.twitter.com/qcaMZdXSGE

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

— Eli McCann (@EliMcCann) May 30, 2023

ಎಲಿ ಮ್ಯಾಕ್​ಕಾನ್​ ಎನ್ನುವವರು ಮೇ 28ರಂದು ಈ ಟ್ವೀಟ್ ಮಾಡಿದ್ದಾರೆ. ‘ನನ್ನ ಗಂಡ ರಾತ್ರಿ ಊಟಕ್ಕಾಗಿ ಆರ್ಡರ್​ ಮಾಡಿದ್ದರು. ಸಿಬ್ಬಂದಿ ಡೆಲಿವರಿಗೆ ಬಂದಾಗ ನಮ್ಮ ಅಂಗಳದಲ್ಲಿದ್ದ ಸುಂದರವಾದ ಹೂಕುಂಡ ಅಕಸ್ಮಾತ್ ಆಗಿ ತಾಗಿ ಒಡೆದುಹೋಯಿತು. ಈ ಪ್ರಮಾದಕ್ಕೆ ಕ್ಷಮೆ ಯಾಚಿಸಲು ಆತ ನಮ್ಮನ್ನು ಕೂಗಿದ. ಅಷ್ಟೇ ಅಲ್ಲ ಅದಕ್ಕೆ ತಗಲುವ ಹಣವನ್ನು ಕೊಡಲು ಮುಂದಾದ. ಆಗ ನನ್ನ ಗಂಡ, ಇರಲಿ ಇದು ಯಾರಿಂದಲೂ ಸಹಜವಾಗಿ ಆಗುವಂಥದ್ದು ಎಂದು ಹೇಳಿದ್ದಾರೆ.’ ಎಂದಿದ್ದಾರೆ ಎಲಿ.

ಇದನ್ನೂ ಓದಿ : Viral: ದಿನಕ್ಕೆ ರೂ. 70 ಲಕ್ಷ ಶಾಪಿಂಗ್​ ಮಾಡುವುದೇ ಈ ಮಿಲಿಯನೇರ್​ ಗೃಹಿಣಿಯ ಹವ್ಯಾಸ

ಇದಾದ ನಂತರ ಮೇ 31ರಂದು ಇದೇ ಪೋಸ್ಟ್​ನ ಥ್ರೆಡ್​ನಲ್ಲಿ ಎಲಿ ಅಪ್​ಡೇಟ್ ಕೊಟ್ಟಿದ್ದಾರೆ. ಆ ಡೆಲಿವರಿ ಸಿಬ್ಬಂದಿ ಹೊಸ ಹೂಕುಂಡವನ್ನು ತಂದು ಅದರಡಿ ಹಸ್ತಾಕ್ಷರದಲ್ಲಿ ಒಂದು ಪತ್ರವನ್ನೂ ಬರೆದಿಟ್ಟು ಹೋಗಿದ್ದಾನೆ. ಹಾಗೆ ಹೋಗುವಾಗ ಅವನಿಗೆ ಹೇಳಿದೆ, ನೋಡು ಇದನ್ನು ನಾನು ಟ್ವೀಟ್ ಮಾಡಿದೆ ಮಿಲಿಯನ್​ಗಟ್ಟಲೆ ಜನ ನಿನ್ನ ಹೃದಯವಂತಿಕೆಯನ್ನು ಕೊಂಡಾಡಿದ್ದಾರೆ ಎಂದು ಹೇಳಿದೆ’ ಎಂದಿದ್ದಾರೆ ಎಲಿ.

ಇದನ್ನೂ ಓದಿ : Viral: ನನ್ನ ಆತ್ಮ ಪ್ಲಾಸ್ಟಿಕ್​ನಿಂದ ಮಾಡಲ್ಪಟ್ಟಿಲ್ಲ; 8 ವರ್ಷದ ಬಾಲಕಿಯ ಮೊದಲ ಕವನ

ಹೆಲೋ, ನಾನು ನಿಮ್ಮ ಊಬರ್ ಡ್ರೈವರ್, ಭಾನುವಾರ ಸಂಜೆ ನಾನು ನಿಮ್ಮ ಮನೆಗೆ ಡೆಲಿವರಿಗೆಂದು ಬಂದಾಗ ಅಕಸ್ಮಾತ್ ಆಗಿ ಕುಂಡವನ್ನು ಒಡೆದೆ. ಹಾಗಾಗಿ ಅದರ ಬದಲಾಗಿ ಈ ಕುಂಡವನ್ನು ನಿಮಗೆ ಕೊಡುತ್ತಿದ್ದೇನೆ. ಆದರೆ ಇದು ಉಡುಗೊರೆಯೂ ಅಲ್ಲ ಮತ್ತು ಯಾವುದೇ ಭಾವನಾತ್ಮಕ ಮಹತ್ವದಿಂದ ಕೂಡಿಲ್ಲ ಎಂದು ನಿಮಗನ್ನಿಸಬಹುದು ಎಂದು ಭಾವಿಸುತ್ತೇನೆ. ಮತ್ತಿದು ಇದು ಅಂಥಾ ಗುಣಮಟ್ಟದ್ದೇನಲ್ಲಆದರೂ ನೀವಿದನ್ನೂ ಉಪಯೋಗಿಸಿಕೊಳ್ಳಬಹುದು. ಇಂತಿ ಜೋರ್ಡಾನ್​.

ಓದಿದ ನಿಮ್ಮ ಮನಸ್ಸು ಮೃದುವಾಯಿತು ಅಲ್ಲವೆ? ಇಂಥ ಪ್ರಸಂಗಗಳು ನಿಮ್ಮನ್ನು ಎದುರುಗೊಂಡಿವೆಯೇ?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ

Published On - 1:19 pm, Fri, 2 June 23