Viral Video: ತುಂಬುಗರ್ಭಿಣಿ ಅಥ್ಲೀಟ್ ವರ್ಕೌಟ್; ನೆಟ್ಟಿಗರ ಪ್ರತಿಕ್ರಿಯೆ ಅಕ್ಷಮ್ಯ
Pregnant : ಕಾಮನ್ ವೆಲ್ಥ್ ಗೇಮ್ಸ್ನಲ್ಲಿ ಬಂಗಾರದ ಪದಕ ಗೆದ್ದ ಟಿಯಾ ಕ್ಲೇರ್ ಟೂಮೀ ಹೆರಿಗೆಗೆ ಎರಡು ವಾರವಿರುವಾಗ ಮಾಡಿದ ವಿಡಿಯೋಗಳು ಇಲ್ಲಿವೆ. ಇವುಗಳೊಂದಿಗೆ ಆಕೆಯ ಮುದ್ಧಾದ ಹೆಣ್ಣುಮಗುವನ್ನೂ ನೋಡಿ.
Updated on:Jun 01, 2023 | 4:17 PM
Commonwealth Games Gold Medalist : ಕಾಮನ್ ವೆಲ್ಥ್ ಗೇಮ್ಸ್ನಲ್ಲಿ ಬಂಗಾರದ ಪದಕ ಗೆದ್ದ ಟಿಯಾ ಕ್ಲೇರ್ ಟೂಮೀ ಆರ್ (Tia Clair Toomey Orr) ಆಸ್ಟ್ರೇಲಿಯನ್ ವೇಟ್‌ಲಿಫ್ಟರ್ ಮತ್ತು ಕ್ರಾಸ್‌ಫಿಟ್ ಗೇಮ್ಸ್ ಅಥ್ಲೀಟ್. 2022 ಕ್ರಾಸ್‌ಫಿಟ್ ಗೇಮ್ಸ್ನಲ್ಲಿ ಸತತ ಆರು ಬಾರಿ ಪ್ರಶಸ್ತಿಯನ್ನು ಗೆದ್ದಿದ್ದಾಳೆ. ಇಷ್ಟೇ ಅಲ್ಲ ಕ್ರೀಡಾ ಇತಿಹಾಸದಲ್ಲಿ ಇತರೇ ಕ್ರೀಡಾಪಟುಗಳಿಗಿಂತ ಹೆಚ್ಚಿನ ಪ್ರಶಸ್ತಿಗಳನ್ನು ತನ್ನದಾಗಿಸಿಕೊಂಡಿದ್ದಾಳೆ. ಈಕೆ ಹೆರಿಗೆಗೆ ಎರಡು ವಾರ ಇರುವಾಗ ವರ್ಕೌಟ್ ಮಾಡುತ್ತಿದ್ದ ವಿಡಿಯೋ ಇಲ್ಲಿವೆ.
ಆದರೆ ಬಹಳ ಬೇಸರದ ಸಂಗತಿ ಎಂದರೆ ನೆಟ್ಟಿಗರು ಅಸಭ್ಯವಾಗಿ ಈ ವಿಡಿಯೋಗೆ ಪ್ರತಿಕ್ರಿಯಿಸಿರುವುದು. ಈಕೆ ತನ್ನಷ್ಟಕ್ಕೆ ತಾನೇ ಗರ್ಭಿಣಿಯಾಗಿದ್ದಾಳೆಂಬ ಗಾಳಿ ಸುದ್ದಿ ಇದೆ. ಈಕೆ ಹೀಗೆ ವರ್ಕೌಟ್ ಮಾಡುವುದರಿಂದ ಈಕೆಗೆ ಹುಟ್ಟುವ ಮಗು ವಿಕಾರವಾಗಿ ಕಾಣುತ್ತದೆ. ಎಂಥ ಅಜಾಗರೂಕಳು ಈಕೆ… ಅಂತೆಲ್ಲ ಪ್ರತಿಕ್ರಿಯಿಸಿದ್ದಾರೆ. ಯಾಕೆ ಇಷ್ಟೊಂದು ಹಗೂರವಾಗಿ ಮಾತನಾಡುತ್ತಿದ್ದೀರಿ? ತಾನು ಗರ್ಭಿಣಿ ಎಂದು ತಿಳಿದ ಕೂಡಲೇ ಆಕೆ ತನ್ನ ವೈದ್ಯರನ್ನು ಸಂಪರ್ಕಿಸಿ ಅವರ ಸಲಹೆಯಂತೆ ಮುನ್ನಡೆಯುವುದಿಲ್ಲವೆ? ಎಂದು ಒಬ್ಬರು ಕೇಳಿದ್ದಾರೆ.
View this post on Instagram
ನಿಮ್ಮ ಈ ಪೋಸ್ಟ್ ನೋಡಿ ಧೈರ್ಯಶಾಲೀ ಎಂದು ಜನರು ನಿಮ್ಮನ್ನು ಹೊಗಳಲಿ ಎಂದೆಲ್ಲ ಹೀಗೆ ಮಾಡುತ್ತಿದ್ದೀರೇ? ಇದು ಮಗುವಿಗೆ ತುಂಬಾ ಅಪಾಯಕಾರಿ, ಖಂಡಿತ ನೀವು ಮಗುವನ್ನು ಕಳೆದುಕೊಳ್ಳುವ ಸಾಧ್ಯತೆ ಇದೆ. ವ್ಯೂವ್ಸ್ ಪಡೆಯಲು ಇಂಥ ಪೋಸ್ಟ್ಗಳನ್ನು ಹಾಕುವುದನ್ನು ಬಿಡಿ ಎಂದು ಮತ್ತೊಬ್ಬರು ಬುದ್ಧಿಮಾತು ಹೇಳಿದ್ದಾರೆ. ಟಿಯಾ ಕ್ಲೇರ್ ಮೇ 9ರಂದು ವಿಲ್ಲೋ ಕ್ಲೇರ್ ಆರ್ (Willow Clair Orr) ಎಂಬ ಮುದ್ದಾದ ಹೆಣ್ಣುಮಗುವಿಗೆ ಜನ್ಮಕೊಟ್ಟಿದ್ದಾಳೆ. ತನ್ನ ಬದುಕನ್ನು ಸುಂದರಗೊಳಿಸಿದ ಮಗಳು ಮತ್ತು ಪತಿ ಶೇನ್ ಓರ್ (Shane Orr) ಗೆ ಧನ್ಯವಾದ ತಿಳಿಸಿದ್ಧಾಳೆ.
View this post on Instagram
ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿರುವ ಈಕೆ ಹೀಗೆ ಇಂಥ ಸಂದರ್ಭದಲ್ಲಿ ಅಜಾಗರೂಕತೆಯಿಂದ ವರ್ತಿಸಲು ಸಾಧ್ಯವೆ? ಸಾಮಾಜಿಕ ಜಾಲತಾಣಿಗರು ಇಂಥ ದಿಟ್ಟೆಯ ವಿಷಯದಲ್ಲಿಯೂ ಅವಳ ವೈಯಕ್ತಿಕ ಜೀವನ ಮತ್ತು ಅವಳ ಆತ್ಮವಿಶ್ವಾಸವನ್ನು ಅವಮಾನಗೊಳಿಸಿರುವುದು ಅತ್ಯಂತ ಹೇಯಕರ ಸಂಗತಿ.
ನೀವೇನಂತೀರಿ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 4:06 pm, Thu, 1 June 23
