ಈ ಕಪ್ಪೆಗಳಾ! ಡೇರೇಹೂವ್ವು ನುಂಗಿದ್ವಾ ನೋಡವ್ವಾ ತಂಗಿ

Viral Video : ಆಡುಆನೆಯ ನುಂಗಿ, ಗೋಡೆ ಸುಣ್ಣಾವ ನುಂಗಿ, ಆಡಲು ಬಂದಾ ಪಾತರದವಳಾ ಮದ್ದಳೆ ನುಂಗಿತ್ತಾ ನೋಡವ್ವಾ ತಂಗಿ, ಕೋಡಗನ್ನ ಕೋಳಿ ನುಂಗಿತ್ತಾ… ಶರೀಫರ ಈ ತತ್ವಪದ ನಿಮ್ಮ ನೆನಪಿಗೆ ಬಂದಿರಲು ಸಾಕು. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಡೇರೆಹೂವಿನ ಪುಟ್ಟಪುಟ್ಟ ಎಸಳುಗಳನ್ನೇ ಗೂಡುಗಳಂತೆ ಮಾಡಿಕೊಂಡಿವೆ ಈ ಪುಟಾಣಿ ಕಪ್ಪೆಗಳು. ನೆಟ್ಟಿಗರಂತೂ ಕುತೂಹಲದಿಂದ ಖುಷಿಯಿಂದ ಈ ವಿಡಿಯೋ ನೋಡುತ್ತಲೇ ಇದ್ದಾರೆ. ಒಮ್ಮೆ ನೋಡಿದ ನೀವು ಮತ್ತೆ ನೋಡುವುದು ಗ್ಯಾರಂಟಿ!

ಈ ವಿಡಿಯೋ ಅನ್ನು ಕಳೆದ ತಿಂಗಳು ಪೋಸ್ಟ್​ ಮಾಡಲಾಗಿದೆ. ಈತನಕ 8 ಮಿಲಿಯನ್​ಗಿಂತಲೂ ಹೆಚ್ಚು ಜನರು ಈ ವಿಡಿಯೋ ನೋಡಿದ್ದಾರೆ. 3 ಲಕ್ಷಕ್ಕಿಂತಲೂ ಹೆಚ್ಚು ಜನ ಪ್ರತಿಕ್ರಿಯಿಸಿದ್ದಾರೆ. ಸಾಕಷ್ಟು ಜನರು ಈ ಪೋಸ್ಟ್​ ಅನ್ನು ಹಂಚಿಕೊಂಡಿದ್ದಾರೆ. ಎಂಥ ಮುದ್ದಾಗಿದೆ ಈ ವಿಡಿಯೋ. ನನಗಂತೂ ಹುಚ್ಚು ಹಿಡಿಯುತ್ತಿದೆ ಇದನ್ನು ನೋಡುತ್ತಿದ್ದಂತೆ ಎಂದಿದ್ದಾರೆ ಒಬ್ಬರು. ಆಹಾ ಪ್ರಕೃತಿಯ ಈ ಅದ್ಭುತ ಎಂಥ ಚೆಂದ ಎಂದಿದ್ದಾರೆ ಇನ್ನೂ ಒಬ್ಬರು. ಓಹ್​ ಎರಡು ದಿನಗಳ ಹಿಂದೆ ಈ ವಿಡಿಯೋ ನೋಡಿದ್ದೆ. ಈಗ ಐದನೇ ಬಾರಿ ಇದನ್ನು ಮತ್ತೆ ನೋಡುತ್ತಿದ್ದೇನೆ ಎಂದಿದ್ದಾರೆ ಮಗದೊಬ್ಬರು.

ಎಲ್ಲವೂ ಆನ್​ಲೈನ್​ಮಯವಾಗಿರುವ ಜಗತ್ತಿನಲ್ಲಿ ಇಂಥ ವಿಡಿಯೋಗಳು ಖುಷಿ ಕೊಡುತ್ತವೆ ನಿಜ. ಆದರೆ ಇದನ್ನು ನೋಡಲು ಮತ್ತೂ ನಾವು ಮೊರೆಹೋಗುವುದು ಆನ್​ಲೈನ್​ಅನ್ನೇ! ಎಂಥ ವಿಪರ್ಯಾಸ.

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ