Viral Video; ಬ್ಯಾಡ್ಮಿಂಟನ್​ ಆಡುವ ರೊಬೋಟ್; ಆಟಗಾರರನ್ನೇ ಮೀರಿಸುವ ಜಾಣ್ಮೆ ಈ ರೊಬೋಟ್​ನದ್ದು

Viral Video; ಬ್ಯಾಡ್ಮಿಂಟನ್​ ಆಡುವ ರೊಬೋಟ್; ಆಟಗಾರರನ್ನೇ ಮೀರಿಸುವ ಜಾಣ್ಮೆ ಈ ರೊಬೋಟ್​ನದ್ದು
ಬ್ಯಾಡ್ಮಿಂಟನ್​ ಆಡುವ ರೊಬೋಟ್​

ಗುಜರಾತ್​ ಸೈನ್ಸ್​ ಸಿಟಿಯಲ್ಲಿ ಬ್ಯಾಡ್ಮಿಂಟನ್​ ಆಡುವ ರೊಬೋಟ್​ ಒಂದನ್ನು ತಯಾರಿಸಲಾಗಿದೆ. ರೊಬೋಟ್​ ಬ್ಯಾಡ್ಮಿಂಟನ್​​ ಆಡಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದೆ.

TV9kannada Web Team

| Edited By: Pavitra Bhat Jigalemane

Jan 30, 2022 | 12:58 PM


ತಂತ್ರಜ್ಞಾನ (Technology) ಬೆಳೆದಂತೆ ಹೊಸ ಹೊಸ ಆವಿಷ್ಕಾರಗಳು ನಡೆಯುತ್ತವೆ. ಮಾನವನ ಕೆಲಸವನ್ನು ಸುಲಭ ಮಾಡಲು ಇಷ್ಟು ದಿನ ಸಾಕಷ್ಟು ಆಧುನಿಕ ಉಪಕರಣಗಳು ಆವಿಷ್ಕಾರಗೊಂಡಿದೆ. ಇತ್ತೀಚೆಗಂತೂ ಅಡುಗೆ ಮಾಡುವ, ಸರ್ವಿಂಗ್​ ಮಾಡುವ ರೋಬೋಟ್​ಗಳೂ ತಯಾರಾಗಿವೆ. ಇವು ಮನುಷ್ಯನ ಬದುಕನ್ನು ದಿನದಿಂದ ದಿನಕ್ಕೆ ಸರಳಗೊಳಿಸುತ್ತಿವೆ. ಇದೀಗ ಗುಜರಾತ್​ ಸೈನ್ಸ್​ ಸಿಟಿಯಲ್ಲಿ ಬ್ಯಾಡ್ಮಿಂಟನ್​ ಆಡುವ ರೊಬೋಟ್ (Robot)​ ಒಂದನ್ನು ತಯಾರಿಸಲಾಗಿದೆ. ಆಟವಾಡಲು ಶಕ್ತಿ, ತಾಳ್ಮೆ, ಜಾಣ್ಮೆ ಎಲ್ಲವೂ ಬೇಕು ಎನ್ನುವುದು ಇಷ್ಟು ದಿನದ ವ್ಯಾಖ್ಯಾನವಾಗಿತ್ತು. ಆದರೆ ಈಗ ರೊಬೋಟ್​ ಎಲ್ಲವನ್ನೂ ಬದಿಗೊತ್ತಿ ಕೃತಕ ಬುದ್ದಿಯ​ (Artificial Intelligence, )ಮೂಲಕವೂ ಕೂಡ ಆಟವನ್ನು ಆಡಬಹುದು ಎಂದು ತೊರಿಸಿಕೊಟ್ಟಿದೆ. ಸದ್ಯ ರೊಬೋಟ್​ ಬ್ಯಾಡ್ಮಿಂಟನ್​​ ಆಡಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದೆ.

ಅಹಮದಾಬಾದ್​ನಲ್ಲಿ ಗುಜರಾತ್​ ಸೈನ್ಸ್​ ಸಿಟಿಯಲ್ಲಿ ತಯಾರಿಸಿದ ರೊಬೋಟ್​ ಬ್ಯಾಡ್ಮಿಂಟನ್​ ಆಡುವುದನ್ನು  ಚಿತ್ರೀಕರಣ ಮಾಡಲಾಗಿದೆ. ಇದರ ವಿಡಿಯೋ ಈ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​​ ಆಗಿದೆ. ವಿಡಿಯೋದಲ್ಲಿ ಒಂದು ಕಡೆ ಆಟಗಾರ ನಿಂತಿರುತ್ತಾನೆ ಇನ್ನೊಂದು ಕಡೆ ರೊಬೋಟ್​ ನಿಂತಿರುತ್ತದೆ. ಆಟಗಾರ ಕೊಟ್ಟ ಶಾಟ್​ಗೆ ರೊಬೋಟ್​ ಕೂಡ ಸರಿಯಾಗಿ ಶಾಟ್ ನೀಡುವುದನ್ನು ವಿಡಿಯೋದಲ್ಲಿ ಕಾಣಬಹುದು. ನೆಟ್ಟಿಗರು ವಿಡಿಯೋ ನೋಡಿ ಅಚ್ಚರಿಪಟ್ಟಿದ್ದಾರೆ. ಕೆಲವರು ಸ್ನೇಹಿತರಿಲ್ಲದ ವ್ಯಕ್ತಿಗಳಿಗೆ ಈ ರೊಬೋಟ್​ ಒಳ್ಳೆಯ ಸ್ನೇಹಿತನಾಗಿ ಬ್ಯಾಡ್ಮಿಂಟನ್​ಗೆ ಜತೆಯಾಗಲಿದೆ ಎಂದು ಕಾಮೆಂಟ್​ ಮಾಡಿದ್ದಾರೆ.

ಈ ಮೊದಲು ಗುಜರಾತ್​ನ ಸೈನ್ಸ್​ ಸಿಟಿ ರೊಬೊಟ್​ನ ಡೆಮೋ ವಿಡಿಯೊವನ್ನು ಯುಟ್ಯೂಬ್​ನಲ್ಲಿ ಹಂಚಿಕೊಂಡಿತ್ತು. 1 ನಿಮಿಷದ ವಿಡಿಯೋದಲ್ಲಿ ಮಾನವ ಮತ್ತು ರೊಬೋಟ್​ ನಡುವಿನ ಪಂದ್ಯವನ್ನು ಹೇಗೆ ಆಯೋಜಿಸಬಹುದು ಎನ್ನುವುದನ್ನು ವಿವರಿಸಲಾಗಿದೆ. ರೊಬೋಟ್​ ತನ್ನ  ಎಲೆಕ್ಟ್ರಾನಿಕ್​ ಕಣ್ಣುಗಳಿಂದ ಶೆಟಲ್​ಕಾಕ್​ ಅನ್ನು ಗುರುತಿಸುತ್ತದೆ. ಸೆನ್ಸಾರ್​ ಮೂಲಕ  ಕ್ರೀಡಾಂಗಣದ ಸುತ್ತ ತಿರುಗುತ್ತದೆ ಎಂದು  ಗುಜರಾತ್​ನ ಸೈನ್ಸ್​ ಸಿಟಿ ತಿಳಿಸಿದೆ.

ಇದನ್ನೂ ಓದಿ:

ಕಚ್ಚಾ ಬಾದಾಮ್ ಹಾಡಿದವರು ಇವರೇ ನೋಡಿ; ಭುವನ್ ಬದ್ಯಕರ್

Follow us on

Related Stories

Most Read Stories

Click on your DTH Provider to Add TV9 Kannada