ಮ್ಯಾಗಿ ಪರೋಟಾ ನೋಡಿ ಹೀಗೂ ಮಾಡಬಹುದಾ ಎಂದ ನೆಟ್ಟಿಗರು; ವಿಡಿಯೋ ವೈರಲ್

ಇಂದೋರ್ನಲ್ಲಿ ಮ್ಯಾಗಿ ಪರೋಟಾವನ್ನು ಹೊಸ ತಿನಿಸನ್ನು ತಯಾರಿಸಲಾಗಿದ್ದು, ನೆಟ್ಟಿಗರು ಮೆಚ್ಚಿಕೊಂಡಿದ್ದಾರೆ. ವಿಡಿಯೋ ನೋಡಿ ಹಲವರು ತಿನಿಸನ್ನು ಒಮ್ಮೆಯಾದರೂ ತಿನ್ನಬೇಕು ಎಂದು ಕಾಮೆಂಟ್ ಮಾಡಿದ್ದಾರೆ.

ಮ್ಯಾಗಿ ಪರೋಟಾ

TV9 Web | Updated By: Pavitra Bhat Jigalemane
Updated on: Jan 30, 2022 | 10:36 AM

ಫುಡ್ ಬ್ಲಾಗರ್ (Food Blogger) ಗಳು ಹೊಸ ಹೊಸ ರುಚಿಯ ತಿಂಡಿಯನ್ನು ತಿಂದು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಾರೆ. ಈ ಹಿಂದೆ ಕೂಡ ಹಲವು ರೀತಿಯ ಫುಡ್ಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಈಗ ಮ್ಯಾಗಿ ಪರೋಟ (Maggie Paratha) ವೈರಲ್ ಆಗಿದೆ. ಇನ್ಸ್ಟಾಗ್ರಾಮ್ನಲ್ಲಿ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ವರ್ಲ್ಡ್ ವೈಡ್ ಫುಡ್ ಎನ್ನುವ ಇನ್ಸ್ಟಾಗ್ರಾಮ್ ಖಾತೆ ವಿಡಿಯೋವನ್ನು ಹಂಚಿಕೊಂಡಿದೆ. ಇಂದೋರ್ನಲ್ಲಿ ಮ್ಯಾಗಿ ಪರೋಟಾವನ್ನು ಹೊಸ ತಿನಿಸನ್ನು ತಯಾರಿಸಲಾಗಿದ್ದು, ನೆಟ್ಟಿಗರು ಮೆಚ್ಚಿಕೊಂಡಿದ್ದಾರೆ. ವಿಡಿಯೋ ನೋಡಿ ಹಲವರು ತಿನಿಸನ್ನು ಒಮ್ಮೆಯಾದರೂ ತಿನ್ನಬೇಕು ಎಂದು ಕಾಮೆಂಟ್ ಮಾಡಿದ್ದಾರೆ.

View this post on Instagram

A post shared by Prashant Vijayvargiya (@world_wide_food_blogger)

ವಿಡಿಯೋದಲ್ಲಿ ಮೊದಲು ಬಾಣಲೆಗೆ ಬೆಣ್ಣೆಯನ್ನು ಹಾಕುವುದನ್ನು ಕಾಣಬಹುದು. ನಂತರ ಮ್ಯಾಗಿಯನ್ನು ಹಾಕಿ ಬೇಯಿಸಲಾಗುತ್ತದೆ ನಂತರ ಅದರಲ್ಲಿರುವ ನೀರಿನ ಅಂಶ ಹೋಗುವವರೆಗೆ ಬೇಯಿಸಿ ನಂತರ ಹಿಟ್ಟನ್ನು ತಯಾರಿಸಿ ಪರೋಟ ರೀತಿಯಲ್ಲಿ ಮಾಡಲಾಗುತ್ತದೆ. ನಂತರ ಅದರೊಳಗೆ ಮ್ಯಾಗಿಯನ್ನು ಹಾಕಿ ಲಟ್ಟಿಸಿ ಬೇಯಿಸುತ್ತಾರೆ. ಈ ಮ್ಯಾಗಿ ಪರೋಟಾವನ್ನು ಇಂದೋರ್ನ ಮೇಘದೂತ್ ಪರೋಟ ಎನ್ನುವ ಡಾಬಾದಲ್ಲಿ ತಯಾರಿಸಲಾಗಿದೆ ಎಂದು ವಿಡಿಯೋದಲ್ಲಿ ಮಾಹಿತಿಯನ್ನು ಹಂಚಿಕೊಳ್ಳಲಾಗಿದೆ. ವಿಡಿಯೋನೋಡಿ ಪರೋಟಾವನ್ನು ಹೀಗೂ ಮಾಡಬಹುದಾ ಎಂದು ಉದ್ಘಾರ ಎಳೆದಿದ್ದಾರೆ.

ಗೋಲ್ಗಪ್ಪಾ ಐಸ್ಕ್ರೀಮ್

ಅದೇ ರೀತಿ ಗೋಲ್ಗಪ್ಪಾ ಐಸ್ಕ್ರೀಮ್ ಕೂಡ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಗೋಲ್ಗಪ್ಪಾಗೆ ಐಸ್ ಕ್ರೀಮ್ ಹಾಕಿ ನಂತರ ಅದನ್ನು ಸ್ಮಾಶ್ ಮಾಡಿ ರೋಲ್ ರೀತಿಯಲ್ಲಿ ಮಾಡಿ ಕೊಡಲಾಗುತ್ತದೆ. ಇನ್ಸ್ಟಾಗ್ರಾಮ್ನಲ್ಲಿ ಗ್ರೇಟ್ ಇಂಡಿಯನ್ ಫುಡ್ ಎನ್ನುವ ಇನ್ಸ್ಟಾಗ್ರಾಮ್ ಖಾತೆ ಈ ವಿಡಿಯೋವನ್ನು ಹಂಚಿಕೊಂಡಿದ್ದು 7 ಸಾವಿರಕ್ಕೂ ಹೆಚ್ಚು ಜನ ಮೆಚ್ಚಿಕೊಂಡಿದ್ದಾರೆ. ಕೆಲವರು ಗೋಲ್ಗಪ್ಪಾ ಐಸ್ಕ್ರೀಮ್ ಅನ್ನು ತಿನ್ನಬೇಕು ಎಂದು ಬಾಯಲ್ಲಿ ನೀರೂರಿಸಿಕೊಂಡಿದ್ದಾರೆ. ಅದರ ವಿಡಿಯೋ ಇಲ್ಲಿದೆ ನೋಡಿ,