ಶಾಲೆಗೆ ಐಫೋನ್ ಬಾಕ್ಸ್‌ನಲ್ಲಿ ಊಟ ತಂದ ವಿದ್ಯಾರ್ಥಿ, ಶಿಕ್ಷಕರ ರಿಯಾಕ್ಷನ್​​​ ಹೇಗಿತ್ತು ನೋಡಿ

ಶಾಲೆಯಲ್ಲಿ ಮಕ್ಕಳು ತಮಾಷೆಯಾಗಿ ಕೆಲವೊಂದು ಚೇಷ್ಟೆಗಳನ್ನು ಮಾಡುವುದು ಸಹಜ. ಅದು ವಿದ್ಯಾರ್ಥಿ ಜೀವನದಲ್ಲಿ ಮಾಡಲೇಬೇಕು. ಶಿಕ್ಷಕರ ಕೂಡ ಮಕ್ಕಳ ತುಂಟಾಟಕ್ಕೆ ಮನಸೋತ ಅದೆಷ್ಟೋ ನಿದರ್ಶನಗಳು ಇವೆ. ಇದೀಗ ಎಕ್ಸ್​​ ಖಾತೆಯಲ್ಲಿ ಇಂಥಹದೇ ವಿಡಿಯೋವೊಂದು ವೈರಲ್​​ ಆಗಿದೆ. ಈ ವಿಡಿಯೋ ನೋಡಿ ಹಲವು ನೆಟ್ಟಿಗರು ತಮ್ಮ ಬಾಲ್ಯದ ನೆನಪುಗಳನ್ನು ಮೆಲುಕು ಹಾಕಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ತಮಾಷೆಯಾಗಿ ವೈರಲ್​​ ಆಗಿದೆ. ಶಾಲೆಯಲ್ಲಿ ವಿದ್ಯಾರ್ಥಿಯೋರ್ವ ಟಿಫಿನ್​​ ​​ಬಾಕ್ಸ್​​ ಬದಲು ಐಫೋನ್​​​​​​ ಬಾಕ್ಸ್​​ನಲ್ಲಿ (iPhone lunchbox) ಪರಾಠಾ ತಂದಿದ್ದಾನೆ. ಈ ವಿಡಿಯೋವನ್ನು ನೋಡಿ ನೆಟ್ಟಿಗರು, ಈ ವಿದ್ಯಾರ್ಥಿ ತುಂಬಾ ಬುದ್ಧಿವಂತ ಎಂದು ಕಮೆಂಟ್​​​ ಮಾಡಿದ್ದಾರೆ.

ಈ ವಿಡಿಯೋದಲ್ಲಿ ವಿದ್ಯಾರ್ಥಿಯೊಬ್ಬ ಐಫೋನ್​​ ಬಾಕ್ಸ್​​ ಹಿಡಿದುಕೊಂಡಿರುವುದನ್ನು ಕಾಣಬಹುದು, ಬಾಲಕನ ಕೈಯಲ್ಲಿರುವ ಬಾಕ್ಸ್​​​​ನ್ನು ನೋಡಿ ಶಿಕ್ಷಕರು ಏನಿದು? ಎಂದು ಕೇಳುತ್ತಾರೆ. ವಿದ್ಯಾರ್ಥಿಯು ಅತ್ಯಂತ ಗಂಭೀರತೆಯಿಂದ ಮೇಡಂ, ಪರಾಠಾ ಎಂದು ಉತ್ತರಿಸುತ್ತಾನೆ. ಈ ಬಾಲಕನ ತಮಾಷೆಗೆ ಶಿಕ್ಷಕರು ಕೂಡ ಮುಗ್ದವಾಗಿ ನಗುತ್ತಾರೆ. ಆ ಬಾಕ್ಸ್​​ನ್ನು ಓಪನ್​ ಮಾಡುವಂತೆ ಹೇಳುತ್ತಾರೆ. ವಿದ್ಯಾರ್ಥಿ ಬಾಕ್ಸ್​​ ತೆರೆದಾಗ ಶಿಕ್ಷಕರು ಅಚ್ಚರಿ ಪಡುತ್ತಾರೆ. ಈ ಐಫೋನ್​​​ ಬಾಕ್ಸ್​​​ನಲ್ಲಿ ಭಾರೀ ದುಬಾರಿಯ ಫೋನ್​​​ ಇರಬೇಕಿತ್ತು. ಆದರೆ ಅದರಲ್ಲಿ ಪರಾಠಾವನ್ನು ನೋಡಿ ಎಲ್ಲರೂ ಅಚ್ಚರಿಗೊಂಡಿದ್ದಾರೆ. ಶಿಕ್ಷಕರು ಇದನ್ನು ಯಾರು ಪ್ಯಾಕ್ ಮಾಡಿದ್ದು? ಇದು ಊಟದ ಬಾಕ್ಸ್​​​ನಂತೆ ಕಾಣುತ್ತಿದೆಯೇ? ಎಂದು ಏರುಧ್ವನಿಯಲ್ಲಿ ಕೇಳಿದ್ದಾರೆ. ಆದರೆ ಹುಡುಗ ಶಾಂತವಾಗಿ “ಮೇಡಂ, ನಾನೇ ಅದನ್ನು ಪ್ಯಾಕ್ ಮಾಡಿದ್ದು” ಎಂದು ಉತ್ತರಿಸುತ್ತಾನೆ.

ಇದನ್ನೂ ಓದಿ: ನೀರಿನ ಪೈಪ್ ರಿಪೇರಿ ಮಾಡುತ್ತಿದ್ದ ವೇಳೆ ಹೆಬ್ಬಾವು ದಾಳಿ: 10 ನಿಮಿಷಗಳ ಕಾಲ ಒದ್ದಾಡಿದ ವ್ಯಕ್ತಿ

ವೈರಲ್​​ ವಿಡಿಯೋ ಇಲ್ಲಿದೆ ನೋಡಿ:

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆ ಈ ಬಗ್ಗೆ ನೆಟ್ಟಿಗರು ತಮಾಷೆಯಾಗಿ ಕಮೆಂಟ್​ ಮಾಡಿದ್ದಾರೆ. ಇದೊಂದು ಬುದ್ಧಿವಂತ ವಿದ್ಯಾರ್ಥಿಯ ಲಕ್ಷಣ ಎಂದು ಕೆಲವು ನೆಟ್ಟಿಗರು ಹೇಳಿದ್ದಾರೆ. ಒಬ್ಬ ನೆಟ್ಟಿಗ ಹೀಗೆ ಹೇಳುತ್ತಾರೆ. “ಆ ವಿದ್ಯಾರ್ಥಿಯ ಟಿಫಿನ್​​ ಬಾಕ್ಸ್​​ ಮುರಿದಿರಬೇಕು. ಆ ಕಾರಣಕ್ಕೆ ಪ್ಲಾನ್​​ ಬಿ ಮಾಡಿದ್ದಾನೆ ಎಂದು ಹೇಳಿದ್ದಾರೆ. ಮತ್ತೊಬ್ಬರು ಇದು 1.5 ಲಕ್ಷ ರೂ. ಲಂಚ್​​ ಬಾಕ್ಸ್​​​ ಎಂದು ಹೇಳಿದ್ದಾರೆ.

ವೈರಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ