Trending News: ಅಪರೂಪದ ಮರಿಗೆ ಜನ್ಮ ನೀಡಿದ ಆಮೆ, ಎಲ್ಲಿ ಗೊತ್ತಾ?

ಆಮೆಯೊಂದು ಅಪರೂಪದ ಮರಿಗೆ ಜನ್ಮ ನೀಡಿದ ಘಟನೆ ಸ್ವಿಸ್ ಮೃಗಾಲಯದಲ್ಲಿ ನಡೆದಿದೆ. ರಾಯಿಟರ್ಸ್ ವರದಿಯ ಪ್ರಕಾರ, ಚೆಲೋನಾಯಿಡಿಸ್ ನಿಗ್ರಾ ಜಾತಿಯ ಎರಡು ಆಮೆಗಳು ಕಳೆದ ತಿಂಗಳು ಸರ್ವಿಯಾನ್ ಗ್ರಾಮದ ಟ್ರೋಪಿಕ್ವೇರಿಯಂ ಮೃಗಾಲಯದಲ್ಲಿ ಜನಿಸಿವೆ. ಮೃಗಾಲಯದ ಹೇಳಿಕೆಯ ಪ್ರಕಾರ, ಒಂದು ಮರಿ ತನ್ನ ಅಮ್ಮನಂತೆ ಕಪ್ಪು ಬಣ್ಣವನ್ನು ಹೊಂದಿದೆ. ಆದರೆ ಮತ್ತೊಂದು ಮರಿ ಬಿಳಿ ಬಣ್ಣ (Albino Galapagos) ಹೊಂದಿದೆ.

ಇದನ್ನೂ ಓದಿ: Viral Video: ಮನೆಮನೆಗೆ ಹಾರಿಕೊಂಡು ಹೋದ ನವಿಲಿನ ವಿಡಿಯೋ ಪರಿಸರ ದಿನದಂದು ವೈರಲ್

ಮಾನವರಲ್ಲಿ 20,000 ವ್ಯಕ್ತಿಗಳಲ್ಲಿ ಒಬ್ಬರಲ್ಲಿ ಒಂದು ಇಂಥ ಪ್ರಕರಣ ಕಂಡುಬರುತ್ತದೆ. ಆಮೆಗಳಲ್ಲಾದರೆ ತೀರಾ ಅಪರೂಪವಾಗಿದ್ದು, ಸುಮಾರು 1 ಲಕ್ಷ ಆಮೆಗಳ  ಪೈಕಿ ಒಂದರಲ್ಲಿ ಕಂಡುಬರುತ್ತದೆ. ಯೂಟ್ಯೂಬ್‌ನಲ್ಲಿ ರಾಯಿಟರ್ಸ್ ಹಂಚಿಕೊಂಡ ಕ್ಲಿಪ್‌ನಲ್ಲಿ ಪೊದೆಗಳ ನಡುವೆ ತೆವಳುತ್ತಿರುವ ಎರಡು ಆಮೆಗಳನ್ನು ಕಾಣಬಹುದು. ಅಪರೂಪದ ಬಿಳಿ ಆಮೆ ಮರಿ ನೋಡಿ ನೆಟ್ಟಿಗರು ಅಚ್ಚರಿಗೊಂಡಿದ್ದಾರೆ.

ಇದನ್ನೂ ಓದಿ: ಟ್ರಾಫಿಕ್ ಪೊಲೀಸ್​ ಸ್ವಿಗ್ಗಿ ಡೆಲಿವರಿ ಬಾಯ್‌ಗೆ ಕಪಾಳಮೋಕ್ಷ ಮಾಡಿ ಹಲ್ಲೆ ನಡೆಸಿರುವ ವಿಡಿಯೋ ವೈರಲ್​

ಅಳಿವಿನಂಚಿನಲ್ಲಿರುವ ಆಮೆಗಳು ಜಾತಿ ಸಂರಕ್ಷಣಾ ಕಾರ್ಯಕ್ರಮದ ಭಾಗವಾಗಿ ಜನಿಸಿದವು. ಅಲ್ಬಿನೋ ಅಪರೂಪದ ಮತ್ತು ಅಸಾಧಾರಣ ಜನನವಾಗಿದೆ. ಅಲ್ಬಿನೋ ಆಮೆ ಮರಿಯ ಜನನದ ಬಗ್ಗೆ ಫೇಸ್ ಬುಕ್​ನಲ್ಲಿ ಪ್ರಕಟಿಸಿದ ಮೃಗಾಯಲದ ಅಧಿಕಾರಿಗಳು, ತಮ್ಮ ಪೋಷಕರಿಂದ ದೂರದಲ್ಲಿರುವ ಹೊಸ ಮನೆಯಲ್ಲಿ ಆಶ್ರಯ ನೀಡಲಾಗಿದೆ. ಅವು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿವೆ ಮತ್ತು ಆರೋಗ್ಯವಾಗಿವೆ. ಅವುಗಳನ್ನು ನೋಡಲು ಮತ್ತು ಪ್ರಕೃತಿಯ ಈ ಹೊಸ ವಿದ್ಯಮಾನವನ್ನು ವೀಕ್ಷಿಸಲು ಟ್ರೋಪಿಕ್ವೇರಿಯಂಗೆ ಬರಬಹುದು ಎಂದಿದ್ದಾರೆ.

ವೀಡಿಯೋ ವೀಕ್ಷಿಸಿ:

ಹೆಚ್ಚಿನ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ