Viral Video: ಕಾಂಗರೂ ಕಾಳಗ! ನಗಬೇಕೋ ಅಳಬೇಕೋ ನೀವೇ ಹೇಳಿ

Vial Video : ತುಂಬಾ ಕುತೂಹಲದಿಂದ ನೋಟ ಸೆಳೆಯುವ ಪ್ರಾಣಿಗಳೆಂದರೆ ಕಾಂಗರೂಗಳು. ಅವು ನಡೆದರೂ, ಜಿಗಿದರೂ, ಸಹಜವಾಗಿದ್ದರೂ, ಕಿಡಿಗೇಡಿತನ ಮಾಡಿದರೂ ನೆಟ್ಟಿಗರು ಮಾತ್ರ ಅವುಗಳ ವಿಡಿಯೋಗಳನ್ನು ತುಂಬಾ ಇಷ್ಟಪಟ್ಟು ನೋಡುತ್ತಾರೆ. ಆಸ್ಟ್ರೇಲಿಯಾದ ಕ್ಯಾನ್​ಬೆರಾದಲ್ಲಿ ಎರಡು ಕಾಂಗರೂಗಳ ಮಧ್ಯೆ ನಡೆದ ಕಾಳಗದ ದೃಶ್ಯ ಇಲ್ಲಿದೆ. ಯಾಕಾಗಿ ಇಂಥ ಭಯಂಕರ ಕೋಪತಾಪವೋ…

ಆಸ್ಟ್ರೇಲಿಯಾದ ನಿಸರ್ಗಧಾಮದಲ್ಲಿ ಈ ಬಾಕ್ಸಿಂಗ್ ಪಂದ್ಯಾವಳಿ ನಡೆದಿದೆ! ಟ್ವಿಟರ್‌ನಲ್ಲಿ ನೌ ದಿಸ್ ಎಂಬ ಪುಟವು ಹಂಚಿಕೊಂಡಿರುವ ಈ ವಿಡಿಯೋದಲ್ಲಿ ಇವುಗಳ ಜಗಳ ತಾರಕಕ್ಕೇರಿದೆ. ಬಾಕ್ಸಿಂಗ್ ಪಟುಗಳಂತೆ ಇವು ಹೊಡೆದಾಡುತ್ತ ಕೊನೆಗೆ ಒಂದು ಬೇಲಿಯ ಬಳಿ ನಿಯಂತ್ರಣ ಕಳೆದುಕೊಳ್ಳುತ್ತವೆ. ಒಂದು ಕಾಂಗರೂ ಇನ್ನೊಂದು ಕಾಂಗರೂವನ್ನು ಆ ಬೇಲಿಗೆ ಅಪ್ಪಳಿಸುವಂತೆ ಮಾಡುತ್ತದೆ. ಅಪ್ಪಳಿಸುವುದಷ್ಟೇ ಅಲ್ಲ ಬೇಲಿಯೇ ಕಿತ್ತುಕೊಂಡು ಹೋಗುತ್ತದೆ. ಕಾಂಗರೂ ರಸ್ತೆ ಬೀಳುತ್ತದೆ. ಈತನಕ 55,000 ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಈ ವಿಡಿಯೋ ಗಳಿಸಿದೆ.

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ