1 ರೂ. ನೋಟು ಕೊಟ್ಟರೆ ಅರ್ಧ ಕೆಜಿ ಚಿಕನ್!

ಮಾರುಕಟ್ಟೆಯಲ್ಲಿ ಕೋಳಿ ದರ ಹೆಚ್ಚುತ್ತಲೇ ಇದೆ. 1 ಕೆಜಿ ಕೋಳಿಗೆ 180 ರೂ. ಆಗಿದೆ. ಇದರ ನಡುವೆ ಚಿಕನ್​​ ಶಾಪ್​​ ಮಾಲೀಕರೊಬ್ಬರು 1 ರೂ. ಕೊಟ್ಟರೆ ಅರ್ಧ ಕೆಜಿ ಕೋಳಿ (1 Rupee chicken offer) ಸಿಗುತ್ತದೆ ಎಂದು ಬಂಪರ್​​ ಆಫರ್​​ ನೀಡಿದ್ದಾರೆ. ಆಂಧ್ರಪ್ರದೇಶದ ವಿಜಯನಗರಂ ಜಿಲ್ಲೆಯ ರಾಜಮ್ ಪಟ್ಟಣದ ಎಮ್​ಆರ್​ ಚಿಕನ್ ಸೆಂಟರ್​ನ ಮಾಲೀಕ ನವೀನ ಅವರ ಈ ಕಲ್ಪನೆ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​​ ಆಗಿದೆ. ಕೆಲವೊಂದು ಚಿಕನ್​​​ ಶಾಪ್​​​ನಲ್ಲಿ ಹೆಚ್ಚು ಕೋಳಿ ತೆಗೆದುಕೊಂಡರೆ, ರಿಯಾಯಿತಿ ದರದಲ್ಲಿ ಹೆಚ್ಚುವರಿ ಕೋಳಿ ಅಥವಾ ಕಡಿಮೆ ದರದಲ್ಲಿ ಕೋಳಿ ನೀಡುತ್ತೇವೆ ಎಂಬುದನ್ನು ಕೇಳಿರಬಹುದು, ಆದರೆ ನವೀನ ಅವರ ಚಿಕನ್ ಶಾಪ್​​ನಲ್ಲಿ 1 ರೂ. ಕೊಟ್ಟರೆ ಅರ್ಧ ಕೆಜಿ ಕೋಳಿ ಉಚಿತವಾಗಿ ಸಿಗುತ್ತದೆ. ಒಂದು ರೂಪಾಯಿ ನೋಟು ಕೊಟ್ಟರೆ ಅರ್ಧ ಕಿಲೋ ಕೋಳಿ ನೀಡಲಾಗುತ್ತದೆ ಎಂಬ ಆಫರ್​​​ ಆಂಧ್ರದ ಇತರ ಜಿಲ್ಲೆಗಳಲ್ಲೂ ಚರ್ಚೆಯಾಗಿದೆ. ಇದೀಗ ಇದಕ್ಕಾಗಿ ಚಿಕನ್ ಶಾಪ್ ಮುಂದೆ ಜನರು ಕ್ಯೂ ನಿಂತಿದ್ದಾರೆ.

ಒಂದು ರೂಪಾಯಿ ನೋಟು ನೀಡಿದ್ರೆ, ಅರ್ಧ ಕೆಜಿ ಉಚಿತ ಚಿಕನ್​​​ ನೀಡುಲಾಗುತ್ತದೆ ಎಂಬ ಆಪರ್​ ನೋಡಿ ಅಂಗಡಿಯ ಮುಂದೆ ಮಹಿಳೆಯರು, ಮಕ್ಕಳು ಸರತಿ ಸಾಲಿನಲ್ಲಿ ನಿಂತಿದ್ದಾರೆ. ನವೀನ್​​ ಅವರು ಈ ಆಫರ್​ ನೀಡುವ ಮೂಲಕ ಸ್ಥಳೀಯವಾಗಿ ಎಲ್ಲರನ್ನೂ ಆಕರ್ಷಿಸಿದ್ದಾರೆ. ಈ ಬಗ್ಗೆ ಮಾಧ್ಯಮಗಳಲ್ಲೂ  ಪ್ರಸಾರವಾದ ಕಾರಣ, ಜನ ಅಂಗಡಿಯತ್ತ ಧಾವಿಸಿದ್ದಾರೆ. ನವೀನ್​​ ಅವರು ವ್ಯಾಪಾರ ಚೆನ್ನಾಗಿ ಆಗಲಿ ಎಂದು ಈ ಆಫರ್​​ ನೀಡಿದ್ದರು. ಆದರೆ ಮೊದಮೊದಲು ಅವರಿಗೂ ಈ ಬಗ್ಗೆ ಭಯವಿತ್ತು. 1 ರೂಪಾಯಿ ನೋಟು ಹೆಚ್ಚಿನ ಜನರಲ್ಲಿ ಇರಲ್ಲ, ಹಾಗಾಗಿ ಈ ಆಫರ್​​ ಸಕಸ್ಸ್​​​​​ ಆಗಲ್ಲ ಎಂದುಕೊಂಡಿದ್ದರು. ಆದರೆ ಅವರ ನಿರೀಕ್ಷೆಗೂ ಮೀರಿ ಜನ ಬಂದಿದ್ದಾರೆ.

ಇದನ್ನೂ ಓದಿ: ನೀವು ಎಲ್ಲಾದರೂ ನಾಲ್ಕು ಕಾಲಿನ ಕೋಳಿ ನೋಡಿದ್ದೀರಾ? ಇಲ್ಲಿದೆ ನೋಡಿ ವಿಡಿಯೋ

ಇಲ್ಲಿದೆ ನೋಡಿ ವಿಡಿಯೋ:

ತಲಾ 6 ರಿಂದ 10 ಹಳೆಯ ರೂಪಾಯಿ ನೋಟುಗಳನ್ನು ತಂದು ಅರ್ಧ ಕಿಲೋ ಚಿಕನ್​​ ಪಡೆದುಕೊಂಡಿದ್ದಾರೆ. “ಒಂದೇ ದಿನದಲ್ಲಿ 100 ಕ್ಕೂ ಹೆಚ್ಚು ಹಳೆಯ ಒಂದು ರೂಪಾಯಿ ನೋಟುಗಳನ್ನು ಪಡೆದಿದ್ದೇನೆ. ಈ ನೋಟಿನ್ನು ಪ್ರದರ್ಶನ ಹಾಗೂ ಕಲಾ ಕರಕುಶಲಕ್ಕಾಗಿ ಬಳಸುತ್ತೇನೆ . ಅದಕ್ಕಾಗಿ ನಾನು ಈ ಆಪರ್​​ ನೀಡಿದ್ದೇನೆ” ಎಂದು ನವೀನ್​​ ಹೇಳಿದ್ದಾರೆ. ಈ ಹಿಂದೆ ಕೂಡ ಇಂತಹ ಒಂದು ಸುದ್ದಿ ವೈರಲ್​ ಆಗಿತ್ತು. ಆಂಧ್ರದ ರಾಜಂನಲ್ಲಿ ಕಾರ್ತಿಕಮಾಸದ ಸಮಯದಲ್ಲಿ ತಯಾಕಾರಿ ಅಂಗಡಿಯವರು ಕೂಡ ಇಂತಹ ಆಫರ್​ ನೀಡಿದ್ದರು. ಇದರಿಂದ ಅವರಿಗೆ ಹೆಚ್ಚಿನ ಲಾಭ ಕೂಡ ಆಗಿತ್ತು. ಹೀಗಾಗಿ ಕೆಲವೊಂದು ವ್ಯಾಪಾರಿಗಳು ಈ ರೀತಿಯ ವ್ಯವಹಾರ ಟ್ರಿಕ್ಸ್​​​ಗಳನ್ನು ಉಪಯೋಗಿಸುತ್ತಿದ್ದಾರೆ.

ವೈರಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 3:48 pm, Fri, 21 November 25