Viral: ಆಫೀಸ್​ ಕುರ್ಚಿಯಲ್ಲಿ ಕುಳಿತು ಆಟೋ ಓಡಿಸುತ್ತಿರುವ ಚಾಲಕ; ನೆಟ್ಟಿಗರ ನಾನಾ ರೀತಿಯ ಪ್ರತಿಕ್ರಿಯೆ

Ergonomic: ಬೆಂಗಳೂರಿನ ಆಟೊ ಚಾಲಕನೊಬ್ಬ (Auto Driver) ಆಫೀಸ್ ಕುರ್ಚಿಯಲ್ಲಿ ಕುಳಿತು ಆಟೋ ಓಡಿಸುತ್ತಿರುವ ಫೋಟೋ ವೈರಲ್ ಆಗಿದೆ. ಕಂಪ್ಯೂಟರ್​ ಮುಂದೆ ಕುಳಿತು ಕೆಲಸ ಮಾಡುವವರು ಇಂಥ ಕುರ್ಚಿಯನ್ನು ಉಪಯೋಗಿಸುತ್ತಾರೆ. ಆದರೆ ಆಟೋ ಓಡಿಸಲು ಈ ಕುರ್ಚಿ ಯಾಕೆ ಬೇಕು? ಎನ್ನುವ ಕುತೂಹಲ ನೆಟ್ಟಿಗರಲ್ಲಿ ಉಂಟಾಗಿದೆ. ಈತನಕ ಈ ಪೋಸ್ಟ್​ ಅನ್ನು 2 ಲಕ್ಷಕ್ಕಿಂತಲೂ ಹೆಚ್ಚು ಜನರು ನೋಡಿದ್ದಾರೆ. 3,000ಕ್ಕಿಂತಲೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಸುಮಾರು 200 ಜನರು ರೀಪೋಸ್ಟ್ ಮಾಡಿದ್ದಾರೆ. 60 ಜನರು ಪ್ರತಿಕ್ರಿಯಿಸಿದ್ದಾರೆ. ಅನುಜ್ ಬನ್ಸಾಲ್ X ನಲ್ಲಿ ಈ ಪೋಸ್ಟ್​ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ : Viral: ತಾಂತ್ರಿಕ ದೋಷವೋ ವಂಚನೆಯೋ; ನಿಮ್ಮ ಇತ್ತೀಚಿನ ಸ್ವಿಗ್ಗಿ ಬಿಲ್ ನೋಡಿದ್ದೀರಾ?

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

ಈ ಪೋಸ್ಟಿನಡಿ ನೆಟ್ಟಿಗರು ತಮ್ಮ ವಿಭಿನ್ನ ಆಲೋಚನೆ, ಅಭಿಪ್ರಾಯಗಳನ್ನು ಹರಿಬಿಡುತ್ತಿದ್ದಾರೆ. ಕೆಳಬೆನ್ನಿನ ಆರೋಗ್ಯವೂ ಪ್ರತಿಯೊಬ್ಬರಿಗೂ ಮುಖ್ಯ, ಅದರಲ್ಲೇನಿದೆ? ಎಂದಿದ್ದಾರೆ ಒಬ್ಬರು. ಕೆಲಸ ಮಾಡುವಾಗ ಎರ್ಗಾನಾಮಿಕ್​ ಕುರ್ಚಿಗಳನ್ನು ಬಳಸಿದರೆ ಅಪಾಯ ಕಡಿಮೆ ಎಂದಿದ್ದಾರೆ ಇನ್ನೊಬ್ಬರು. ಇದು ಪೀಕ್​ ಬೆಂಗಳೂರು ಕ್ಷಣ ಎಂದಿದ್ದಾರೆ ಮತ್ತೊಬ್ಬರು. ಈ ಬ್ರೋ ಅಲ್ಟ್ರಾ-ರಿಯಲಿಸ್ಟಿಕ್ ಡ್ರೈವಿಂಗ್ ಸೆಟಪ್ ಹೊಂದಿದ್ದಾರೆ ಎಂದಿದ್ದಾರೆ ಮಗದೊಬ್ಬರು.

Why should techbros have all the fun? 😏 pic.twitter.com/A5hnd0sDC8

— Anuj Bansal (@anuj63) September 22, 2023

ಇವನು ಆಟೋ ಓಡಿಸುವುದರೊಂದಿಗೆ ಈ ಕುರ್ಚಿಯಲ್ಲಿಯೇ ಕುಳಿತು ಪಾರ್ಟ್​ಟೈಮ್​ ಕೆಲಸವನ್ನೂ ಮಾಡುತ್ತಿರಬಹುದು ಎಂದು ಪುಣೆಯ ಆಟೋಚಾಲಕನೊಬ್ಬ ಆನ್​ಲೈನ್​ ಟ್ರೇಡಿಂಗ್ ಮಾಡುತ್ತಿರುವ ಸುದ್ದಿಯನ್ನು ಹಂಚಿಕೊಂಡಿದ್ದಾರೆ ಒಬ್ಬರು. ಯಾಕೆ ಆಟೋ ಡ್ರೈವರ್​ಗಳು ತಮಗೆ ಬೇಕಾದಂಥ ಕುರ್ಚಿಯಲ್ಲಿ ಕುಳಿತುಕೊಳ್ಳವುದು ತಪ್ಪೇನಿದೆ? ಟೆಕ್ಕಿಗಳು ಮಾತ್ರ ಇಂಥ ಕುರ್ಚಿಯಲ್ಲಿ ಕುಳಿತುಕೊಳ್ಳಬೇಕಾ ಎಂದಿದ್ದಾರೆ ಕೆಲವರು. ಬೆನ್ನಿನ ಸಮಸ್ಯ ಇರಬಹುದು ಅದಕ್ಕೇ ಈ ಕುರ್ಚಿ ಜೋಡಿಸಿರಬೇಕು ಎಂದಿದ್ದಾರೆ ಇನ್ನೂ ಕೆಲವರು.

ಇದನ್ನೂ ಓದಿ : Viral Video: ರೈಲಿನಲ್ಲಿ ಹೀಗೊಂದು ದೊಡ್ಡಕೂಸಿನ ಜೋಳಿಗೆ; ಬುದ್ಧಿವಂತನಿಗೆ ಜಯವಾಲಿ ಎಂದ ನೆಟ್ಟಿಗರು

ತನ್ನ ಆರೋಗ್ಯ ಕಾಪಾಡಿಕೊಳ್ಳಲು ತನಗೇನು ಬೇಕೋ ಆ ವ್ಯವಸ್ಥೆ ಮಾಡಿಕೊಂಡಿದ್ದಾನೆ, ತಪ್ಪೇನಿದೆ? ಎಂದಿದ್ಧಾರೆ ಒಬ್ಬರು. ಈಗಷ್ಟೇ ಬಂದ ಸುದ್ದಿ, ಈ ಚಾಲಕ ಆಟೋರಿಕ್ಷಾ ಸಂಘದ ಅಧ್ಯಕ್ಷನಂತೆ ಎಂದಿದ್ದಾರೆ ಮತ್ತೊಬ್ಬರು.

ಈ ಫೋಟೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​​ಗಾಗಿ ಕ್ಲಿಕ್ ಮಾಡಿ