ಚಿನ್ನ, ವಜ್ರಗಳಿಂದ ವಿನ್ಯಾಸಗೊಳಿಸಿದ 163 ಕೋಟಿ ರೂ. ಮೌಲ್ಯದ ವಿಶ್ವದ ಅತ್ಯಂತ ದುಬಾರಿ ಶೂ!
ಚಿನ್ನ, ವಜ್ರಗಳಿಂದ ವಿನ್ಯಾಸಗೊಳಿಸಿದ ಕೋಟಿ ಕೋಟಿ ಬೆಲೆ ಬಾಳುವ ಜಗತ್ತಿನ ಅತ್ಯಂತ ದುಬಾರಿ ಶೂ ಯಾವುದು ಗೊತ್ತಾ? ಇವು ಎಲ್ಲಿ ಲಭ್ಯ? ಇದರ ಬೆಲೆಯೆಷ್ಟು? ವಿಶ್ವದ ಅತ್ಯಂತ ದುಬಾರಿ ಶೂಗಳ ಬಗ್ಗೆ ಇಲ್ಲಿ ತಿಳಿದುಕೊಳ್ಳಿ.
ಮೂನ್ ಸ್ಟಾರ್ ಶೂ(Moon Star Shoes) ಎಂಬ ಹೆಸರಿನ ಶೂ ವಿಶ್ವದ ಅತ್ಯಂತ ದುಬಾರಿ ಶೂ.ಇದರ ಬೆಲೆ ನೂರಾರು ಅಥವಾ ಸಾವಿರ ಎಂದು ನೀವು ಭಾವಿಸಿದರೆ ತಪ್ಪು.ಈ ಮೂನ್ ಸ್ಟಾರ್ ಶೂಗಳು ಒಂದು ಶತಕೋಟಿ ರೂಪಾಯಿಗಳಿಗಿಂತ ಹೆಚ್ಚು ಮೌಲ್ಯದ್ದಾಗಿದೆ. 2017ರಲ್ಲಿ ತಯಾರಾದ ಈ ಜೋಡಿ ಶೂಗಳ ಬೆಲೆ 163 ಕೋಟಿ ರೂ. ಈ ಶೂ ಚಿನ್ನ ಮತ್ತು ವಜ್ರದಿಂದ ಮಾಡಲ್ಪಟ್ಟಿದೆ. ಇದನ್ನು ತಯಾರಿಸಲು 30 ಕ್ಯಾರೆಟ್ ವಜ್ರಗಳನ್ನು ಬಳಸಲಾಗಿದೆ. ಈ ಬೆಲೆಬಾಳುವ ಶೂ ಹೆಲಿಕಾಪ್ಟರ್ ಮೂಲಕ ಗ್ರಾಹಕರಿಗೆ ಒದಗಿಸಲಾಗುತ್ತದೆ.
ಬುರ್ಜ್ ಖಲೀಫಾ ಶೈಲಿಯಲ್ಲಿ ತಯಾರಿಸಲಾದ ಈ ಜೋಡಿ ಶೂಗಳನ್ನು ಇಟಲಿಯ ಪ್ರಸಿದ್ಧ ಡಿಸೈನರ್ ಆಂಟೋನಿಯೊ ವಿಯೆಟ್ರಿ ವಿನ್ಯಾಸಗೊಳಿಸಿದ್ದಾರೆ.ಇದರ ತಯಾರಿಕೆಯಲ್ಲಿ 30 ಕ್ಯಾರೆಟ್ ವಜ್ರಗಳನ್ನು ಬಳಸಲಾಗಿದೆ. ಈ ಶೂನ ಹೀಲ್ಸ್ ಅನ್ನು ಚಿನ್ನದಿಂದ ಮಾಡಲ್ಪಟ್ಟಿದೆ.ಅಷ್ಟೇ ಅಲ್ಲ, ಅರ್ಜೆಂಟೀನಾದಲ್ಲಿ ಕಂಡುಬರುವ ಉಲ್ಕಾಶಿಲೆಯ ಹರಳುಗಳನ್ನು ಈ ಶೂಗಳ ಮೇಲೆ ಕಂಡುಬರುತ್ತವೆ.
ವೈರಲ್ ಪೋಸ್ಟ್ ಇಲ್ಲಿದೆ ನೋಡಿ:
ಇದನ್ನೂ ಓದಿ: Viral Video: ಲಿಫ್ಟ್ ಒಳಗೆ ಸೆಲ್ಫಿ ತೆಗೆಯುವ ಅಭ್ಯಾಸ ನಿಮಗಿದೆಯಾ? ಹಾಗಿದ್ರೆ ಈ ವಿಡಿಯೋ ನೀವು ನೋಡಲೇ ಬೇಕು
ಕೋಟಿ ಕೋಟಿ ಬೆಲೆಬಾಳುವ ಶೂ ಕುರಿತು @luxuriousbymm ಎಂಬ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಮಾಹಿತಿ ಹಂಚಿಕೊಳ್ಳಲಾಗಿದ್ದು, ಸದ್ಯ ಎಲ್ಲೆಡೆ ವೈರಲ್ ಆಗಿದೆ.
ಮತ್ತಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ