ಮಂಡೇ ಬ್ಲ್ಯೂಸ್​ನಿಂದ ಹೊರಬರೋಕೆ ನೀವೆಲ್ಲಾ ಏನು ಮಾಡ್ತೀರಿ?; ಈ ಬೆಕ್ಕಣ್ಣನ ಐಡಿಯಾ ನೋಡಿ

Viral Video : ವಾರಾಂತ್ಯದಲ್ಲಿ ಮೈಮನಸಿನ ದಣಿವಾರಿಸಿಕೊಂಡು ಉಸಿರು ಬಿಟ್ಟಿರುತ್ತೀರಿ. ಆದರೆ ಮತ್ತೆ ಬರುವ ಸೋಮವಾರ ಇದೆಯಲ್ಲ, ಮುಂದಿನವಾರಕ್ಕೆ ಗಾಣದೆತ್ತಾಗಬೇಕಲ್ಲಾ ಆ ಒಂದಿಷ್ಟು ತಾಸುಗಳು ಮಾತ್ರ ಹೃದಯವನ್ನೇ ಹಿಂಡಿ ಹಿಂಡಿ ಹಿಪ್ಪೆಯಾಗಿಸಿಬಿಡುತ್ತವೆ. ಆಗ ನೀವೇನು ಮಾಡುತ್ತೀರಿ? ಅಂದರೆ ಈ ಮಂಡೇ ಬ್ಲ್ಯೂಸ್​ನಿಂದ ಹೊರಬರೋದಕ್ಕೆ? ಈ ವಿಡಿಯೋ ನೋಡಿ ಹೀಗೊಂದು ಐಡಿಯಾ ಇದೆ.

ಆಗಾಗ ಟ್ವಿಟರ್​ನ ಈ ಖಾತೆಯಲ್ಲಿ ಇಂಥ ಮುದ್ದಾದ ವಿಡಿಯೋಗಳನ್ನು ಹಂಚಿಕೊಳ್ಳಲಾಗುತ್ತದೆ. ಈ ಚಳಿಯಲ್ಲಿ ಹಳೆಯ ಸಿಮೆಂಟ್​ ಗಚ್ಚಿನ ಮೇಲೆ ಬಿಸಿಲಿಗೆ ಮೈಯೊಡ್ಡಿ ಜರ್ ಅಂತ ಜಾರುಬಂಡಿ ಆಡುವ ಈ ಬೆಕ್ಕನ್ನು ನೋಡುತ್ತಿದ್ದರೆ ನಿಮಗೂ ಒಂದೆರಡು ಸಲ ಹೀಗೆ ಜಾರಬೇಕು ಅನ್ನಿಸುತ್ತದಲ್ಲ?

ನವೆಂಬರ್ 4ರಂದು ಟ್ವೀಟ್ ಮಾಡಲಾದ ಈ ವಿಡಿಯೋ ನೋಡಿ ಅನೇಕರು ಪ್ರತಿಕ್ರಿಯಿಸಿದ್ದಾರೆ. 7.4 ಮಿಲಿಯನ್​ಗಿಂತಲೂ ಹೆಚ್ಚು ಜನರು ಈ ವಿಡಿಯೋ ನೋಡಿದ್ದಾರೆ. 3 ಲಕ್ಷಕ್ಕೂ ಹೆಚ್ಚು ಜನರು ಇದನ್ನು ಇಷ್ಟಪಟ್ಟಿದ್ದಾರೆ. 61,500 ಜನರು ಈ ವಿಡಿಯೋ ರೀಟ್ವೀಟ್ ಮಾಡಿದ್ಧಾರೆ.

ನೋಡಿ ಜಗತ್ತಿನಾದ್ಯಂತ ಎಷ್ಟೊಂದು ಬೆಕ್ಕುಪ್ರಿಯರಿದ್ದಾರೆ, ಈಗಾಗಲೇ 7 ಮಿಲಿಯನ್​ ಜನರು ಇದನ್ನು ಇಷ್ಟಪಟ್ಟಿದ್ದಾರೆ ಎಂದಿದ್ದಾರೆ ಒಬ್ಬರು. ಈ ಒಂದು ವಿಡಿಯೋಗೆ ಅರ್ಧಲಕ್ಷದಷ್ಟು ಜನ ಟ್ವೀಟ್ ಮಾಡಿ ಬೇರೆಬೇರೆ ಬೆಕ್ಕಿನ ವಿಡಿಯೋಗಳನ್ನು ಹಾಕಿದ್ದಾರಲ್ಲ, ಇದನ್ನು ನೋಡಿಯೇ ನನಗೆ ಮನಸ್ಸು ತುಂಬಿತು. ಇದಕ್ಕಿಂತ ಉಲ್ಲಾಸ ಇನ್ನೇನಿದೆ ಬದುಕಲ್ಲಿ? ಎಂದು ಮತ್ತೊಬ್ಬರು ಟ್ವೀಟ್ ಮಾಡಿದ್ದಾರೆ. ಮೈ ತುರಿಸುತ್ತಿದೆಯಾ? ನೋಡಿ ಈ ಬೆಕ್ಕಿನ ಉಪಾಯ, ಯಾರನ್ನೂ ಕೇಳಿಕೊಳ್ಳಬೇಕಿಲ್ಲ ಮೈ ಉಜ್ಜಿ ಎಂದು… ಮಗದೊಬ್ಬರು ಹೇಳಿದ್ದಾರೆ.

ನಿಮಗೇನು ಅನ್ನಿಸುತ್ತದೆ ಈ ವಿಡಿಯೋ ನೋಡಿ. ಈ ಚಳಿಗಾಲದಲ್ಲಿ ಮೆಲ್ಲ ಹೋಗಿ ಒಮ್ಮೆ ಮಗುವಿನಂತೆ ನೀವು ಜಾರುಬಂಡಿಯಾಡಿಬಿಡಿ!

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ