Viral Video: ಕಾವಾಲಾ; ಜಪಾನಿನ ಕಕೆಟಕು ಮತ್ತು ಭಾರತದ ಸೋನಲ್ ವರ್ಷನ್

Kaavaalaa: ವೃತ್ತಿಪರ ನೃತ್ಯಕಲಾವಿದರು, ರೂಪದರ್ಶಿಗಳು, ಡಿಜಿಟಲ್ ಕ್ರಿಯೇಟರ್​ಗಳು ತಮನ್ನಾಳ ‘ಕಾವಾಲಾ’ ಹಾಡಿಗೆ ರೀಲ್ಸ್ ಮಾಡಿದ್ದೇ ಮಾಡಿದ್ದು. ಇದೀಗ ಇದೇ ಹಾಡಿಗೆ ಜಪಾನೀ ಯುವಕನೊಬ್ಬ ಹೆಜ್ಜೆ ಹಾಕಿದ ವಿಡಿಯೋ ವೈರಲ್ ಆಗುತ್ತಿದೆ. ರಜಿನಿಕಾಂತ್ ಮತ್ತು ತಮನ್ನಾ ಭಾಟಿಯಾ (Rajinikanth and Tamanna Bhatia) ಅಭಿನಯದ ತಮಿಳು ಸಿನೆಮಾ ‘ಜೈಲರ್​’ನಲ್ಲಿರುವ ಈ ಹಾಡು ಚಿಕ್ಕಮಕ್ಕಳಿಂದ ಹಿಡಿದು ಮುದುಕರತನಕವೂ ಹುಚ್ಚು ಹಿಡಿಸಿದೆ. ಸುಮಾರು ಒಂದು ತಿಂಗಳಿನಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಈ ಹಾಡಿನದ್ದೇ ಭರಾಟೆ. ಈ ಲಯಪ್ರಧಾನ ಸಿನೆಮಾ ಗೀತೆಯನ್ನು ಭಾರತೀಯ ಪುರುಷರೊಬ್ಬರು ನರ್ತಿಸಿದ್ದನ್ನು ಈ ಸಂದರ್ಭದಲ್ಲಿ ನೆನೆಯಬಹುದು.

ಇದನ್ನೂ ಓದಿ : Viral Video: ‘ಅನ್​ಕನ್ಫ್ಯೂಸ್​ ಮೀ’ ; ಬಿಲ್​ ಗೇಟ್ಸ್​ ಖಾನ್​ ಅಕಾಡೆಮಿಯ ಸಲ್ ಖಾನ್​ರನ್ನು​ ಸಂದರ್ಶಿಸಿದ ವಿಡಿಯೋ ವೈರಲ್ 

ಇದೀಗ ಜಪಾನಿನ ಕಕೆಟಕು ಎನ್ನುವ ಯುವಕ ತಮ್ಮ ಈ ವಿಡಿಯೋ ಅನ್ನು ಯೂಟ್ಯೂಬ್​ನಲ್ಲಿ ಹಂಚಿಕೊಂಡಿದ್ದಾರೆ. ತಮನ್ನಾರನ್ನು ಅನುಕರಿಸುವಲ್ಲಿ ಪ್ರಯತ್ನಿಸಿದ್ದನ್ನು ನೆಟ್ಟಿಗರು ಮೆಚ್ಚಿದ್ದಾರೆ. ಈತನಕ ಈವಿಡಿಯೋ ಅನ್ನು ಸುಮಾರು 5 ಲಕ್ಷ ಜನರು ನೋಡಿದ್ದಾರೆ. ಸುಮಾರು 36,000 ಜನರು ಲೈಕ್ ಮಾಡಿದ್ದಾರೆ. 600 ಜನರು ಈ ವಿಡಿಯೋಗೆ ಪ್ರತಿಕ್ರಿಯಿಸಿದ್ದಾರೆ.

ಜಪಾನೀ ಯುವಕನ ಕಾವಾಲಾ ವರ್ಷನ್​

ಕೇರಳದಿಂದ ನಿಮಗೆ ಪ್ರೀತಿ ಮತ್ತು ಪ್ರೋತ್ಸಾಹವನ್ನು ಕಳಿಸುತ್ತಿದ್ದೇನೆ. ಮಲಯಾಳಂ ವರ್ಷನ್​ ಅನ್ನು  ನೀವು ಆದಷ್ಟು ಬೇಗ ಪ್ರದರ್ಶಿಸುತ್ತೀರಿ ಎಂದುಕೊಂಡಿದ್ದೇನೆ ಎಂದು ಒಬ್ಬರು ಹೇಳಿದ್ದಾರೆ. ತುಂಬಾ ಕರೆಕ್ಟ್ ಆಗಿ ನೀವು ಅನುಕರಿಸಿದ್ದೀರಿ, ನಿಜವಾಗಲೂ ಆಹ್ಲಾದಕರವಾಗಿದೆ ಎಂದಿದ್ದಾರೆ ಇನ್ನೊಬ್ಬರು. ನೀವು ಈ ಹಾಡಿನ ಸ್ಟೆಪ್​​ಗಳನ್ನು ಸ್ಟೈಲಿಷ್ ಆಗಿ ಬದಲಾಯಿಸಿಕೊಂಡಿದ್ದು ನನಗೆ ತುಂಬಾ ಇಷ್ಟವಾಯಿತು ಎಂದಿದ್ದಾರೆ ಮತ್ತೊಬ್ಬರು. ಇಷ್ಟು ದಿನ ಯಾವುದಕ್ಕೆ ಕಾಯುತ್ತಿದ್ದೆವೋ ಆ ಸಂತೋಷ ನಮಗೂ ಲಭಿಸಿದೆ ಜೊತೆಗೆ ಈ ರೀಲ್ ಮಾಡುವ ಮೂಲಕ ನಿಮಗೂ ಎಂದಿದ್ದಾರೆ ಮಗದೊಬ್ಬರು.

ಸೋನಲ್ ವರ್ಷನ್​ಗೆ 1.2 ಮಿಲಿಯನ್ ಲೈಕ್ಸ್​!

ಸೋನಲ್ ಎನ್ನುವವರು ಇದೇ ಹಾಡಿಗೆ ರೀಲ್ ಮಾಡಿದ್ದಾರೆ. ತಮನ್ನಾರನ್ನು ನೀವು ಮೀರಿಸಿದ್ದೀರಿ ಎಂದು ಹೇಳಿದ್ದಾರೆ ನೆಟ್ಟಿಗರು. ಈತನಕ ಈ ವಿಡಿಯೋ 6,600 ಜನರು ಪ್ರತಿಕ್ರಿಯಿಸಿದ್ದಾರೆ. ನೀವು ಅದ್ಭುತವಾದ ಕಲಾವಿದರು, ಈ ಹಾಡಿಗೆ ನೀವೇ ನರ್ತಿಸಬೇಕಿತ್ತು ಎಂಥ ಲಾಸ್ಯ, ಎಂಥ ಅಭಿವ್ಯಕ್ತಿ ಎಂದಿದ್ದಾರೆ ಒಬ್ಬರು. ಸೌಂಡ್​ ಟ್ರ್ಯಾಕ್​ ಚೆನ್ನಾಗಿದೆಯೋ ನಿಮ್ಮ ನೃತ್ಯ ಚೆನ್ನಾಗಿದೆಯೋ? ನಿರ್ಧರಿಸುವಲ್ಲಿ ಸೋಲುತ್ತಿದ್ದೇನೆ ಎಂದಿದ್ದಾರೆ ಮತ್ತೊಬ್ಬರು. ತಮನ್ನಾರ ನಂತರ ತುಂಬಾ ಚೆನ್ನಾಗಿ ನರ್ತಿಸಿದವರು ಯಾರೆಂದು ಕೇಳಿದರೆ ನಿಮ್ಮದೇ ಹೆಸರು ಹೇಳುತ್ತೇನೆ ಎಂದು ಮಗದೊಬ್ಬರು ಹೇಳಿದ್ದಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್​ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ