Viral Video: ‘ಅನ್​ಕನ್ಫ್ಯೂಸ್​ ಮೀ’; ಬಿಲ್​ ಗೇಟ್ಸ್​ ಖಾನ್​ ಅಕಾಡೆಮಿಯ ಸಲ್ ಖಾನ್​ರನ್ನು​ ಸಂದರ್ಶಿಸಿದ ವಿಡಿಯೋ ವೈರಲ್

Bill Gates : ಮೈಕ್ರೋಸಾಫ್ಟ್​ ಸಹ ಸಂಸ್ಥಾಪಕ ಬಿಲ್ ಗೇಟ್ಸ್ ಇತ್ತೀಚೆಗೆ ತಮ್ಮ ಪಾಡ್​ಕಾಸ್ಟ್​ ‘ಅನ್​ಕನ್ಫ್ಯೂಸ್​ ಮೀ (Unconfuse Me)’ಗೆ ಖಾನ್ ಅಕಾಡೆಮಿಯ ಸಂಸ್ಥಾಪಕ ಸಲ್ ಖಾನ್ (Sal Khan) ಅವರನ್ನು ಸಂದರ್ಶಿಸಿದ್ದರು. ನಾಲ್ಕು ದಿನಗಳ ಹಿಂದೆ ಯೂಟ್ಯೂಬ್​ನಲ್ಲಿ ಹಂಚಿಕೊಂಡ ಈ ವಿಡಿಯೋ ಇದೀಗ ವೈರಲ್ ಆಗುತ್ತಿದೆ. ಈ ಎಪಿಡೋಡ್​ನಲ್ಲಿ ಬಿಲ್​ಗೇಟ್ಸ್​ ಸಾಕಷ್ಟು ವಿಷಯಗಳನ್ನು ಚರ್ಚಿಸುತ್ತಾ ‘ಸಲ್​ ಖಾನ್ ಮತ್ತು ಸಲ್ಮಾನ್​ ಖಾನ್​ ನಡುವೆ ಏನಾದರೂ ಗೊಂದಲ ಉಂಟಾಗಿದ್ದಿದೆಯಾ? ಎಂದು ಸಲ್​ ಖಾನ್ ಅವರಿಗೆ ಕೇಳಿದಾಗ, ‘2015ರಲ್ಲಿ ಸಲ್ಮಾನ್​ ಖಾನ್​ ಅಭಿಮಾನಿಗಳಿಂದ ಸಾಕಷ್ಟು ಇಮೇಲ್​​ಗಳು ನನ್ನ ಇನ್​ಬಾಕ್ಸ್​ಗೆ ಬಂದಿರುವುದು ನಿಜ’ ಎಂದು ಅವರು ಒಪ್ಪಿಕೊಂಡಿದ್ದಾರೆ.

ಇದನ್ನೂ ಓದಿ : Viral Video: ಈ ಬಾರ್ಬಿ ಭಾರತದ ಬಡಕುಟುಂಬದಲ್ಲಿ ಜನಿಸಿದಾಕೆ, ಏನೀಗ? ಭಾವುಕರಾದ ನೆಟ್ಟಿಗರು

ಖಾನ್ ಅಕಾಡೆಮಿಯು ಅಮೆರಿಕದ ಲಾಭರಹಿತ ಶಿಕ್ಷಣ ಸಂಸ್ಥೆಯಾಗಿದ್ದು ಜಗತ್ತಿನಾದ್ಯಂತ ವಿದ್ಯಾರ್ಥಿಗಳಿಗೆ ಆನ್​ಲೈನ್ ಮೂಲಕ ಶೈಕ್ಷಣಿಕ ಸಹಾಯ ಮಾಡುತ್ತಿದೆ. ಇದರ ಸಂಸ್ಥಾಪಕರಾದ ಸಲ್​ ಖಾನ್​ ಅವರನ್ನು ತಮ್ಮ ಪಾಡ್‌ಕಾಸ್ಟ್​ಗೆ ಸಂದರ್ಶಿಸುವ ಸಮಯದಲ್ಲಿ ಬಿಲ್​ ಗೇಟ್ಸ್​ ಸಲ್ಮಾನ್​ ಖಾನ್​ನ ಚಿತ್ರವೊಂದನ್ನು ತೋರಿಸಿ, ‘ಸಲ್ ಖಾನ್​ ಎಂದು ವೆಬ್​ ಸರ್ಚ್ ಕೊಟ್ಟರೆ ಸಲ್ಮಾನ್​ ಖಾನ್​ ಬಗ್ಗೆ ವಿವರ ಬರುವುದಲ್ಲವೆ?’ ಎಂದು ಕೇಳಿದರು. ಆಗ ಸಲ್​ ಖಾನ್, ‘ಹೌದು, ಖಾನ್​ ಅಕಾಡೆಮಿ ಶುರುಮಾಡಿದ ಹೊತ್ತಿನಲ್ಲಿ ಸಲ್ಮಾನ್​ ಖಾನ್​ ಅಭಿಮಾನಿಗಳಿಂದ ನನಗೆ ಸಾಕಷ್ಟು ಇಮೇಲ್​ಗಳು ಬಂದಿದ್ದವು. ‘ನಿಮ್ಮನ್ನು ನಾನು ಮೊದಲಿನಿಂದಲೂ ಪ್ರೀತಿಸುತ್ತಿದ್ದೇನೆ. ಆದರೆ ನೀವು ಗಣಿತ ಕ್ಷೇತ್ರದಲ್ಲಿ ತೊಡಗಿಕೊಂಡಿರುವ ಬಗ್ಗೆ ತಿಳಿದಿರಲಿಲ್ಲ’ ಎಂದು ಅನೇಕರು ಪತ್ರ ಬರೆದಿದ್ದರು’ ಎಂದಿದ್ದಾರೆ.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

ಬಿಲ್ ಗೇಟ್ಸ್,​ ಸಲ್​ ಖಾನ್​ ಅವರ ಸಂದರ್ಶಿಸಿದ ವಿಡಿಯೋ ನೋಡಿ

‘2015ರಲ್ಲಿ ನಾನು ಭಾರತಕ್ಕೆ ಹೋದಾಗ ಒಂದು ಕಾರ್ಯಕ್ರಮದಲ್ಲಿ ಸಲ್ಮಾನ್​ ಖಾನ್​ರೊಂದಿಗೆ ವೇದಿಕೆ ಹಂಚಿಕೊಂಡಿದ್ದೆ. ನಮ್ಮಿಬ್ಬರ ಹೆಸರಿನಲ್ಲಿ ಸಾಮ್ಯತೆ ಇರುವ ಕಾರಣಕ್ಕಾಗಿಯೇ ಚಾನೆಲ್​ವೊಂದು ನಮ್ಮಿಬ್ಬರ ನೇರ ಸಂದರ್ಶನ ಮಾಡಿತ್ತು’ ಎನ್ನುವುದನ್ನು ಈ ಸಂದರ್ಭದಲ್ಲಿ ಅವರು ನೆನಪಿಸಿಕೊಂಡಿದ್ದಾರೆ. ಮುಂದುವರಿದ ಬಿಲ್​ ಗೇಟ್​, ‘ಕೃತಕ ಬುದ್ಧಿಮತ್ತೆಯು ಶೈಕ್ಷಣಿಕವಾಗಿ ಯಾವ ರೀತಿ ಮಾರ್ಪಾಡುಗಳನ್ನು ತರಬಹುದು? AI ಯುಗದಲ್ಲಿ ತರಗತಿ ಬೋಧನೆ ಯಾವ ಸ್ವರೂಪಕ್ಕೆ ತಿರುಗಬಹುದು?’ ಎಂದಾಗ, ಸಲ್​ ಖಾನ್​ ತಮ್ಮ ನೆಚ್ಚಿನ ಶಿಕ್ಷಕರ ಬಗ್ಗೆ ಮತ್ತು ಅವರು ಬೋಧಿಸಿದ ವಿಷಯಗಳ ಬಗ್ಗೆ ನೆನಪುಗಳನ್ನು ಕೆದಕಿದ್ದಾರೆ.

ಎನ್​ಡಿಟಿವಿ ಸಲ್ಮಾನ್​ ಖಾನ್​ ಮತ್ತು ಸಲ್ ಖಾನರನ್ನು ಸಂದರ್ಶಿಸಿದ ವಿಡಿಯೋ ಇಲ್ಲಿದೆ

ಬಿಲ್​ ಗೇಟ್​ ತಮ್ಮ ಎರಡನೇ ಪಾಡ್​ಕಾಸ್ಟ್​ನಲ್ಲಿ ಸಲ್ ಖಾನ್​ ಅವರ ಸಂದರ್ಶನ ಮಾಡಿದ್ದಾರೆ. ಆಗಸ್ಟ್ 11ರಂದು ಹಂಚಿಕೊಂಡ ಈ ವಿಡಿಯೋ ಅನ್ನು ಈತನಕ ಸುಮಾರು 27,000 ಜನರು ನೋಡಿದ್ದಾರೆ. ಸುಮಾರು 700 ಜನರು ಲೈಕ್ ಮಾಡಿದ್ದಾರೆ. ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​​ಗಾಗಿ ಕ್ಲಿಕ್ ಮಾಡಿ

Published On - 1:22 pm, Wed, 16 August 23