Viral Video: ವಾಟ್ ಝುಮ್ಕಾ ದಾದೀಜಿ! 65ರ ಅಜ್ಜಿಯಿಂದ ರಣವೀರ್ ಸಿಂಗ್, ಅಲಿಯಾ ಭಟ್ ಹಾಡಿಗೆ ನೃತ್ಯ
Grandmother : ವಯಸ್ಸು ಎನ್ನುವುದು ಬರೀ ಸಂಖ್ಯೆ ಮಾತ್ರ, ನಮ್ಮಂಥ ಚಿಕ್ಕವರಿಗೂ ನೀವು ಮಾದರಿ ಎಂದು ತಮ್ಮ ನೆಚ್ಚಿನ ದಾದೀಮಾರನ್ನು ಮತ್ತೆ ಮತ್ತೆ ಅಚ್ಚರಿಯಿಂದ ನೋಡುತ್ತಿದ್ದಾರೆ ನೆಟ್ಟಿಗರು. ಈ ಹೊಸ ರೀಲ್ನೊಂದಿಗೆ ಡೋಲಾರೇ ಡೋಲಾರೇ ರೀಲ್ ಅನ್ನೂ ನೀವು ಇಲ್ಲಿ ನೋಡಬಹುದು. ನಾವೂ ಯಾಕೆ ಒಮ್ಮೆ ಕುಣಿಯಬಾರದು ಎಂದೆನ್ನಿಸದಿದ್ದರೆ ಹೇಳೀ!
Updated on:Aug 16, 2023 | 10:37 AM
Dance : ರವಿ ಬಾಲಾ ಶರ್ಮಾ 65 ವರ್ಷದ ನೃತ್ಯಪ್ರಿಯೆ. ಯಾವ ವಯಸ್ಸಿನಲ್ಲಿಯೂ ನಿಮಗಿಷ್ಟವಾದ ಕಲೆಯನ್ನು ಕಲಿಯಬಹುದು ಎಂದು ಸಾಬೀತು ಮಾಡುತ್ತಿರುವ ಮಹಿಳೆ. ಇವರ ಫಾಲೋವರ್ಸ್ ಇವರ ಉತ್ಸಾಹಕ್ಕೆ, ನೃತ್ಯಕೌಶಲಕ್ಕೆ ಬೆರಗಿನಿಂದ ಪ್ರತಿಕ್ರಿಯಿಸಿ ಹುರಿದುಂಬಿಸುತ್ತಿರುತ್ತಾರೆ. ಇದೀಗ ಇವರು ರಣವೀರ್ ಸಿಂಗ್ ಮತ್ತು ಅಲಿಯಾ ಭಟ್ ಅಭಿನಯಿಸಿದ ವಾಟ್ ಝುಮ್ಕಾ (What Jhumka) ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಈ ಹಾಡು ‘ರಾಕಿ ಔರ್ ರಾಣಿ ಕೀ ಪ್ರೇಮ್ ಕಹಾನಿ’ ಸಿನೆಮಾದ್ದು. ರವಿ ಬಾಲಾ ಶರ್ಮಾ ಲೆಹಂಗಾ ಚೋಲಿಯನ್ನು ಧರಿಸಿ ಚೆಂದವಾಗಿ ಅಲಂಕರಿಸಿಕೊಂಡು ಆಕರ್ಷಕವಾಗಿ ಹೆಜ್ಜೆ ಹಾಕಿದ್ದಾರೆ. ಇವರ ಭಾವಾಭಿವ್ಯಕ್ತಿಗೆ ನೆಟ್ಟಿಗರು ಭಲೇ ಎಂದಿದ್ದಾರೆ.
ಇದನ್ನೂ ಓದಿ : Viral Video: ಹೊಸ ಸ್ಪ್ಯಾನಿಷ್ ಟೀಚರ್ ಬಂದಿದಾರೆ ಎಲ್ಲ ಆನ್ಲೈನ್ ಕ್ಲಾಸಿಗೆ ಬನ್ನಿ
ಜುಲೈ 28 ರಂದು ಇನ್ಸ್ಟಾಗ್ರಾಮ್ನಲ್ಲಿ ಈ ವಿಡಿಯೋ ಅಪ್ಲೋಡ್ ಮಾಡಲಾಗಿದೆ. ಈತನಕ ಸುಮಾರು 1.5 ಲಕ್ಷ ಜನರು ಈ ವಿಡಿಯೋ ನೋಡಿದ್ದಾರೆ. ಸುಮಾರು 12,000 ಜನರು ಲೈಕ್ ಮಾಡಿದ್ದಾರೆ. ನೂರಾರು ಜನರು ಮೆಚ್ಚುಗೆಯಿಂದ ಪ್ರತಿಕ್ರಿಯಿಸಿದ್ದಾರೆ. ನಿಮ್ಮ ರೀಲ್ಸ್ ನೋಡಿದಾಗೆಲ್ಲ, ವಯಸ್ಸು ಎನ್ನುವುದು ಕೇವಲ ಸಂಖ್ಯೆ ಎನ್ನುವುದು ಮನದಟ್ಟಾಗುತ್ತದೆ. ನೀವು ಕಿರಿಯರಿಗೂ ಕೂಡ ಮಾದರಿ ಎಂದಿದ್ದಾರೆ ನೆಟ್ಟಿಗರು.
ವಾಟ್ ಝುಮ್ಕಾ ಹಾಡಿಗೆ ರವಿ ಬಾಲಾ ಶರ್ಮಾ ಅವರ ನೃತ್ಯ ನೋಡಿ
View this post on Instagram
ದಾದೀಜಿ ಎಂಥ ಮುದ್ದಾಗಿದ್ದೀರಿ, ನಿಮ್ಮ ನೃತ್ಯವೂ ಅಷ್ಟೇ ಛಂದ ಎಂದಿದ್ದಾರೆ ಒಬ್ಬರು. ನಿಜಕ್ಕೂ ನೀವು ಅನೇಕರಿಗೆ ಸ್ಫೂರ್ತಿಯಾಗಿದ್ದೀರಿ, ಈ ಹವ್ಯಾಸ ನಿಮ್ಮ ಮನಸ್ಸನ್ನು ದೇಹವನ್ನು ಸುಂದರವಾಗಿಟ್ಟಿರುತ್ತದೆ ನಿಮಗೆ ಒಳ್ಳೆಯದಾಗಲಿ ಮೇಡಮ್ ಎಂದಿದ್ದಾರೆ ಇನ್ನೊಬ್ಬರು. ಐಶ್ವರ್ಯ ರೈ ಮತ್ತು ಮಾಧುರಿ ದೀಕ್ಷಿತ್ ಅಭಿನಯಿಸಿದ ದೇವದಾಸ್ ಸಿನೆಮಾದ ಡೋಲಾರೇ ಡೋಲಾರೇ ಹಾಡಿಗೆ ಕೂಡ ರವಿ ಬಾಲಾ ಶರ್ಮಾ ನರ್ತಿಸಿದ್ದಾರೆ. ಈ ವಿಡಿಯೋ ಅನ್ನು 2 ಮಿಲಿಯನ್ ಜನರು ನೋಡಿದ್ದಾರೆ. ಸುಮಾರು 73,000 ಜನರು ಲೈಕ್ ಮಾಡಿದ್ದಾರೆ. ‘ಢೋಲಾರೇ ಹಾಡಿನಲ್ಲಿ ಈ ಡ್ಯಾನ್ಸಿಂಗ್ ದಾದಿ ಮಿಸ್ ಆಗಿದ್ದಾರೆ ಎಂದು ಐಶ್ವರ್ಯಾ ಮತ್ತು ಮಾಧುರಿ ಅನ್ನಿಸಲಿ’ ಎಂದು ತಮಾಷೆಯಿಂದ ಕ್ಯಾಪ್ಷನ್ ಬರೆದಿದ್ದಾರೆ ಈ ದಾದೀಮಾ.
ನೋಡಿ ಡೋಲಾರೇ ಡೋಲಾರೆ ಹಾಡಿಗೆ ದಾದಿಯ ನೃತ್ಯ
View this post on Instagram
ನಿಮಗೀಗ ಈ ಅಜ್ಜಿಯ ಉತ್ಸಾಹವನ್ನು ನೋಡಿ ಡ್ಯಾನ್ಸ್ ಮಾಡಬೇಕು ಎನ್ನಿಸುತ್ತಿರಬೇಕಲ್ಲ? ನೃತ್ಯ ಮನಸ್ಸಿಗೆ ಮೈಗೆ ಆಹ್ಲಾದವನ್ನು ಕೊಡುತ್ತದೆ. ಮೈಚಳಿಬಿಟ್ಟು ರೂಢಿಸಿಕೊಳ್ಳಿ. ನಿಮ್ಮ ಸ್ನೇಹಿತರೊಂದಿಗೆ, ಪ್ರೀತಿಪಾತ್ರರೊಂದಿಗೆ, ಮನೆಮಂದಿಯೊಂದಿಗೆ. ಯಾರೂ ಬೇಡವೆ? ಈ ಅಜ್ಜಿಯ ಹಾಗೆ ಒಬ್ಬರೇ ಆದರೂ ಸೈ!
ಏನಂತೀರಿ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 10:36 am, Wed, 16 August 23
