Viral Video: ಹೊಸ ಸ್ಪ್ಯಾನಿಷ್ ಟೀಚರ್ ಬಂದಿದಾರೆ ಎಲ್ಲ ಆನ್ಲೈನ್ ಕ್ಲಾಸಿಗೆ ಬನ್ನಿ
Spanish : ಮ್ಯಾಡ್ರಿಡ್ನ ಈ ಟೀಚರ್ ಬಹಳ ಸುಲಭವಾಗಿ, ಉಲ್ಲಾಸಮಯವಾಗಿ ಸ್ಪ್ಯಾನಿಷ್ ಅನ್ನು ಆನ್ಲೈನ್ನಲ್ಲಿ ಹೇಳಿಕೊಡುತ್ತಾರೆ. ಇಂಥ ಟೀಚರ್ ಸಿಕ್ಕರೆ ಎಂಥ ಭಾಷೆಯನ್ನೂ ಬಹಳ ಬೇಗ ಕಲಿಯಬಹುದು ಎಂದು ನೆಟ್ಟಿಗರು ವಿಸ್ಮಯಗೊಂಡಿದ್ದಾರೆ. 'ಕೊಮೊ ಪೊಕೋ ಕೋಕೋ ಕೋಮೋ ಪೋಕೋ, ಕೋಕೋ ಕೋಂಪ್ರೋ' ಹೀಗೆಂದರೆ ಏನು ಗೊತ್ತೆ? ಸುಳಿವು ಬೇಕೆ? ಕೋಕೊ ಎಂದರೆ ಕೊಬ್ಬರಿ.
Language: ಮಾತೃಭಾಷೆ ಬಿಟ್ಟು ಇನ್ನೊಂದು ಭಾಷೆ ಕಲಿಯಬೇಕೆಂದರೆ ಆ ಭಾಷೆ ನಮ್ಮ ಪರಿಸರದ ಭಾಷೆಯಾಗಿರಬೇಕು. ಅಂದಾಗ ಮಾತ್ರ ಬಲುಬೇಗನೆ ನಮ್ಮ ನಾಲಗೆಯ ಮೇಲೆ ನಲಿದಾಡುತ್ತದೆ. ಈಗಂತೂ ನಮ್ಮ ಭಾಷೆಯೊಂದಿಗೆ ಇಂಗ್ಲಿಷ್ ಒಳಗೊಂಡಂತೆ ಪರರಾಜ್ಯ ಮತ್ತು ಪರದೇಶಗಳ ಭಾಷೆ ಕಲಿಯುವುದು ಅನಿವಾರ್ಯ. ಏಕೆಂದರೆ ಭಾಷೆ ಎನ್ನುವುದು ಇಂದು ಅನ್ನದ ಮಾರ್ಗವೂ ಹೌದು. ಭಾಷೆಗಳು ಗೊತ್ತಿದ್ದಷ್ಟೂ ನಿಮ್ಮ ಜಗತ್ತು ವಿಸ್ತರಿಸುತ್ತಾ ಹೋಗುತ್ತದೆ. ಉದ್ಯೋಗವರಸಿ ವಿದೇಶಕ್ಕೆ ಹೋಗುವವರಿಗೆ ಒತ್ತಾಸೆಯಾಗುವ ಬಗೆ ಒಂದು. ಆದರೆ ಇದ್ದಲ್ಲಿಯೇ ಇದ್ದು ಅನುವಾದದ (Translation) ಮೂಲಕ ಇತರೇ ಭಾಷೆದೇಶಗಳೊಂದಿಗೆ ಒಡನಾಡುವ ಬಗೆ ಇನ್ನೊಂದು. ಇದೀಗ ಸ್ಪ್ಯಾನಿಷ್ ಕಲಿಯುವುದು ಬಹಳ ಸರಳ ಎನ್ನುತ್ತಿದ್ದಾರೆ ಮ್ಯಾಡ್ರಿಡ್ನ ಈ ಟೀಚರ್ ಮರ್ಯಮ್ ಎಸ್ಮಾಯಿಲ್ಪೋರ್. 17 ವರ್ಷಗಳ ಕಾಲ ಸ್ಪ್ಯಾನಿಷ್ ಕಲಿಸಿದ ಅನುಭವ ಹೊಂದಿದ ಇವರು ನಿಮಗೂ ಸ್ಪ್ಯಾನಿಷ್ನ ರುಚಿ ತೋರಿಸಲಿದ್ದಾರೆ.
ಇದನ್ನೂ ಓದಿ : Viral Video: ‘ಎಚ್ಚರ! ಹೊಸ ಅಮ್ಮ ಬಂದಿದ್ದಾಳೆ’; ಕಕ್ಕಾವಿಕ್ಕಿಯಾದ ಅಮ್ಮಕೋಳಿ
ಈ ಕೆಳಗಿನ ವಿಡಿಯೋದಲ್ಲಿ ಮರ್ಯಮ್ ಟೀಚರ್, ‘ನಾನು ಸ್ವಲ್ಪ ಕೊಬ್ಬರಿಯನ್ನು ತಿನ್ನುತ್ತೇನೆ ಹಾಗಾಗಿ ಸ್ವಲ್ಪೇ ಕೊಬ್ಬರಿಯನ್ನು ಖರೀದಿಸುತ್ತೇನೆ’ ಎನ್ನುವುದನ್ನು ಸ್ಪ್ಯಾನಿಷ್ನಲ್ಲಿ ಹೇಳುವುದು ಹೇಗೆ ಎನ್ನುವುದನ್ನು ಹೇಳಿಕೊಟ್ಟಿದ್ದಾರೆ. ಇಂಗ್ಲಿಷ್ನಲ್ಲಿ I eat coconut little, so I buy little coconut, ಸ್ಪ್ಯಾನಿಷ್ನಲ್ಲಿ Como Poco Coco Como Poco, Coco Compro (ಕೊಮೊ ಪೊಕೋ ಕೋಕೋ ಕೋಮೋ ಪೋಕೋ, ಕೋಕೋ ಕೋಂಪ್ರೋ) ಅರ್ಥವಾಗಲಿಲ್ಲವಾ? ಹಾಗಿದ್ದರೆ ಟೀಚರ್ ವಿವರಣೆ ಕೇಳಿ.
ಸ್ಪ್ಯಾನಿಷ್ ಆನ್ಲೈನ್ ಕ್ಲಾಸ್ 1
View this post on Instagram
ಹೇಗೆ ಇದನ್ನು ಕಲಿಯೋದು ಅರ್ಥ ಮಾಡಿಕೊಳ್ಳೋದು ಅಂತ ಯೋಚಿಸುವ ಮೊದಲು ನಗು ಬರುತ್ತಿರುವಂತೆ ಇದೆಯಲ್ಲವಾ? ನಿಜಕ್ಕೂ ನಿಮ್ಮ ಈ ಟಂಗ್ ಟ್ವಿಸ್ಟರ್ ಇಷ್ಟವಾಯಿತು ಎಂದಿದ್ದಾರೆ ಒಬ್ಬರು. ನಾನು 30 ವರ್ಷಗಳಿಂದ ಈ ಭಾಷೆಯನ್ನು ಕಲಿತು ನಿರರ್ಗಳವಾಗಿ ಮಾತನಾಡುತ್ತಿದ್ದೇನೆ. ಎಂದೂ ಈ ಭಾಷೆ ನನಗೆ ಟಂಗ್ ಟ್ವಿಸ್ಟರ್ನಂತೆ ಅನ್ನಿಸಿಲ್ಲ, ಹಾಗೆ ನೋಡಿದರೆ ಇಂಗ್ಲಿಷ್ ಕಷ್ಟವೆನ್ನಿಸುತ್ತದೆ ಎಂದು ಪ್ರತಿಯಾಗಿ ಉತ್ತರಿಸಿದ್ದಾರೆ ಇನ್ನೊಬ್ಬರು. ನೀವು ಮಾಡುವ ವಿಡಿಯೋಗಳು ನಿಜಕ್ಕೂ ಅದ್ಭುತವಾಗಿವೆ, ಹೊಸ ಭಾಷೆಯಲ್ಲಿ ಸಹಜವಾಗಿ ಅಸಕ್ತಿ ಮೂಡಿಸುವಂತೆ ಇವೆ ಎಂದಿದ್ದಾರೆ ಇನ್ನೊಬ್ಬರು. ಇನ್ನೊಂದು ಟಂಗ್ ಟ್ವಿಸ್ಟರ್ ಈ ಕೆಳಗಿನಂತಿದೆ.
ಸ್ಪ್ಯಾನಿಷ್ ಆನ್ಲೈನ್ ಕ್ಲಾಸ್ 2
View this post on Instagram
ಒಂದು ಭಾಷೆಯನ್ನು ಹೀಗೆ ಉಲ್ಲಾಸಮಯವಾಗಿ ಕಲಿಸುವ ವಿಡಿಯೋಗಳನ್ನು ಈತನಕ ನೋಡಿರಲಿಲ್ಲ. ನಿಜಕ್ಕೂ ನಿಮ್ಮ ವಿಡಿಯೋಗಳು ಅನನ್ಯವಾಗಿವೆ, ನನಗೆ ಭಾಷೆ ಕಲಿಯಲು ಸಹಾಯ ಮಾಡುತ್ತಿವೆ ಎಂದಿದ್ದಾರೆ ಮತ್ತೊಬ್ಬರು. ನಿಜಕ್ಕೂ ನಾನು ಇಂಥದ್ದನ್ನು ಈ ಮೊದಲು ಕೇಳಿಯೇ ಇರಲಿಲ್ಲ. ನನಗೂ ಈಗ ಸ್ಪ್ಯಾನಿಷ್ ಕಲಿಯಬೇಕೆಂಬ ಆಸೆ ಹುಟ್ಟುತ್ತಿದೆ, ಹಾಗಿದೆ ನೀವು ಕಲಿಸುತ್ತಿರುವ ರೀತಿ ಎಂದಿದ್ದಾರೆ ಅನೇಕರು. ಮತ್ತಷ್ಟು ವಿಡಿಯೋಗಳನ್ನು ಮರ್ಯಮ್ ಟೀಚರ್ ಇನ್ಸ್ಟಾಗ್ರಾಂ ಪುಟದಲ್ಲಿ ನೋಡಬಹುದು.
ಈ ವಿಡಿಯೋ ನೋಡಿದ ನೀವೇನಂತೀರಿ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 4:31 pm, Tue, 15 August 23
