Viral Video: ‘ಎಚ್ಚರ! ಹೊಸ ಅಮ್ಮ ಬಂದಿದ್ದಾಳೆ’; ಕಕ್ಕಾವಿಕ್ಕಿಯಾದ ಅಮ್ಮಕೋಳಿ
Motherhood : ನೀವು ನನ್ನ ಹೊಟ್ಟೆಯಲ್ಲಿ ಹುಟ್ಟಿದ ಮಕ್ಕಳೇ ತಾನೆ, ಏನು ಆಗ್ತಿದೆ ಇಲ್ಲಿ? ಎಂದು ಗಾಬರಿಗೆ ಒಳಗಾಗದಂತಿದೆ ಈ ಕೋಳಿ. ಕೋಳಿಮರಿಗಳೋ, ಅಮ್ಮನಿಗಿಂತ ಬೆಚ್ಚಗೆ, ಮೆತ್ತಗೆ ಇರೋ ಹೊಸ ಅಮ್ಮ ಬಂದಿದೆ ಎಂದು ಖುಷಿಯಿಂದ ಆಟವಾಡಿಕೊಂಡಿವೆ. ಅಷ್ಟೇ ಅಲ್ಲ ತಮ್ಮ ಅಮ್ಮನ ಬಳಿ ಹೋಗಬೇಕೆಂದು ಅವುಗಳಿಗೆ ಅನ್ನಿಸುತ್ತಲೇ ಇಲ್ಲ. ಪಾಪ ಅಮ್ಮಕೋಳಿ.
Updated on:Aug 15, 2023 | 3:34 PM
Mother : ಗಬಕ್ ಗಬಕ್ಕೆಂದು ಒಂದೊಂದನ್ನೇ ಈ ಬೆಕ್ಕು ನುಂಗಿಬಿಟ್ಟಿದ್ದರೆ ಮೃಷ್ಟಾನ್ನ ಭೋಜನ! ಆದರೆ ಅದು ಹಾಗೆ ಮಾಡದೆ ಪುಟಾಣಿ ಕೋಳಿಮರಿಗಳನ್ನು ಬೆಚ್ಚಗೆ ತನ್ನ ಬಳಿ ಕರೆದುಕೊಂಡು ಸಂಭಾಳಿಸುತ್ತಿದೆ. ನಾನೇ ನಿಮ್ಮಮ್ಮ ಎನ್ನುತ್ತ ಅವುಗಳೆಡೆ ನೋಡುತ್ತಿದೆ. ಆ ಮರಿಗಳೂ ಹೊಸ ಅಮ್ಮನೊಂದಿಗೆ ಅತ್ಯಂತ ಸಲೀಸಾಗಿ ಹೊಂದಿಕೊಂಡಿವೆ. ಅಷ್ಟೊತ್ತಿಗೆ ಅಲ್ಲಿಗೆ ಬಂದ ಕೋಳಿಯಮ್ಮ ಗಾಬರಿಯಿಂದ ಈ ದೃಶ್ಯವನ್ನು ನೋಡುತ್ತಿದೆ. ಮರಿಗಳೆಲ್ಲ ಒಂದೊಂದೇ ಕೋಳಿಯಮ್ಮನಿಗೆ ಹೊಸ ಅಮ್ಮ ಬಂದಿದ್ದಾಳೆ ಎಂದು ಹೇಳುತ್ತಿವೆ. ಹೀಗಿಲ್ಲವೆ ಈ ದೃಶ್ಯ? ಈ ವಿಡಿಯೋ ನೋಡಿದ ನೆಟ್ಟಿಗರಂತೂ (Netizens) ತಮಾಷೆ ಮೇಲೆ ತಮಾಷೆ ಮಾಡುತ್ತಿದ್ದಾರೆ.
ಇದನ್ನೂ ಓದಿ : \Viral Video: ಅವರ ಮನೆಗೆ ‘ಹಾವುಕೋಸು’ ಬಂದಿತ್ತಂತೆ! ನೋಡಿ ಅದು ಹೇಗಿತ್ತೆಂದು
@ cats_of_day ಎಂಬ ಇನ್ಸ್ಟಾಗ್ರಾಂ ಪುಟದಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ತಾಯಿಕೋಳಿ ನಿಜಕ್ಕೂ ಗಾಬರಿಗೆ, ಆಘಾತಕ್ಕೆ, ಗೊಂದಲಕ್ಕೆ ಮತ್ತಿನ್ನೇನೆಲ್ಲ ಅನುಭವಿಸಿದೆಯೋ ಈ ವಿಡಿಯೋ ನೋಡಿ. ಅನೇಕರು ಕೋಳಿಯಮ್ಮನ ಸ್ಥಿತಿ ಕಂಡು ಮರುಕ ವ್ಯಕ್ತಪಡಿಸಿದ್ದಾರೆ. ತಾಯಿಕೋಳಿ ಹೊಸ ಬೇಬಿಸಿಟ್ಟರ್ ನೇಮಿಸಿಕೊಂಡಿದೆಯಷ್ಟೇ ಅಂಥದ್ದೇನೂ ಆಗಿಲ್ಲ ಇಲ್ಲಿ, ಏನೇನೋ ಊಹಿಸಿಕೊಳ್ಳಬೇಡಿ ಎಂದು ತಮಾಷೆ ಮಾಡಿದ್ದಾರೆ ಕೆಲವರು.
ನೋಡಿ ವಿಡಿಯೋದಲ್ಲಿ ಈ ಕೋಳಿಯಮ್ಮನ ಅವಸ್ಥೆ
View this post on Instagram
ಬೆಕ್ಕು ತಾನು ತಾಯಿಯಾಗಬೇಕೆಂದುಕೊಂಡು ಈ ಮರಿಗಳನ್ನು ದತ್ತು ತೆಗೆದುಕೊಂಡಿದೆ. ದತ್ತುಪ್ರಕ್ರಿಯೆ ಎಷ್ಟೊಂದು ಸರಳವಾಗಿದೆ ನೋಡಿ! ಎಂದಿದ್ದಾರೆ ಒಬ್ಬರು. ಬೇಬಿ ಸಿಟ್ಟರ್ ತುಂಬಾ ಮುದ್ದಾಗಿದ್ದಾರೆ, ಅಮ್ಮನಿಗಿಂತ ಅವರೇ ಮೆತ್ತಮೆತ್ತಗೆ ಇದ್ದಾರೆ ಎಂದು ಮರಿಗಳು ಅಂದುಕೊಂಡು ಬೆಚ್ಚಗೆ ಕುಳಿತಿವೆ ಎನ್ನಿಸುತ್ತೆ ಎಂದಿದ್ದಾರೆ ಇನ್ನೊಬ್ಬರು. ಈ ವಿಡಿಯೋಗೆ ಇಷ್ಟು ಕೆಟ್ಟದಾದ ಹಿನ್ನೆಲೆ ಸಂಗೀತ ಸೇರಿಸುವುದು ಏಕೆ? ಎಂದು ಕೇಳಿದ್ದಾರೆ ಕೆಲವರು.
ಇದನ್ನೂ ಓದಿ : Viral Video: ಪರ್ಸ್, ಬ್ಯಾಗ್, ಇಟ್ಟಿಗೆ, ಚೆಂಡು ಕೈಗೆ ಸಿಕ್ಕಿದ್ದನ್ನೆಲ್ಲ ತಿನ್ನುವ ಇಸ್ತಾನ್ಬುಲ್ ಮಹಿಳೆ
ಸುಮ್ಮನೇ ಈಗ ಈ ಜಾಗ ಬಿಟ್ಟು ಎದ್ದರೆ ಸರಿ, ಅವರು ನನ್ನ ಮಕ್ಕಳು ನಿನಗೆ ನನ್ನ ಮಕ್ಕಳನ್ನು ಕೊಡುವುದಿಲ್ಲ ಎನ್ನುತ್ತಿದೆ ಎಂದು ಮತ್ತೊಬ್ಬರು ಕಮೆಂಟ್ ಮಾಡಿದ್ದಾರೆ. ಅನೇಕರು ಇಂಥ ಸುಂದರವಾದ ವಿಡಿಯೋಗಳಿಗೆ ಹಾಕುವ ಚಿತ್ರವಿಚಿತ್ರ ಹಿನ್ನೆಲೆ ಧ್ವನಿ, ಸಂಗೀತದ ಬಗ್ಗೆ ತಕರಾರು ಎತ್ತಿದ್ದಾರೆ. ಆ ವಿಡಿಯೋದ ಸೂಕ್ಷ್ಮತೆಯನ್ನೇ ಅದು ಕಳೆದುಬಿಡುತ್ತದೆ ಎಂದಿದ್ದಾರೆ.
ಏನಂತೀರಿ ನೀವು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 3:31 pm, Tue, 15 August 23
