Viral Video: ಕಾವಾಲಾ; ಡ್ಯಾನ್ಸ್ಗಿಂತ ನಿಮ್ಮ ಭಾವಾಭಿನಯವೇ ಹೆಚ್ಚು ಇಷ್ಟವಾಯಿತು ಎಂದ ನೆಟ್ಟಿಗರು
Kaavaalaa : ಕಾವಾಲಾದ ಕಾವು ದಿನದಿಂದ ದಿನಕ್ಕೆ ಏರುತ್ತಲೇ ಇದೆ. ರೂಪದರ್ಶಿಯರು, ನೃತ್ಯಕಲಾವಿದರು, ಡಿಜಿಟಲ್ ಕ್ರಿಯೇಟರ್ಗಳು, ನೃತ್ಯಾಸಕ್ತ ಯುವತಿಯರು, ಯುವಕರು, ಅಂಕಲ್ಗಳೂ ಕೂಡ ಈ ಹಾಡಿಗೆ ರೀಲ್ಸ್ ಮಾಡುತ್ತಿದ್ದಾರೆ. ಸಮೀಕ್ಷಾ ರಸ್ತೋಗಿ ಎಂಬ ಡಿಜಿಟಲ್ ಕ್ರಿಯೇಟರ್ನ ಈ ರೀಲ್ ಅನ್ನು ನೆಟ್ಟಿಗರು ಬಹುವಾಗಿ ಮೆಚ್ಚಿಕೊಂಡಿದ್ದಾರೆ.
Updated on:Aug 12, 2023 | 12:26 PM
Jailer : ರಜಿನಿಕಾಂತ್ ತಮನ್ನಾ ಭಾಟಿಯಾ (Tamanna Bhatia) ನಟಿಸಿರುವ ಜೈಲರ್ನ ಕಾವಾಲಾ ಹಾಡು ಕಳೆದ ಕೆಲ ವಾರಗಳಿಂದ ಭಾರೀ ಟ್ರೆಂಡಿಂಗ್ನಲ್ಲಿದೆ. ಅನೇಕ ವೃತ್ತಿಪರ ಕಲಾವಿದರು ಮತ್ತು ನೃತ್ಯಾಸಕ್ತರು ಈ ಹಾಡಿಗೆ ರೀಲ್ ಮಾಡುತ್ತಿದ್ದು ಸರದಿಯಂತೆ ವೈರಲ್ ಆಗುತ್ತಲೇ ಇವೆ. ಡಿಜಿಟಲ್ ಕ್ರಿಯೇಟರ್ ಸಮೀಕ್ಷಾ ರಸ್ತೋಗಿ ಎನ್ನುವವರು ಈ ಹಾಡಿಗೆ ಆಕರ್ಷಕವಾಗಿ ನರ್ತಿಸಿದ್ದು ನೆಟ್ಟಿಗರ ಗಮನ ಸೆಳೆಯುತ್ತಿದ್ದಾರೆ. ಜು. 24ರಂದು ಹಂಚಿಕೊಂಡ ಈ ವಿಡಿಯೋ ಅನ್ನು ಸಾವಿರಾರು ಜನರು ಲೈಕ್ ಮಾಡಿದ್ದಾರೆ. ಅನೇಕರು ಇವರ ನೃತ್ಯಕ್ಕಿಂತ ಭಾವಾಭಿವ್ಯಕ್ತಿಯನ್ನು ಕೊಂಡಾಡಿದ್ದಾರೆ.
ಇದನ್ನೂ ಓದಿ : Viral Video: ಫ್ಲೋರಿಡಾ; ಕಮೋಡ್ನಲ್ಲಿ ವಿಶ್ರಾಂತಿ ಪಡೆಯುತ್ತಿದ್ದ ಇಗುವಾನಾ; ವಿಡಿಯೋ ವೈರಲ್
ನಿಮ್ಮ ಸ್ಟೆಪ್ಸ್ಗಿಂತ ನಿಮ್ಮ ಎಕ್ಸ್ಪ್ರೆಷನ್ ತುಂಬಾ ಚೆನ್ನಾಗಿದೆ ಎಂದಿದ್ದಾರೆ ಒಬ್ಬರು. ಬಹಳ ಮುದ್ದಾಗಿ ನರ್ತಿಸಿದ್ದೀರಿ, ಫೆಂಟಾಸ್ಟಿಕ್ ಎಂದಿದ್ದಾರೆ ಮತ್ತೊಬ್ಬರು. ನಿಮ್ಮ ಕಣ್ಣುಗಳು ನನಗೆ ಇಷ್ಟವಾದವು, ಸಂತೋಷ ತುಂಬಿತುಳುಕುತ್ತಿದೆ ಎಂದಿದ್ದಾರೆ ಇನ್ನೊಬ್ಬರು. ತಮನ್ನಾ ಭಾಟಿಯಾರ ಅನುಕರಣೆ ತುಂಬಾ ಚೆನ್ನಾಗಿದೆ ಎಂದಿದ್ದಾರೆ ಮಗದೊಬ್ಬರು.
ಈ ಕೆಳಗಿನ ವಿಡಿಯೋದಲ್ಲಿ ಕಾವಾಲಾ ಹಾಡಿಗೆ ಸಮೀಕ್ಷಾ ರಸ್ತೋಗಿ ಅವರ ರೀಲ್ ನೋಡಿ:
View this post on Instagram
ಈ ಕೊರಿಯೋಗ್ರಫಿ ಮಾಡಿದವರಿಗೆ ಧನ್ಯವಾದ. ಸಾಕಷ್ಟು ಶಕ್ತಿ ಮತ್ತು ಪರಿಣತಿ ಉಳ್ಳವರು ಮಾತ್ರ ಈ ನೃತ್ಯ ಮಾಡಲು ಸಾಧ್ಯ. ಈತನಕ ಈ ಹಾಡಿಗೆ ರೀಲ್ ಮಾಡಿದವರೆಲ್ಲರೂ ನಿಜಕ್ಕೂ ಚೆನ್ನಾಗಿಯೇ ನರ್ತಿಸಿದ್ದಾರೆ ಎಂದಿದ್ದಾರೆ ಒಬ್ಬರು. ಈ ಹಾಡನ್ನು ಶಿಲ್ಪಾರಾವ್ ಬಹಳ ಚೆನ್ನಾಗಿ ಹಾಡಿದ್ದಾರೆ, ಇದು ತುಂಬಾ ಒಳ್ಳೆಯ ಟ್ರೆಂಡ್ ಸೃಷ್ಟಿಸುವಲ್ಲಿ ಯಶಸ್ವಿಯಾಗಿದೆ ಎಂದಿದ್ದಾರೆ ಮತ್ತೊಬ್ಬರು.
ಜೈಲರ್ನ ಕಾವಾಲಾ ಮೂಲ ಹಾಡನ್ನು ಈ ಕೆಳಗೆ ನೋಡಿ.
ಈ ಹಿಂದೆ ಈ ಹಾಡಿಗೆ ಮಿಸ್ ಕೇರಳ ಇಂಡಿಯಾ ಪ್ರಿಯಾಂಕಾ ಶೆಣೈ ಮೆನನ್ ಕೂಡ ಈ ಹಾಡಿಗೆ ನರ್ತಿಸಿದ್ದನ್ನು ನೆಟ್ಟಿಗರನೇಕರು ಮೆಚ್ಚಿದ್ದರು. ನಂತರ ಪುರುಷರೊಬ್ಬರು ತಾವೇನು ಕಡಿಮೆ ಎಂದು ತಮನ್ನಾಳ ಹೆಜ್ಜೆಗಳನ್ನೇ ಅನುಕರಿಸಿದ್ದರು. ಜೊತೆಗೆ ತಮ್ಮದೇ ಆದ ಉಡುಪಿನ ವಿನ್ಯಾಸವನ್ನೂ ರೂಪಿಸಿಕೊಂಡಿದ್ದರು. ಈ ರೀಲ್ಗೆ ನೆಟ್ಟಿಗರಂತೂ ಬಿದ್ದು ಬಿದ್ದು ನಕ್ಕಿದ್ದರು ಹಾಗೆಯೇ ಹುರಿದುಂಬಿಸಿದ್ದರು ಕೂಡ.
ಅಂತೂ ಕಾವಾಲಾ ಹಾಡು ಎಲ್ಲರಿಗೂ ಭರ್ಜರಿಯಾಗಿ ಗುಂಗು ಹಿಡಿಸಿದೆ. ಈ ಕುರಿತು ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 12:26 pm, Sat, 12 August 23
