Viral Video: ಸಂಭಾಷಣೆ ಈ ಪ್ರೇಮ ಸಂಭಾಷಣೆ; ಅಜ್ಜಅಜ್ಜಿಯ ಈ ವಿಡಿಯೋ ವೈರಲ್

Love: ಈ ಅಜ್ಜಿ ತನ್ನ ಪಾಡಿಗೆ ತಾನು ಸೊಪ್ಪು ಬಿಡಿಸುತ್ತಿದ್ದಾಳೆ. ಆದರೆ ಈ ಅಜ್ಜ ಆಕೆಯನ್ನು ವಾಕಿಂಗ್ ಸ್ಟಿಕ್​ ನಿಂದ ತಿವಿದು ತನ್ನೆಡೆ ಗಮನ ಸೆಳೆಯುತ್ತಿದ್ದಾನೆ. ಕೆಲಸವನ್ನೂ ಮಾಡುತ್ತ ಅಜ್ಜನೊಂದಿಗೆ ಮಾತನಾಡುತ್ತಲೇ ಇದ್ದಾಳೆ. ಕೊನೆಗೆ ತಂಬಿಗೆಯಲ್ಲಿಯ ನೀರನ್ನು ತಲೆಗೆ ಸಿಂಪಡಿಸಿ ಉಜ್ಜಿಕೊಳ್ಳುತ್ತ ಮತ್ತೆ ಆಕೆಯನ್ನು ತನ್ನೆಡೆ ಸೆಳೆಯಲು ನೋಡುತ್ತಿದ್ದಾನೆ. ಹುಸಿಗದರಿನಿಂದಲೇ ತಂಬಿಕೆಯನ್ನು ಇಸಿದುಕೊಳ್ಳುತ್ತಾಳೆ. ಅತ್ತಿತ್ತ ಓಲಾಡುವ ಮಗುವಿನ ಗದ್ದ ಹಿಡಿದು ಬಾಚುವಂತೆ ಕೆದರಿಕೊಂಡ ಅಜ್ಜನ ತಲೆಯನ್ನು ಬಾಚುತ್ತಾಳೆ ಅಜ್ಜಿ.

ಈ ವಿಡಿಯೋ ನೆಟ್ಟಿಗರ ಮನಸೂರೆಗೊಂಡಿದೆ. ಈಗಿನ ಎಳೇಜೋಡಿಗಳು ಇಂಥ ವಿಡಿಯೋಗಳನ್ನು ನೋಡಬೇಕು.  ಇದು ಶುದ್ಧಪ್ರೀತಿ ಎನ್ನುತ್ತಿದ್ದಾರೆ. ಸುಮಾರು 62,000 ಜನರು ಈ ವಿಡಿಯೋ ಇಷ್ಟಪಟ್ಟಿದ್ಧಾರೆ. ಇಂಥ ಪ್ರೀತಿ ಈಗಿನ ಪೀಳಿಗೆಯಲ್ಲಿ ಇದೆಯೇ? ಖಂಡಿತ ಇಲ್ಲ ಮರೆತುಬಿಡಿ ಎಂದಿದ್ದಾರೆ ಒಬ್ಬರು.  ಕಳೆದ ತಿಂಗಳು ಕ್ಯಾನ್ಸರ್​ನಿಂದ ನನ್ನ ಅಜ್ಜನನ್ನು ಕಳೆದುಕೊಂಡೆ. ಈ ದೃಶ್ಯ ಅವರನ್ನು ನೆನಪಿಸುತ್ತಿದೆ ಎಂದಿದ್ದಾರೆ ಇನ್ನೊಬ್ಬರು.

ಇದನ್ನೂ ಓದಿ : Viral Video: ತನ್ನ ಅಮ್ಮ ಇನ್ನೆಂದೂ ಬಾರಳು ಎಂಬ ಅರಿವು ಈ ಮರಿಗಿಲ್ಲ 

ಇದು ಪ್ರೀತಿಯಲ್ಲ. ಹಿರಿಯನಾಗರಿಕರು ಗಮನಸೆಳೆಯಲು ನೋಡುತ್ತಿರುತ್ತಾರೆ. ಏಕೆಂದರೆ ವಯಸ್ಸಾಗುತ್ತಾ ಅವರಿಗೆ ಒಂಟಿತನ ಕಾಡತೊಡಗುತ್ತದೆ. ತಮ್ಮ ಸುತ್ತ ಜನರಿರಬೇಕೆಂದು ಬಯಸುತ್ತಾರೆ. ಆದರೆ ಈಗಿನ ಪೀಳಿಗೆಯವರು ಸ್ವಾರ್ಥಿಗಳು. ಹಿರಿಯ ನಾಗರಿಕರನ್ನು ನಿರ್ಲಕ್ಷಿಸುತ್ತಾರೆ ಎಂದಿದ್ದಾರೆ ಮತ್ತೊಬ್ಬರು. ಇದೆಲ್ಲ ಸ್ಕ್ರಿಪ್ಟೆಡ್​, ರೀಲ್​​ಗೋಸ್ಕರ ಮಾಡಿದ್ದು ಎಂದಿದ್ದಾರೆ ಕೆಲವರು.

ಇದನ್ನೂ ಓದಿ : Viral Video;ನಾಯಿಯಿಂದ ಯೋಗ ಮಾಡಿಸಿ ಯೋಗವನ್ನು ಅವಮಾನಿಸಿದ್ದೀರಿ

ಈ ಪೀಳಿಗೆಗೆ ಇದೆಲ್ಲವೂ ಅಸಹಜವೆನ್ನಿಸುತ್ತದೆ. ಇಂಥ ಶುದ್ಧ ಪ್ರೀತಿಯನ್ನು ಅವರೆಂದೂ ಅರ್ಥ ಮಾಡಿಕೊಳ್ಳಲಾರರು ಎಂದು ಇನ್ನೂ ಒಬ್ಬರು ಹೇಳಿದ್ದಾರೆ. ವಯಸ್ಸಾದಂತೆ ಮತ್ತೆ ಮಕ್ಕಳಾಗುತ್ತಾರಂತೆ, ಈ ವಿಡಿಯೋದಲ್ಲಿ ಅದನ್ನು ಕಾಣಬಹುದು ಎಂದಿದ್ದಾರೆ ಮಗದೊಬ್ಬರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ