ಬೆಕ್ಕು ಎಂದುಕೊಂಡು ಕಪ್ಪುಚಿರತೆಯನ್ನು ಸಾಕಿದ ಯುವತಿ; ವಿಡಿಯೋ ವೈರಲ್
ಬ್ಲಾಕ್ ಪ್ಯಾಂಥರ್ ಅನ್ನು ರಕ್ಷಿಸಿ, ಬೆಕ್ಕೆಂದುಕೊಂಡು ಸಾಕಿದ ಆ ಯುವತಿಯ ಕಾರ್ಯ ಸಾಮಾಜಿಕ ಮಾಧ್ಯಮದ ಗಮನವನ್ನು ಸೆಳೆದಿದೆ. ಕಪ್ಪು ಚಿರತೆ ಮರಿಯೊಂದಿಗೆ ಆಕೆ ಆಟವಾಡುತ್ತಿರುವ ಘಟನೆಯ ವೀಡಿಯೊ ವೈರಲ್ ಆಗಿದೆ.
ಪ್ರಾಣಿಪ್ರಿಯಳಾಗಿದ್ದ ರಷ್ಯಾದ ಯುವತಿಯೊಬ್ಬಳು ತನಗೆ ಕಪ್ಪು ಬೆಕ್ಕಿನ ಮರಿ ಬೇಕೆಂದು ರಸ್ತೆಬದಿಯಲ್ಲಿದ್ದ ಕಪ್ಪನೆಯ ಬೆಕ್ಕಿನ ಮರಿಯನ್ನು ಮನೆಗೆ ತಂದಿದ್ದಳು. ಮಗುವಿನಂತೆ ಪ್ರೀತಿಯಿಂದ ಆ ಮರಿಯನ್ನು ಸಾಕುತ್ತಿದ್ದಳು. ನೋಡಲು ದಷ್ಟಪುಷ್ಟವಾಗಿದ್ದ ಆ ಮರಿಯನ್ನು ಆಕೆ ಪರ್ಷಿಯನ್ ಕ್ಯಾಟ್ ಎಂದು ಭಾವಿಸಿಕೊಂಡು, ಮನೆಯಲ್ಲಿಟ್ಟುಕೊಂಡು ಸಾಕುತ್ತಿದ್ದಳು. ಆದರೆ, ಆ ಮರಿ ದೊಡ್ಡದಾದ ನಂತರ ಅದು ಬೆಕ್ಕಿನ ಮರಿಯಲ್ಲ, ಕಪ್ಪು ಚಿರತೆ ಮರಿ ಎಂಬುದು ಗೊತ್ತಾಗಿದೆ!
ಬ್ಲಾಕ್ ಪ್ಯಾಂಥರ್ ಅನ್ನು ರಕ್ಷಿಸಿ, ಬೆಕ್ಕೆಂದುಕೊಂಡು ಸಾಕಿದ ಆ ಯುವತಿಯ ಕಾರ್ಯ ಸಾಮಾಜಿಕ ಮಾಧ್ಯಮದ ಗಮನವನ್ನು ಸೆಳೆದಿದೆ. ಕಪ್ಪು ಚಿರತೆ ಮರಿಯೊಂದಿಗೆ ಆಕೆ ಆಟವಾಡುತ್ತಿರುವ ಘಟನೆಯ ವೀಡಿಯೊ ವೈರಲ್ ಆಗಿದೆ.
ಇದನ್ನೂ ಓದಿ: Viral News: ಹಾಸ್ಟೆಲ್‌ನ ಆಹಾರದಲ್ಲಿ ಸತ್ತ ಕಪ್ಪೆ ಪತ್ತೆ; ಪೋಸ್ಟ್ ವೈರಲ್
ಆ ಯುವತಿ ಬ್ಲಾಕ್ ಪ್ಯಾಂಥರ್ ಅನ್ನು ಎತ್ತಿಕೊಂಡು ಅದನ್ನು ನೋಡಿಕೊಳ್ಳಲು ಮನೆಗೆ ತೆಗೆದುಕೊಂಡು ಹೋಗುವುದನ್ನು ವಿಡಿಯೋದಲ್ಲಿ ನೋಡಬಹುದು. ಆ ಪ್ರಾಣಿ ಬೆಳೆಯುತ್ತಿದ್ದಂತೆ ಅದು ಕಪ್ಪು ಪ್ಯಾಂಥರ್ ಎಂದು ಆಕೆಗೆ ಗೊತ್ತಾಗುತ್ತದೆ. ಆದರೂ ಅವರಿಬ್ಬರ ನಡುವಿನ ಬಾಂಧವ್ಯ ಮಾತ್ರ ಹಾಗೇ ಇರುತ್ತದೆ.
ಇನ್ಸ್ಟಾಗ್ರಾಂನಲ್ಲಿ ಈ ವಿಡಿಯೋ ವೈರಲ್ ಆಗಿದೆ. ಈ ಪೋಸ್ಟ್ ಅನ್ನು ಸೆಪ್ಟೆಂಬರ್ 21ರಂದು ಹಂಚಿಕೊಳ್ಳಲಾಗಿದೆ. ಆಗಿನಿಂದ ಇದು 9.1 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ. ಹಲವರು ಈ ವಿಡಿಯೋಗೆ ಮೆಚ್ಚುಗೆ ಸೂಚಿಸಿದ್ದರೆ ಇನ್ನು ಕೆಲವರು ವಿಡಿಯೋ ನೋಡಿ ಬೆಚ್ಚಿ ಬಿದ್ದಿದ್ದಾರೆ.