Viral Video : ರಣವೀರ್ ಸಿಂಗ್ ಅಭಿನಯದ​ ‘ರಾಮ್​ಜೀ ಕೀ ಚಾಲ್​’ ಹಾಡಿಗೆ ದಕ್ಷಿಣ ಕೊರಿಯಾದ ಹೈಕಳ ಹೆಜ್ಜೆ

Viral Video : ದಕ್ಷಿಣ ಕೊರಿಯಾದ ಯುವಕಯುವತಿಯರು ರಣವೀರ್ ಸಿಂಗ್ ಅವರ ‘ರಾಮಜೀಕೀ ಚಾಲ್​’ ಸಿನೆಮಾದ ಹಾಡಿಗೆ ನೃತ್ಯ ಮಾಡಿದ ವಿಡಿಯೋ ವೈರಲ್ ಆಗಿದೆ. ಇತ್ತೀಚೆಗೆ ಐಎಫ್‌ಎಸ್‌ಸಿಯಲ್ಲಿ ಚುಸೋಕ್ ಹಬ್ಬದ ಹಿನ್ನೆಲೆಯಲ್ಲಿ (Korean thanks giving festival) ಆಯೋಜಿಸಲಾದ ಕಾರ್ಯಕ್ರಮದಲ್ಲಿ ಬಾಲಿವುಡ್ ಹಾಡುಗಳಿಗೆ ನಡೆಸುತ್ತಿರುವ ರಿಹರ್ಸಲ್​ನ ವಿಡಿಯೋ ಇದಾಗಿದೆ. ಬಾಲಿವುಡ್ ಸಿನೆಮಾಗಳಿಗೆ ಮರುಳಾಗದವರು ಯಾರಿದ್ದಾರೆ? ಆಗಾಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುವ ವಿದೇಶಿಗರ ಡ್ಯಾನ್ಸ್​ ವಿಡಿಯೋಗಳೇ ಇದಕ್ಕೆ ಸಾಕ್ಷಿ. ಹಾಗೆಯೇ ಭಾರತೀಯರೂ ಕೆ-ಪಾಪ್​ ಜಗತ್ತನ್ನು ಪ್ರೀತಿಸುತ್ತಾರೆ ಎನ್ನುವುದಕ್ಕೆ ನಮ್ಮಲ್ಲಿ ಸಾಕಷ್ಟು ಪುರಾವೆಗಳಿವೆ. ಆನ್​ಲೈನ್​ ಹೊಕ್ಕರೆ ಮಿಲಿಯನ್​ಗಟ್ಟಲೆ ವಿಡಿಯೋಗಳನ್ನು ಕಾಣಬಹುದು. ಇತ್ತೀಚೆಗೆ ಇದಕ್ಕೆ ಸಾಕ್ಷಿಗಳೆಂದರೆ ಬಿಟಿಎಸ್ ಮತ್ತು ಬ್ಲ್ಯಾಕ್‌ಪಿಂಕ್‌ನಂತಹ ವಿಡಿಯೋಗಳು. ಹೀಗೆ ಪಾಶ್ಚಾತ್ಯವಾಗಲಿ, ದೇಸೀ ಸಂಗೀತವಾಗಲಿ ಪರಸ್ಪರರ ಪ್ರಭಾವದಿಂದ ಜಗತ್ತನ್ನು ಸೆಳೆಯುತ್ತಿರುತ್ತದೆ. ಒಟ್ಟಾರೆ ಸಂಗೀತ, ನೃತ್ಯ ಎಲ್ಲರಿಗೂ ಬೇಕು.

2013ರಲ್ಲಿ ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ ಅಭಿನಯಿಸಿದ ಗೋಲಿಯೋನ್ ಕೀ ರಾಸ್​ಲೀಲಾ ಸಿನೆಮಾದ ನಾಗದಾ ಸಾಂಗ್ ಧೋಲ್ ಹಾಡಿಗೆ ಗಾಘ್ರಾ-ಚೋಲಿಗಳನ್ನು ಧರಿಸಿದ ದಕ್ಷಿಣ ಕೋರಿಯಾದ ಯುವಕ-ಯುವತಿಯರು ಅದ್ಭುತವಾಗಿ ನೃತ್ಯ ಪ್ರದರ್ಶಿಸಿದರು. ತದನಂತರ ಧೋತಿ ಕುರ್ತಾ ಧರಿಸಿದ ಯುವಕರು ರಾಮ್​ಜೀಕೀ ಚಾಲ್​ ಸಿನನೆಮಾದ ಹಾಡಿಗೆ ಹುಚ್ಚೆದ್ದು ಕುಣಿದರು. ಈ ವಿಡಿಯೋ ಅನ್ನು ‘ಲಕ್ನೋವಿ ನವಾಬ್ ಇನ್​ ಕೋರಿಯಾ’ ಇನ್​ಸ್ಟಾಗ್ರಾಂ ಪುಟವು ಹಂಚಿಕೊಂಡಿದೆ. ಈ ವಿಡಿಯೋ 1.6 ಮಿಲಿಯನ್ ವೀಕ್ಷಣೆಗಳನ್ನು ಪಡೆದಿದೆ. 1,97,000 ಕ್ಕಿಂತಲೂ ಹೆಚ್ಚು ಜನರು ಈ ವಿಡಿಯೋ ಮೆಚ್ಚಿದ್ಧಾರೆ.

ಕೊರಿಯನ್ನರು ಪ್ರದರ್ಶಿಸಿದ ಈ ಅದ್ಭುತ ನೃತ್ಯಕ್ಕೆ ನೆಟ್ಟಿಗರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಎಂಥಾ ಚೆಂದ ನೃತ್ಯ ಮಾಡಿದ್ದಾರೆ ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ. ಕೊರಿಯನ್ನರ ಶರತ್ಕಾಲದ ಈ ಸುಗ್ಗಿಯ ಹಬ್ಬಕ್ಕೆ ಈ ನೃತ್ಯ ಅತ್ಯಂತ ಮುದ ನೀಡಿದೆ ಎಂದು ಮತ್ತೊಬ್ಬರು ಹರ್ಷ ವ್ಯಕ್ತಪಡಿಸಿದ್ದಾರೆ.

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ