Viral Video: ಚಿಲ್ಲಿ ರೋಲ್ ಐಸ್ಕ್ರೀಂ; ಇವನಿಗೆ ಯಾವ ಅವಾರ್ಡ್​ ಕೊಡಬೇಕು ಎನ್ನುತ್ತಿರುವ ನೆಟ್ಟಿಗರು

Ice Cream: ಐಸ್ಕ್ರೀಮ್​ ಎಂದಾಗ ಅದು ಸಿಹಿಯೇ ಆಗಿರಬೇಕಲ್ಲ. ಆದರೆ ಖಾರವಾದರೆ ಹೇಗಿರುತ್ತೆ? ಅಂದರೆ ಖಾರವಾಗಿರಬೇಕೆಂದರೆ ಮೆಣಸಿನಕಾಯಿ ಹಾಕಬೇಕು. ಅದು ಹೇಗೆ ಮೆಣಸಿನಕಾಯಿ ಹಾಕಿ ಐಸ್ಕ್ರೀಮ್ ಮಾಡುವುದು? ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿದರೆ ನಿಮಗೆ ಅರ್ಥವಾಗುತ್ತದೆ. ಹಸಿಮೆಣಸಿನಕಾಯಿ ಹಾಕಿ ಐಸ್ಕ್ರೀಮ್​ ಹೇಗೆ ತಯಾರಿಸುತ್ತಾರೆ ಎನ್ನುವುದು ಈ ವಿಡಿಯೋದಲ್ಲಿದೆ. ಇದಕ್ಕೆ ಚಿಲ್ಲಿ ರೋಲ್​ ಐಸ್​​ಕ್ರೀಮ್​ ಎಂಬ ಹೆಸರು ಬೇರೆ! ನೆಟ್ಟಿಗರು ಇದನ್ನು ನೋಡಿ ಅಬ್ಬಬ್ಬಾ ಖಾರ! ಎಂದು ಉಸುಗುಡುತ್ತಿದ್ದಾರೆ.

ಇದನ್ನೂ ಓದಿ : Viral Video: ಅಲೋಪೇಸಿಯಾನೇ ಆಶೀರ್ವಾದ: ‘ಬಾಲ್ಡ್ ಈಸ್​ ಬ್ಯೂಟಿಫುಲ್​’; ನೀಹಾರ್​ ಸಚದೇವ್ ​

ಇನ್‌ಸ್ಟಾಗ್ರಾಮ್ ‘ಸೂರತ್ ಫುಡ್ ಬ್ಲಾಗರ್’ ಎಂಬ ಪುಟದಲ್ಲಿ ಇದನ್ನು ಪೋಸ್ಟ್ ಮಾಡಲಾಗಿದೆ. ಸೂರತ್‌ನ ಅಹಮದಾಬಾದ್‌ನಲ್ಲಿರುವ ಅಂಗಡಿಯೊಂದರಲ್ಲಿ ‘ಚಿಲ್ಲಿ ರೋಲ್ ಐಸ್‌ಕ್ರೀಂ’ ತಯಾರಿಸುತ್ತಿರುವ ವಿಡಿಯೋ ಇದಾಗಿದೆ. ಮೆಣಸಿನಕಾಯಿ ತುಂಡುಗಳ ಮೇಲೆ ಕ್ರೀಮ್​ ಸುರಿದು ನಂತರ ಐಸ್ಕ್ರೀಮ್​ ರೋಲ್​​ಗಳನ್ನಾಗಿ ತಯಾರಿಸಲಾಗುತ್ತದೆ.

ಚಿಲ್ಲಿ ರೋಲ್​ ಐಸ್ಕ್ರೀಮ್​

ಆಗಸ್ಟ್ 11 ರಂದು ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಈತನ 1.8 ಮಿಲಿಯನ್ ಜನರು ನೋಡಿದ್ದಾರೆ. ಇನ್​ಸ್ಟಾಗ್ರಾಂ ಅನ್​ಲೈಕ್​ ಬಟನ್​ ಅನ್ನು ಕೂಡ ಕೊಡಬೇಕು ಎಂದಿದ್ದಾರೆ ಹಲವಾರು ಜನ. ಐಸ್ಕ್ರೀಮ್​ ತಿನ್ನುವುದು ಥಣ್ಣಗಾಗಲು ಆದರೆ ಈ ಐಸ್ಕ್ರೀಮ್ ತಿಂದರೆ ಏನಾಗಬೇಡ? ಎಂದಿದ್ದಾರೆ ಒಬ್ಬರು. ಹಣ ವ್ಯರ್ಥ ಎಂದಿದ್ದಾರೆ ಇನ್ನೊಬ್ಬರು. ನಾನಂತೂ ಈ ವಿಡಿಯೋ ಮತ್ತೆ ನೋಡುವುದಿಲ್ಲ ಎಂದಿದ್ದಾರೆ ಮತ್ತೊಬ್ಬರು.

ಇದನ್ನೂ ಓದಿ : Viral Video: ಶೀಲಾ ಕೀ ಜವಾನೀ; ಕತ್ರೀನಾಳಂತೆ ಉಡುಗೆ ಧರಿಸಿ ಡ್ಯಾನ್ಸ್ ಮಾಡಿದ ಕನಿಷ್ಕಾ ಶರ್ಮಾ

ಐಸ್ಕ್ರೀಮ್​ ಚಟಕ್ಕೆ ಬಿದ್ದವರಿಗೆ ಇದನ್ನು ಒಮ್ಮೆ ತಿನ್ನಿಸಿದರೆ ಸಾಕು! ಎಂದಿದ್ದಾರೆ ಒಬ್ಬರು. ಈ ಫುಡ್​ ವ್ಲಾಗರ್​ಗಳಿಗೆ ಬುದ್ಧಿ ಇಲ್ಲ ಎಂದಿದ್ದಾರೆ ಮತ್ತೊಬ್ಬರು. ಇದನ್ನು ವ್ಲಾಗ್ ಮಾಡಲಷ್ಟೇ ಮಾಡಿರಬೇಕು, ಯಾರಾದರೂ ತಿನ್ನುತ್ತಾರೆಯೇ? ಎಂದು ಕೇಳಿದ್ಧಾರೆ ಮಗದೊಬ್ಬರು. ಮಕ್ಕಳೇನಾದರೂ ಪಿಸ್ತಾ ಐಸ್ಕ್ರೀಮ್​ ಎಂದು ತಿಂದರೆ ಅಷ್ಟೇ, ಜನ್ಮದಲ್ಲಿ ಅವು ಐಸ್ಕ್ರೀಮ್ ಮುಟ್ಟಲ್ಲ ಎಂದಿದ್ದಾರೆ ಇನ್ನೊಬ್ಬರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​​ಗಾಗಿ ಕ್ಲಿಕ್ ಮಾಡಿ