100 ಅಡಿ ಎತ್ತರದಿಂದ ಪ್ಯಾರಾಚೂಟ್​ನಿಂದ ಸಮುದ್ರಕ್ಕೆ ಬಿದ್ದ ಮಹಿಳೆಯರು : ವೀಡಿಯೋ ವೈರಲ್​

ಪ್ರವಾಸಕ್ಕೆ ತೆರಳಿದ ವೇಳೆ ಸಾಹಸ ಕ್ರೀಡೆಗಳಲ್ಲಿ ಭಾಗವಹಿಸುವುದು ಸಾಮಾನ್ಯ, ಆದರೆ ಅದರ ಬಗ್ಗೆ ಜಾಗೃತೆ ವಹಸುವುದು ಕೂಡ ಅಷ್ಟೆ ಮುಖ್ಯ. ಪ್ಯಾರಾಸೈಲಿಂಗ್​ ಅಥವಾ ಪ್ಯಾರಾಚೂಟ್​ ಒಂದು ಉತ್ತಮ ಅನುಭವ ನೀಡುವ ಕ್ರೀಡೆ. ಆದರೆ ಈ ರೀತಿಯ ಸಾಹಸಗಳು ಕೆಲವೊಮ್ಮ ಜೀವಕ್ಕೇ ಅಪಾಯ ತಂದೊಡ್ಡಬಹದು. ಮುಂಬೈ ನಲ್ಲಿ ಪ್ಯಾರಾಸೈಲಿಂಗ್​ ಅಪಘಾತದ ದೃಶ್ಯವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ವೀಡಿಯೋದಲ್ಲಿ ಇಬ್ಬರು ಮಹಿಳೆಯರು ಲೈಫ್​ ಜಾಕೆಟ್​ ಧರಿಸಿಕೊಂಡು ಸಮುದ್ರ ಮಧ್ಯೆ ಪ್ಯಾರಾಸೈಲಿಂಗ್​ ಮಾಡುತ್ತಿದ್ದರು. ಆದರೆ ಈ ವೇಳೆ ಹಗ್ಗ ತುಂಡಾಗಿ 100 ಅಡಿ ಎತ್ತರದಿಂದ ಇಬ್ಬರೂ ಮಹಿಳೆಯರು ಸಮುದ್ರಕ್ಕೆ ಬೀಳುತ್ತಾರೆ. ಅದೃಷ್ಟವಶಾತ್​ ಲೈಫ್​ ಜಾಕೆಟ್​ ನಿಂದ ಮಹಿಳೆಯರಿಬ್ಬರೂ ಸಮುದ್ರದ ನೀರಿನಲ್ಲಿ ಮುಳುಗಲಿಲ್ಲ. ತಕ್ಷಣವೇ ರಕ್ಷಣಾ ಸಿಬ್ಬಂದಿ ಸಮುದ್ರಕ್ಕೆ ಜಿಗಿದು ಮಹಿಳೆಯರನ್ನು ರಕ್ಷಿಸಿದ್ದಾರೆ. ಸದ್ಯ ಪ್ಯಾರಾಚೂಟ್​ ಹಗ್ಗ ತುಂಡಾಗಿ ಬೀಳುವ ದೃಶ್ಯ ಮೊಬೈಲ್​ನಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. 

ಪ್ಯಾರಾಸೈಲಿಂಗ್​ ನಿಂದಾದ ಅನಾಹುತಗಳು ಇದೇ ಮೊದಲೇನಲ್ಲ. ಈ ಹಿಂದೆಯೂ ಸಾಕಷ್ಟು ಬಾರಿ ಹಗ್ಗ ತುಂಡಾಗಿ ಉತ್ಸಾಹದಿಂದ ಬಂದ ಪ್ರವಾಸಿಗರು ಅನಾಹುತಕ್ಕೆ ಸಿಲುಕಿದ ಉದಾಹರಣೆಗಳು ಸಾಕಷ್ಟಿವೆ. ಆದರೂ ಈ ರೀತಿಯ ಸಾಹಸ ಕ್ರೀಡೆಗಳ ನಿರ್ವಾಹಕರು ಹೆಚ್ಚಿನ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳುತ್ತಿಲ್ಲ ಎನ್ನುವ ಆರೋಪ ಜೋರಾಗಿಯೇ ಕೇಳಿಬರುತ್ತದೆ. ಲೈಫ್​ ಜೆಟ್​ ಸೇರಿದಂತೆ ಹಲವು ಮುಂಜಾಗ್ರತ ಕ್ರಮಗಳನ್ನು ತೆಗೆದುಕೊಳ್ಳಲು ಸಲಹೆ ನೀಡಲಾಗಿದೆ. ಆದರೂ ಅನಾಹುತಗಳ ಸಂಖ್ಯೆ ಏರುತ್ತಲೇ ಇದೆ . ಈ ನಡುವೆ ಸರ್ಕಾರ ಜಲ ಕ್ರೀಡೆ ಸೇರಿದಂತೆ ಪ್ಯಾರಾಸೈಲಿಂಗ್​ನಂತಹ ಸಾಹಸ ಕ್ರೀಡಗಳಲ್ಲಿ ಹೆಚ್ಚಿನ ಕ್ರಮಗಳನ್ನು ಅನುಸರಿಸಬೇಕು ಎನ್ನುವ ವಿಧೇಯಕ  ಮಂಡನೆಗೆ ತಯಾರಿ ನಡೆಸಿದೆ. ಕಾಯಿದೆಯ ಉಲ್ಲಂಘನೆಯಾದರೆ ಭಾರೀ ಪ್ರಮಾಣದಲ್ಲಿ ದಂಡ ವಿಧಿಸುವುದಾಗಿಯೂ ಸರ್ಕಾರ ನಿಯಮ ಜಾರಿಗೆ ತರಲಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ:

Smriti Irani: ನಿಮ್ಮ ಅಮ್ಮನೂ ಹೀಗೇ ಮಾಡ್ತಿದ್ರ?; ತಾಯಿ ಕಳಿಸಿದ ಪೋಸ್ಟ್ ಶೇರ್ ಮಾಡಿದ ಸಚಿವೆ ಸ್ಮೃತಿ ಇರಾನಿ