ಕಾಂಬೋಡಿಯಾದ ಮೀನುಗಾರರ ಬಲೆಗೆ ಬಿದ್ದ ವಿಶ್ವದ ಅತ್ಯಂತ ದೊಡ್ಡ ಮೀನು, ಫೋಟೋ ವೈರಲ್​​

ಕಾಂಬೋಡಿಯಾದ (Cambodia) ಮೆಕಾಂಗ್ ನದಿ (Mekong River) ತೀರದಲ್ಲಿ ವಾಸಿಸುವ ಮೀನುಗಾರರು (Fishermen) ವಿಶ್ವದ ಅತಿದೊಡ್ಡ ಮೀನೊಂದನ್ನು (Fish) ಹಿಡಿದಿದ್ದಾರೆ. ಈ ಮೀನಿನ ತೂಕ ಬರೋಬ್ಬರಿ 300 ಕೆಜಿ ಇದೆ. ಈ ಮೀನನ್ನು ದಡಕ್ಕೆ ಎಳೆದು ತರಲು ಹೆನ್ನೆರಡು ಮಂದಿ ಹರಸಾಹಸ ಪಟ್ಟಿದ್ದಾರೆ. ಈ ಸಂಬಂಧ ಪ್ರತಿಕ್ರಿಯಿಸಿರುವ ಸಂಶೋಧಕರೊಬ್ಬರು ಸಿಹಿನೀರಿನ ಅತ್ಯಂತ ದೊಡ್ಡ ಮೀನು ಇದು ಎಂದು ಹೇಳಿದ್ದಾರೆ. ಗೋಳಾಕರದ ಈ ಮೀನು ನಾಲ್ಕು ಮೀಟರ್ (13-ಅಡಿ) ಉದ್ದ ಇದೆ ಎಂದು ಹೇಳಿದ್ದಾರೆ. ವಿಜ್ಞಾನಿಗಳು ಇದರ ಚಲನವಲನ ಮತ್ತು ನಡವಳಿಕೆಯನ್ನು ಅಧ್ಯಯನ ಮಾಡಿದ ನಂತರ ನದಿಗೆ ಬಿಟ್ಟಿದ್ದಾರೆ.

ಇದನ್ನು ಓದಿ: ಚಲನಚಿತ್ರ ನೋಡಿ 10ನೇ ತರಗತಿ ಪರೀಕ್ಷೆ ಬರೆದು ಪಾಸಾದ ಕೈದಿಗಳು

ಈ ಕುರಿತು ಮಾತನಾಡಿದ ನ್ಯಾಷನಲ್ ಜಿಯಾಗ್ರಫಿಕ್ ಚಾನೆಲ್‌ನಲ್ಲಿನ “ಮಾನ್ಸ್ಟರ್ ಫಿಶ್” ಕಾರ್ಯಕ್ರಮದ ಮಾಜಿ ನಿರೂಪಕ ಮತ್ತು ಜೀವಶಾಸ್ತ್ರಜ್ಞ ಝೆಬ್ ಹೊಗನ್  ಇದು ತುಂಬಾ ರೋಮಾಂಚಕ ಸುದ್ದಿಯಾಗಿದೆ.  ಏಕೆಂದರೆ ಇದು ವಿಶ್ವದ ಅತಿದೊಡ್ಡ ಮೀನು. ಈ ಮೀನು ಇಷ್ಟು ದೊಡ್ಡದಾಗಿದ್ದರೂ ಇನ್ನೂ ಆರೋಗ್ಯಕರವಾಗಿದೆ. ಈ ನದಿಯಲ್ಲಿ ಇಂತಹ ಬೃಹತ್ ಮೀನುಗಳು ವಾಸಿಸುತ್ತಿರಬಹುದು ಎಂದು ಹೇಳಿದ್ದಾರೆ.

ಟ್ರೆಂಡಿಂಗ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ    ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ