DK Shivakumar DA Case; ಮರ್ಯಾದೆಗೆಟ್ಟವರಿಗೆ, ದುರಹಂಕಾರಿಗಳಿಗೆ ನ್ಯಾಯಾಲಯಗಳ ಬಗ್ಗೆ ಗೌರವ ಇರಲ್ಲ: ಹೆಚ್ ಡಿ ಕುಮಾರಸ್ವಾಮಿ

ಬೆಂಗಳೂರು: ವಿರೋಧ ಪಕ್ಷಗಳ ನಾಯಕರು ಡಿಕೆ ಶಿವಕುಮಾರ್ (DK Shivakumar) ಅಕ್ರಮ ಆಸ್ತಿ ಗಳಿಕೆ ಪ್ರಕರಣಲ್ಲಿ ಸಿಬಿಐ ತನಿಖೆಯನ್ನು ಸಿದ್ದರಾಮಯ್ಯ ಸರ್ಕಾರ (Siddaramaiah government) ಹಿಂಪಡೆದಿರುವುದನ್ನು ತೀವ್ರವಾಗಿ ಟೀಕಿಸುತ್ತಿವೆ. ನಗರದಲ್ಲಿಂದು ಅವರಸದಲ್ಲಿ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತಾಡಿದ ಜೆಡಿಎಸ್ ರಾಜ್ಯಾಧ್ಯಕ್ಷ ಹೆಚ್ ಡಿ ಕುಮಾರಸ್ವಾಮಿ (HD Kumaraswamy) ಪ್ರಕರಣ ನ್ಯಾಯಾಲಯಲ್ಲಿರುವುದರಿಂದ ಮಾತಾಡುವುದು ಉಚಿತವಲ್ಲ ಎಂದು ಹೇಳಿದರು. ಅಲ್ಲಾ ಸರ್, ಸರ್ಕಾರದ ನಿರ್ಧಾರದ ಬಗ್ಗೆ ಹೇಳಿ, ಇಂಥ ನಿರ್ಧಾರವನ್ನು ತೆಗೆದುಕೊಳ್ಳಬಹುದಾ? ಅಂತ ಕೇಳಿದರೆ, ಈ ಸರ್ಕಾರ ಇರೋದೇ ದರೋಡೆಕೋರರು ಮತ್ತು ಲೂಟಿಕೋರರನ್ನು ರಕ್ಷಣೆ ಮಾಡೋದಿಕ್ಕೆ ಎಂದು ಪೇಪರ್ ಗಳಿಗೆ ಸಹಿ ಹಾಕುತ್ತಾ ಕುಮಾರಸ್ವಾಮಿ ಹೇಳಿದರು. ಪ್ರಕರಣ ನ್ಯಾಯಾಲಯದಲ್ಲಿರುವಾಗ ಸರ್ಕಾರ ತನಿಖೆ ಆದೇಶ ಹಿಂಪಡೆವುದು ಸಾಧ್ಯವೇ ಅಂತ ಕೇಳಿದರೆ ಮರ್ಯಾದೆ ಇಲ್ಲದವರಿಗೆ ಮತ್ತು ದುರಹಂಕಾರಿಗಳಿಗೆ ನ್ಯಾಯಾಲಯಗಳ ಬಗ್ಗೆ ಗೌರವ ಹೇಗೆ ಇರಲು ಸಾಧ್ಯ ಅಂತ ಹೇಳಿದ ಕುಮಾರಸ್ವಾಮಿ, ಇದರ ಬಗ್ಗೆ ಮತ್ತೊಮ್ಮೆ ವಿವರವಾಗಿ ಮಾತಾಡುತ್ತೇನೆ ಅಂದರು.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ