‘ಪ್ರತಾಪ್ಗೆ ಹೀಗಾಯ್ತು ಎಂಬ ಸುದ್ದಿ ಕೇಳಿ ಬೇಸರ ಆಯ್ತು’; ರಕ್ಷಕ್ ಮೊದಲ ಪ್ರತಿಕ್ರಿಯೆ
Updated on: Jan 04, 2024 | 7:25 PM
ಬಿಗ್ ಬಾಸ್ ಮನೆಯಿಂದ ಕೆಲವು ಕಹಿ ಸುದ್ದಿಗಳು ಕೇಳಿಬರುತ್ತಿವೆ. ಡ್ರೋನ್ ಪ್ರತಾಪ್ ಅವರ ಆರೋಗ್ಯ ಕೈ ಕೊಟ್ಟಿದೆ. ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ. ಈ ಘಟನೆಯ ಬಗ್ಗೆ ಮಾಜಿ ಸ್ಪರ್ಧಿ ರಕ್ಷಕ್ ಅವರು ಮೊದಲ ಬಾರಿಗೆ ಪ್ರತಿಕ್ರಿಯೆ ನೀಡಿದ್ದಾರೆ.
‘ಬಿಗ್ ಬಾಸ್ ಕನ್ನಡ ಸೀಸನ್ 10’ ಶೋನಲ್ಲಿ ರಕ್ಷಕ್ (Rakshak) ಸ್ಪರ್ಧಿಸಿದ್ದರು. ಬಳಿಕ ಅವರು ಎಲಿಮಿನೇಟ್ ಆಗಿ ಹೊರಬಂದರು. ಈಗ ಅವರು ಪ್ರತಿದಿನ ಬಿಗ್ ಬಾಸ್ (Bigg Boss Kannada) ಎಪಿಸೋಡ್ ನೋಡುತ್ತಿದ್ದಾರೆ. ಸದ್ಯ ದೊಡ್ಮನೆಯಿಂದ ಕೆಲವು ಕಹಿ ಸುದ್ದಿ ಕೇಳಿಬರುತ್ತಿವೆ. ಡ್ರೋನ್ ಪ್ರತಾಪ್ (Drone Prathap) ಅವರ ಆರೋಗ್ಯ ಕೈ ಕೊಟ್ಟಿದೆ. ಅದರ ಬಗ್ಗೆ ರಕ್ಷಕ್ ಅವರು ಮೊದಲ ಬಾರಿಗೆ ಪ್ರತಿಕ್ರಿಯೆ ನೀಡಿದ್ದಾರೆ. ‘ಬಿಗ್ ಬಾಸ್ ಬಗ್ಗೆ ವಿವಾದಗಳು ಕೇಳಿಬಂದಾಗ ಮನಸ್ಸಿಗೆ ಬೇಸರ ಆಗುತ್ತದೆ. ಬಿಗ್ ಬಾಸ್ನಲ್ಲಿ ಒಂದು ಕುಟುಂಬ ಇದ್ದಂಗೆ ಇರುತ್ತದೆ. ಅಲ್ಲಿ ಯಾರಿಗೆ ತೊಂದರೆ ಆದರೂ ಕೂಡ ನಮ್ಮ ಫ್ಯಾಮಿಲಿಗೆ ತೊಂದರೆ ಆದಂತೆ. ಇತ್ತೀಚೆಗೆ ಸಂಗೀತಾ ಮತ್ತು ಪ್ರತಾಪ್ ಅವರ ಕಣ್ಣಿಗೆ ಏಟಾಗಿತ್ತು. ಈಗ ಪ್ರತಾಪ್ ಅವರಿಗೆ ತೊಂದರೆ ಆಗಿದ್ದು, ಆಸ್ಪತ್ರೆಗೆ ದಾಖಲಿಸಿದ್ದಾರೆ ಎಂಬುದು ಗೊತ್ತಾಯಿತು. ಆ ಸುದ್ದಿ ಕೇಳಿ ತುಂಬ ಬೇಸರ ಆಯ್ತು’ ಎಂದು ರಕ್ಷಕ್ ಹೇಳಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
