ಬೆಂಗಳೂರು: ಆಟೋ ಡ್ರೈವರ್ ಮೇಲೆ ಬಸ್ ಹರಿಸಲು ಮುಂದಾದ ಬಿಎಂಟಿಸಿ ಚಾಲಕ, ವಿಡಿಯೋ ವೈರಲ್

ಬೆಂಗಳೂರು, ಜುಲೈ 18: ಬೆಂಗಳೂರು ನಗರದಲ್ಲಿ ಇತ್ತೀಚೆಗೆ ರೋಡ್​​ರೇಜ್ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ಆಟೋ ಚಾಲಕನೊಬ್ಬನ ಮೇಲೆಯೇ ಬಸ್ ಹರಿಸಲು ಬಿಎಂಟಿಸಿ ಚಾಲಕ ಮುಂದಾದ ಘಟನೆ ನಡೆದಿದೆ. ಅಶೋಕನಗರ ಸಂಚಾರಿ ಪೊಲೀಸ್ ಠಾಣಾ ವ್ಯಾಪ್ತಿಯ ಬ್ರಿಗೇಡ್ ರೋಡ್‌ ಬಳಿ‌ ಗುರುವಾರ ಮಧ್ಯಾಹ್ನ ಘಟನೆ ನಡೆದಿದೆ. ಆಟೋ‌ ಚಾಲಕ ಮತ್ತು ಬಿಎಂಟಿಸಿ ಬಸ್‌ ಚಾಲಕನ ನಡುವೆ ಗಲಾಟೆಯಾಗಿದೆ. ನಂತರ ಆಟೋ ಚಾಲಕ ಬಿಎಂಟಿಸಿ ಬಸ್‌ಗೆ ಅಡ್ಡಲಾಗಿ ನಿಂತಿದ್ದಾನೆ. ಈ ವೇಳೆ, ಆತನ ಮೇಲೆ ಬಸ್ ಹರಿಸಲು ಬಿಎಂಟಿಸಿ‌ ಚಾಲಕ ಮುಂದಾಗಿದ್ದಾನೆ. ಬಸ್ ಸುಮಾರು 30 ಮೀಟರ್‌ನಷ್ಟು ದೂರ ಆಟೋ ಚಾಲಕನನ್ನು ತಳ್ಳಿಕೊಂಡು ಹೋಗಿದೆ. ಬಸ್ ಹಾಗೂ ಆಟೋ ಚಾಲಕನ ಗಲಾಟೆ ದೃಶ್ಯ ಮೊಬೈಲ್‌ನಲ್ಲಿ ಸೆರೆಯಾಗಿದ್ದು, ಈಗ ವೈರಲ್ ಆಗುತ್ತಿದೆ.

ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ