ಬೆಂಗಳೂರು: ನಡುರಸ್ತೆಯಲ್ಲೇ ಗೂಳಿಗಳ ಕಾಳಗ, ವಾಹನ ಸವಾರರ ಪರದಾಟ

ಬೆಂಗಳೂರು, ಫೆಬ್ರವರಿ 27: ರಾಜಧಾನಿ ಬೆಂಗಳೂರಿನಲ್ಲಿ (Bengaluru) ಗೂಳಿಗಳ (Bull) ಕಾಳಗ ನಡೆದಿದೆ. ಬಿಟಿಎಂ ಸೆಕೆಂಡ್ ಸ್ಟೇಜ್ ಕುವೆಂಪುನಗರದಲ್ಲಿ (Kuvempu Nagar) ಗೂಳಿಗಳ ಕಾಳಗ ನಡೆದಿದ್ದು, ನಿವಾಸಿಗಳು ಹೈರಾಣಾಗಿದ್ದಾರೆ. ಗೂಳಿಗಳು ಕಳೆದು ಎರಡು ವರ್ಷಗಳಿಂದಲೂ ಕಾಟ ಕೊಡುತ್ತಿವೆ. ಈ ಬಗ್ಗೆ ಎಷ್ಟೇ ದೂರು ನೀಡಿದರೂ ಸಂಬಂಧಪಟ್ಟ ಅಧಿಕಾರಿಗಳು ಕ್ರಮ ಕೈಗೊಳ್ಳುತ್ತಿಲ್ಲ ಎಂದು ಸ್ಥಳೀಯರು ಆರೋಪ ಮಾಡಿದ್ದಾರೆ. ಇಂದು (ಫೆ.27) ಗೂಳಿಗಳು ರಸ್ತೆ ಮಧ್ಯೆದಲ್ಲಿ ಕಾಳಗ ನಡೆಸಿದವು. ಇದರಿಂದ ವಾಹನ ಸವಾರರಿಗೆ ತೊಂದರೆಯಾಯಿತು. ನಡು ರಸ್ತೆಯಲ್ಲಿ ಗೂಳಿಗಳ ಕಾಳಗದಿಂದ ಸಂಚಾರ ದಟ್ಟಣೆ ಉಂಟಾಯಿತು.