ಅಮೆರಿಕದಲ್ಲಿ ಕೂತು ಬಾಗಲಕೋಟೆ ಮನೆ ಕಳ್ಳತನ ತಪ್ಪಿಸಿದ ಶೃತಿ: ಆಗಿದ್ದೇನು?

ಬಾಗಲಕೋಟೆ, (ಆಗಸ್ಟ್ 27): ಅವರು ನಿವೃತ್ತ ಇಂಜಿನಿಯರ್ ,ಮನೆಯಲ್ಲಿ ಇಬ್ಬರು ವೃದ್ದ ದಂಪತಿ ಮಾತ್ರ ವಾಸವಾಗಿದ್ದಾರೆ. ಇದನ್ನೇ ಬಂಡವಾಳ‌ ಮಾಡಿಕೊಂಡ ಚಡ್ಡಿ ಕಳ್ಳರ ಗ್ಯಾಂಗ್ ಕಳ್ಳತನಕ್ಕೆ ಎಂದು ಮನೆಯೊಳಗೆ ನುಗ್ಗಿದೆ. ಆದರೆ ಇದನ್ನು ಗಮನಿಸಿದ್ದು ಅಮೇರಿಕದಲ್ಲಿ ನೆಲೆಸಿರುವ ನಿವೃತ್ತ ಇಂಜಿನಿಯರ್ ಮಗಳು ಶೃತಿ ಮೊಬೈಲ್​ ನಲ್ಲಿ ಗಮನಿಸಿದ್ದಾರೆ. ಮನೆ ಸಿಸಿ ಕ್ಯಾಮೆರಾ ಲಿಂಕ್ ಗಳು ತಮ್ಮ ಮೊಬೈಲ್‌ನಲ್ಲಿ ಅಳವಡಿಸಿಕೊಂಡಿದ್ದರಿಂದ ಕಳ್ಳರು ಮನೆಯೊಳಗೆ ನುಗ್ಗಿರುವುದು ಕಂಡುಬಂದಿದೆ. ಕೂಡಲೇ ಅವರು ಮನೆಯೊಳಗಿದ್ದ ತಮ್ಮ ತಂದೆಗೆ ಕರೆ ಮಾಡಿ ಅಲರ್ಟ್​ ಮಾಡಿದ್ದಾರೆ. ಆಗ ಎಚ್ಚೆತ್ತ ಹನುಮಂತಗೌಡ ಸಂಕಪ್ಪನವರ್ ಬಾಗಿಲು ತೆರೆದಾಗ ಚಡ್ಡಿ ಗ್ಯಾಂಗ್ ಅಲ್ಲಿಂದ ಎಸ್ಕೇಪ್ ಆಗಿದೆ. ತಂತ್ರಜ್ಞಾನ ಇಷ್ಟೊಂದು ಮುಂದುವರೆದಿದ್ದರಿಂದ ಮನೆ ದರೋಡೆಯೊಂದು ತಪ್ಪಿದಂತಾಗಿದೆ.