ಪಾರ್ಕಿಂಗ್​ನಲ್ಲಿ ಪಾರ್ಕ್ ಮಾಡಿದ್ದ ವಾಹನವನ್ನ ಎತ್ಕೊಂಡು ಹೋಗ್ತಾರೆ ಟೋಯಿಂಗ್ ಸಿಬ್ಬಂದಿ

ಪಾರ್ಕಿಂಗ್​ನಲ್ಲಿ ಪಾರ್ಕ್ ಮಾಡಿದ್ರೂ ನಿಮ್ಮ ವಾಹನ ಟೋ ಆಗುತ್ತೆ ಹುಷಾರ್! ಎಲೆಕ್ಟ್ರಾನಿಕ್ ಸಿಟಿ ನೀಲಾದ್ರಿ ರೋಡಿನಲ್ಲಿ ಟೊಯಿಂಗ್ ಸಿಬ್ಬಂದಿಯ ಅಂಧಾ ದರ್ಬಾರ್ ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ. ಹೈಪರ್ ಮಾರ್ಕೆಟ್​ನ ಪಾರ್ಕಿಂಗ್ ಸ್ಥಳದಲ್ಲಿ ಪಾರ್ಕ್ ಮಾಡಲಾಗಿದ್ದ ವಾಹನಗಳನ್ನ ಎಲೆಕ್ಟ್ರಾನಿಕ್ ಸಿಟಿ ‌ಸಂಚಾರಿ ಪೊಲೀಸ್ ಸ್ಟೇಷನ್ ಟೊಯಿಂಗ್ ಸಿಬ್ಬಂದಿ ಟೋ ಮಾಡಿಕೊಂಡು ಬಂದಿದ್ದಾರೆ. ಟೋಯಿಂಗ್ ಸಿಬ್ಬಂದಿಯ ಕ್ರಮ ಕಂಡು ವಾಹನ ಸವಾರರು ಕಂಗಾಲಾಗಿದ್ದಾರೆ.

ಹೈಪರ್ ಮಾರ್ಕೆಟ್​ನ ಪಾರ್ಕಿಂಗ್ ಸ್ಥಳದಲ್ಲಿ ಪಾರ್ಕ್ ಮಾಡಲಾಗಿದ್ದ ವಾಹನಗಳನ್ನು ಟೋಯಿಂಗ್ ಸಿಬ್ಬಂದಿ ಟೋ ಮಾಡಿದ್ದಾರೆ. ವಾಹನ ಮಾಲಿಕರಿಗೆ ಒಂದು ಬಾರಿಯೂ ಕೂಗದೇ ಏಕಾಏಕಿ ಟೋ ಮಾಡಲಾಗಿದೆ. ಟೋಯಿಂಗ್ ಸಿಬ್ಬಂದಿ ಜತೆ ತೆರಳಿದ್ದ ಟ್ರಾಫಿಕ್ ಎ ಎಸ್ ಐ ಮೆಮೋ‌ ನೀಡುತ್ತೇನೆಂದ ಇನ್ಸ್ಪೆಕ್ಟರ್ ವೆಂಕಟೇಶ್ ತಿಳಿಸಿದ್ದಾರೆ. ಪಾರ್ಕಿಂಗ್ ನಲ್ಲಿರುವ ವಾಹನಗಳನ್ನು ಎತ್ತದಂತೆ ಪ್ರತಿಬಾರಿಯೂ ನಾವು ಹೇಳುತ್ತೇವೆ. ಆದರೆ‌ ಇಂಥ ತಪ್ಪುಗಳು ಪದೇ ಪದೇ‌ ನಡೆಯೋದು ಸರಿಯಲ್ಲ. ಅಕ್ರಮವಾಗಿ ಟೋ ಮಾಡಿದ ಸಿಬ್ಬಂದಿಗೆ ಕೆಲಸದಿಂದ ವಜಾ ಮಾಡಿಸೋದಾಗಿ ತಿಳಿಸಿದ್ದಾರೆ.