ಧಾರವಾಡ ಕೃಷಿ ಮೇಳದಲ್ಲಿ ಎಲ್ಲರ ಗಮನ ಸೆಳೆದ ವಿವಿಧ ತಳಿಯ ಜಾನುವಾರು!
ಧಾರವಾಡ ಕೃಷಿ ಮೇಳದಲ್ಲಿ ಜಾನುವಾರು ಪ್ರದರ್ಶನವು ಪ್ರಮುಖ ಆಕರ್ಷಣೆಯಾಗಿತ್ತು. ರೈತರ ಜೀವನಾಡಿಯಾದ ದೇಶಿ ಮತ್ತು ವಿದೇಶಿ ತಳಿಗಳ ವೈವಿಧ್ಯಮಯ ಜಾನುವಾರುಗಳನ್ನು ಇಲ್ಲಿ ಪ್ರದರ್ಶಿಸಲಾಯಿತು. ಯಂತ್ರಗಳ ಬಳಕೆಯಿಂದ ಜಾನುವಾರುಗಳ ಸಂಖ್ಯೆ ಕಡಿಮೆಯಾಗುತ್ತಿದ್ದರೂ, ಸಾವಯವ ಕೃಷಿಗೆ ಮತ್ತು ಆದಾಯದ ಮೂಲವಾಗಿ ಅವುಗಳ ಮಹತ್ವವನ್ನು ಮೇಳ ಎತ್ತಿ ತೋರಿಸುತ್ತದೆ. ರೈತರಿಗೆ ಮಾಹಿತಿ ನೀಡಿ, ಜಾನುವಾರು ಸಾಕಾಣಿಕೆಗೆ ಪ್ರೋತ್ಸಾಹ ನೀಡಲಾಯಿತು.
ಧಾರವಾಡ, ಸೆಪ್ಟೆಂಬರ್ 28: ಪ್ರತಿವರ್ಷ ನಡೆಯುವ ಧಾರವಾಡ ಕೃಷಿ ಮೇಳದಲ್ಲಿ ಈ ಬಾರಿ ಜಾನುವಾರು ಪ್ರದರ್ಶನವು ಪ್ರಮುಖ ಆಕರ್ಷಣೆಯ ಕೇಂದ್ರವಾಗಿತ್ತು. ರಾಜ್ಯದ ನಾನಾ ಭಾಗಗಳಿಂದ ಆಗಮಿಸಿದ್ದ ರೈತರು ತಾವು ಪೋಷಿಸಿದ ವಿವಿಧ ತಳಿಯ ಜಾನುವಾರುಗಳನ್ನು ತಮ್ಮೊಡನೆ ಕರೆ ತಂದು ಮೆಳದಲ್ಲಿ ಪ್ರದರ್ಶಿಸಿದರು. ರೈತರ ಪಾಲಿಗೆ ಜೀವನಾಡಿಯಾಗಿರುವ ಎತ್ತು, ಕೋಣ, ಎಮ್ಮೆ, ಆಕಳುಗಳಂತಹ ದೇಶಿ ಹಾಗೂ ವಿದೇಶಿ ತಳಿಗಳೂ ಕಾಣಸಿಕ್ಕವು.
ಯಂತ್ರಗಳ ಬಳಕೆಯಿಂದಾಗಿ ಜಾನುವಾರುಗಳ ಸಂಖ್ಯೆ ಕಡಿಮೆಯಾಗುತ್ತಿರುವ ಇಂದಿನ ದಿನಮಾನಗಳಲ್ಲಿ, ಈ ಪ್ರದರ್ಶನವು ಅವುಗಳ ಮಹತ್ವವನ್ನು ಮತ್ತೆ ನೆನಪಿಸಿದೆ. ಜಾನುವಾರುಗಳು ಕೃಷಿ ಚಟುವಟಿಕೆಗಳಿಗೆ ಅನಿವಾರ್ಯವಾಗಿರುವುದು ಮಾತ್ರವಲ್ಲದೆ, ಅವುಗಳ ಸಗಣಿ ಸಾವಯವ ಕೃಷಿಗೆ ಅತ್ಯುತ್ತಮ ಗೊಬ್ಬರವಾಗಿಯೂ ಬಳಕೆಯಾಗುತ್ತವೆ. ರೈತರಿಗೆ ಆದಾಯದ ಮೂಲವಾಗಿರುವ ಈ ಜಾನುವಾರುಗಳ ಬಗ್ಗೆ ಸಮಗ್ರ ಮಾಹಿತಿಯನ್ನು ಪ್ರದರ್ಶನದಲ್ಲಿ ನೀಡಲಾಯಿತು. ಕೆಲವು ಬೃಹತ್ ಎತ್ತುಗಳು ಆನೆ ಮರಿಗಳಂತೆ ಕಾಣುತ್ತಿದ್ದವು, ಜನರ ಗಮನ ಸೆಳೆದು ಕುತೂಹಲ ಮೂಡಿಸಿದವು. ಈ ಪ್ರದರ್ಶನವು ಕೃಷಿ ಮೇಳದ ಯಶಸ್ಸಿಗೆ ಮತ್ತಷ್ಟು ಮೆರುಗು ನೀಡಿತು.
ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ