ಆನೇಕಲ್​ನ ಮಾಯಸಂದ್ರ ಕೆರೆಯಲ್ಲಿ ಬಲೆಗೆ ಬಿದ್ದ ವಿಚಿತ್ರ ಮೀನುಗಳು

ಆನೇಕಲ್, ಆ.27: ಬೆಂಗಳೂರು ಹೊರವಲಯದ ಆನೇಕಲ್ ತಾಲೂಕಿನ ಮಾಯಸಂದ್ರ ಕೆರೆಯಲ್ಲಿ ಅಪರೂಪದ ಮೀನುಗಳು ಬಲೆಗೆ ಬಿದ್ದಿವೆ. ವಿಚಿತ್ರ ರೀತಿಯ ಮೀನುಗಳನ್ನು ಕಂಡು ಮೀನುಗಾರ ಅಚ್ಚರಿ ವ್ಯಕ್ತಪಡಿಸಿದ್ದಾನೆ. ಭಾನುವಾರ ಹಿನ್ನೆಲೆ ಮೀನು ಹಿಡಿಯಲು ಇಂದು ಮಾಯಸಂದ್ರ ಕೆರೆಗೆ ಬಂದಿದ್ದಾರೆ. ಪ್ರತಿ ವಾರದಂತೆ ಈ ವಾರವು ಟೆಂಡರ್ ಪಡೆದವರು ಮೀನಿಗೆ ಬಲೆ ಹಾಕಿದ್ದಾರೆ. ಈ ವೇಳೆ ಅಪರೂಪದ ಮೀನುಗಳು ಪತ್ತೆಯಾಗಿವೆ. ಕಪ್ಪು-ಬಿಳಿ ಬಣ್ಣದ ಈ ಮೀನುಗಳಿಗೆ ರೆಕ್ಕೆ ಪುಕ್ಕಗಳಿವೆ. ದೇಹದ ಭಾಗ ಕಲ್ಲಿನಂತೆ ಗಟ್ಟಿಯಾಗಿದೆ. ಒಂದೂವರೆಯಿಂದ 2 ಕೆಜಿ ಗಾತ್ರವಿದೆ. ಬಲೆ ಹಾಕಿದಾಗ ನೂರಾರು ಮೀನುಗಳು ಬಲೆಗೆ ಬಿದ್ದಿವೆ. ಟೆಂಡರ್ ದಾರಾ ಮೀನುಗಳನ್ನು ಮಾರಾಟ ಮಾಡದೆ ಪ್ರತ್ಯೇಕವಾಗಿ ಇಟ್ಟಿದ್ದಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ