ವಿನಯ್ ರಾಜ್​ಕುಮಾರ್​ಗೆ ಸ್ಯಾಂಡಲ್​ವುಡ್ ಮಯೂರ ಎಂಬ ಬಿರುದು ನೀಡಿದ್ದಕ್ಕೆ ಕಾರಣ ತಿಳಿಸಿದ ವಿಜಯ್

ದುನಿಯಾ ವಿಜಯ್ ನಿರ್ದೇಶನದ ‘ಸಿಟಿ ಲೈಟ್ಸ್’ ಸಿನಿಮಾದಲ್ಲಿ ಮೆಜೆಸ್ಟಿಕ್ ಏರಿಯಾದ ಕರಾಳ ಕಥೆಯನ್ನು ತೋರಿಸಲಾಗಿದೆ. ಈ ಚಿತ್ರದಲ್ಲಿ ವಿನಯ್ ರಾಜ್​ಕುಮಾರ್, ಮೋನಿಷಾ ವಿಜಯ್ ಕುಮಾರ್ ಅವರು ಅಭಿನಯಿಸಿದ್ದಾರೆ. ವಿನಯ್ ಅವರು ಮಾಸ್ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದ ಮೂಲಕ ಅವರಿಗೆ ಸ್ಯಾಂಡಲ್​ವುಡ್ ಮಯೂರ ಎಂದು ಬಿರುದು ನೀಡಲಾಗಿದೆ. ಆ ಬಗ್ಗೆ ದುನಿಯಾ ವಿಜಯ್ ಅವರು ಮಾತನಾಡಿದ್ದಾರೆ. ‘ಕಷ್ಟದ ವಿರುದ್ಧ ಹೋರಾಡುವ ದಿಟ್ಟತನ ಈ ಪಾತ್ರದಲ್ಲಿದೆ. ಬೇರೆಯವರ ಮನೆಯ ಹೆಣ್ಮಕ್ಕಳ ಪರವಾಗಿ ಹೀರೋ ನಿಂತು ಹೋರಾಡುತ್ತಾನೆ. ಅಣ್ಣಾವ್ರು ಕೂಡ ಜನರ ಪರವಾಗಿ ನಿಂತು ಹೋರಾಡಿದವರು. ಈ ಚಿತ್ರದ ಕಥೆಯಲ್ಲಿ ಮಯೂರನ ರೀತಿ ನಿಂತುಕೊಳ್ಳುವ ವಿನಯ್ ಅವರಿಗೆ ಸ್ಯಾಂಡಲ್​ವುಡ್ ಮಯೂರ ಎಂಬ ಹೆಸರು ಇಟ್ಟಿದ್ದೇನೆ’ ಎಂದು ದುನಿಯಾ ವಿಜಯ್ ಅವರು ಹೇಳಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.