DK Shivakumar: ಹುಬ್ಬಳ್ಳಿ ತಲುಪಿದ ಡಿಕೆ ಶಿವಕುಮಾರ್, ಜಗದೀಶ್ ಶೆಟ್ಟರ್ ಮನೆಯಲ್ಲಿ ಸವಿದ ತಿಂಡಿ ಯಾವುದು ಗೊತ್ತಾ?

ಹುಬ್ಬಳ್ಳಿ: ರಾಜ್ಯದ ಉಪ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ (DK Shivakumar) ಅಥಣಿಯಲ್ಲಿ ಶಾಸಕ ಲಕ್ಷ್ಮಣ ಸವದಿಯವರನ್ನು ಭೇಟಿಯಾಗಿ ಸಚಿವರಾದ ಲಕ್ಷ್ಮಿ ಹೆಬ್ಬಾಳ್ಕರ್ ಮತ್ತು ಸತೀಶ್ ಜಾರಕಿಹೊಳಿ ಜೊತೆ ಹುಬ್ಬಳ್ಳಿಯಲ್ಲಿರುವ ಜಗದೀಶ್ ಶೆಟ್ಟರ್ (Jagadish Shettar) ಮನೆ ತಲುಲಿದ್ದಾರೆ. ಮಾಜಿ ಮುಖ್ಯಮಂತ್ರಿ ಮತ್ತು ಕಾಂಗ್ರೆಸ್ ನಾಯಕನ ಮನೆಯಲ್ಲಿ ಅವರು ಉಪಹಾರ ಸೇವಿಸುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದು. ತಟ್ಟೆಯಲ್ಲಿ ಇಡ್ಲಿ-ವಡಾ ಜೊತೆ ಸುಸ್ಲಾ (Susla) ಕೂಡ ಇದೆ. ಸುಸ್ಲಾ ಅಥವಾ ವಗ್ರಾಣಿ ಕಲ್ಯಾಣ ಕರ್ನಾಟಕ ಭಾಗದ ಜನಪ್ರಿಯ ತಿಂಡಿ. ಮಂಡಕ್ಕಿಯನ್ನು ನೀರಲ್ಲಿ ಅದ್ದಿ ತೆಗೆದು ಮಾಡುವ ಸ್ವಾದಿಷ್ಟಕರ ತಿಂಡಿ ವಗ್ರಾಣಿ! ಶಿವಕುಮಾರ್ ಬಲಭಾಗದಲ್ಲಿ ಅತಿಥೇಯರು ಮತ್ತು ಜಾರಕಿಹೊಳಿ ಕೂತಿದ್ದರೆ ಎಡಕ್ಕೆ ಹೆಬ್ಬಾಳ್ಕರ್ ಕೂತು ತಿಂಡಿ ತಿನ್ನುತ್ತಿದ್ದಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ