ರಾಕಿ ಭಾಯ್ ತಾಯಿ ಪಾತ್ರ ಮಾಡಿದ ‘ಕೆಜಿಎಫ್ 2’ ನಟಿ ಅರ್ಚನಾ ಜೋಯಿಸ್ ಜತೆ ಸೆಲ್ಫಿಗೆ ಮುಗಿಬಿದ್ದ ಫ್ಯಾನ್ಸ್
ನಟಿ ಅರ್ಚನಾ ಜೋಯಿಸ್ ಅವರು ನಟನೆ ಮೂಲಕ ಅಭಿಮಾನಿಗಳ ಗಮನ ಸೆಳೆದಿದ್ದಾರೆ. ‘ಕೆಜಿಎಫ್ 2’ ಚಿತ್ರದಲ್ಲಿ ಅವರ ಪಾತ್ರಕ್ಕೆ ಮಹತ್ವ ಸಿಕ್ಕಿದೆ.
‘ಕೆಜಿಎಫ್ 2’ (KGF Chapter 2) ಸಿನಿಮಾದ ಮೂಲಕ ನಟಿ ಅರ್ಚನಾ ಜೋಯಿಸ್ ಅವರು ಮನೆ ಮಾತಾಗಿದ್ದಾರೆ. ಅವರ ಅಭಿಮಾನಿ ಬಳಗ ಹಿರಿದಾಗಿದೆ. ‘ಕೆಜಿಎಫ್’ ಸಿನಿಮಾದ ಎರಡೂ ಪಾರ್ಟ್ನಲ್ಲಿ ಅವರ ಅಭಿನಯ ಜನಮನ ಗೆದ್ದಿದೆ. ಕಥಾನಾಯಕ ರಾಕಿ ಭಾಯ್ ಅಮ್ಮನಾಗಿ ಅರ್ಚನಾ ಜೋಯಿಸ್ (Archana Jois) ಮಿಂಚಿದ್ದಾರೆ. ಕೋಲಾರದ (Kolar) ಜಯನಗರದ ಸಪಲಮ್ಮ ದೇವಾಲಯಕ್ಕೆ ಅವರು ಇತ್ತೀಚೆಗೆ ಭೇಟಿ ನೀಡಿದ್ದರು. ಈ ಸಂದರ್ಭದಲ್ಲಿ ಅವರಿಗೆ ಸನ್ಮಾನ ಮಾಡಲಾಯಿತು. ಅಲ್ಲದೇ ಅಭಿಮಾನಿಗಳು ಅರ್ಚನಾ ಜೋಯಿಸ್ ಜೊತೆ ಸೆಲ್ಫಿ ತೆಗೆದುಕೊಳ್ಳಲು ಮುಗಿಬಿದ್ದರು. ಚಿತ್ರರಂಗದಲ್ಲಿ ಅರ್ಚನಾ ಅವರು ಬಹುಬೇಡಿಕೆಯ ನಟಿಯಾಗಿ ಬೆಳೆದಿದ್ದಾರೆ. ಅವರು ಅಭಿನಯಿಸಿರುವ ‘ಮ್ಯೂಟ್’ ಸಿನಿಮಾದ ಟ್ರೇಲರ್ ಇತ್ತೀಚೆಗೆ ಬಿಡುಗಡೆ ಆಗಿ ಮೆಚ್ಚುಗೆ ಪಡೆದುಕೊಂಡಿದೆ. ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಸಿದ್ಧವಾಗಿರುವ ಆ ಚಿತ್ರದ ಟ್ರೇಲರ್ ಅನ್ನು ರವೀನಾ ಟಂಡನ್ ಬಿಡುಗಡೆ ಮಾಡಿದ್ದು ವಿಶೇಷ.
ಇದನ್ನೂ ಓದಿ:
‘ಕೆಜಿಎಫ್ 2’ನಲ್ಲಿ ರವೀನಾ ಟಂಡನ್ ಕಂಡು ಥಿಯೇಟರ್ ಪರದೆಗೆ ದುಡ್ಡು ಎಸೆದ ಫ್ಯಾನ್ಸ್; ವಿಡಿಯೋ ಹಂಚಿಕೊಂಡ ನಟಿ
