ಕೋ ಪೈಲಟ್ ಆಕ್ರಮಣ, 174 ಜೀವಗಳ ರಕ್ಷಣೆ: ಫ್ಲೈದುಬೈ ವಿಮಾನದಲ್ಲೊಂದು ಪವಾಡ ಸದೃಶ ಘಟನೆ
Updated on:Oct 02, 2026 | 10:51 AM
ಫ್ಲೈದುಬೈ FZ1073 ವಿಮಾನದಲ್ಲಿ ಸಹ ಪೈಲಟ್‌ನಿಂದ ಕ್ಯಾಪ್ಟನ್ ಸ್ಮಿತ್ ಮೇಲೆ ದಾಳಿಯಾದ ಭೀಕರ ಘಟನೆ ನಡೆಯಿತು. ಇದರಿಂದ ಗಂಭೀರವಾಗಿ ಗಾಯಗೊಂಡ ಕ್ಯಾಪ್ಟನ್ ಸ್ಮಿತ್ ಜೀವ ಉಳಿಸಲು ಹೋರಾಡಿದರು. ವಿಮಾನವು ಸಾವಿರಾರು ಅಡಿ ಕೆಳಗಿಳಿಯಿತು. ನಂತರ, ವಿಮಾನದಲ್ಲಿದ್ದ ವೈದ್ಯರು, ಪ್ಲಂಬರ್ ಸೇರಿದಂತೆ ಐವರು ಪ್ರಯಾಣಿಕರು ಧೈರ್ಯದಿಂದ ಕಾರ್ಯನಿರ್ವಹಿಸಿ ವಿಮಾನವನ್ನು ಯಶಸ್ವಿಯಾಗಿ ಇಳಿಸಿ 180 ಜನರ ಜೀವ ಉಳಿಸಿದರು. ಇಸ್ರೇಲ್ ಅಧ್ಯಕ್ಷರು ಈ ವೀರರಿಗೆ ಪ್ರಶಸ್ತಿ ಘೋಷಿಸಿದ್ದಾರೆ.
ದುಬೈ, ಅಕ್ಟೋಬರ್ 02: ಫ್ಲೈದುಬೈ ಫ್ಲೈಟ್ ವಿಮಾನದಲ್ಲಿ ಸಹ ಪೈಲಟ್ ಒಬ್ಬ ಮುಖ್ಯ ಪೈಲಟ್ ಕ್ಯಾಪ್ಟನ್ ಸ್ಮಿತ್ ಮೇಲೆ ಏಕಾಏಕಿ ದಾಳಿ ಮಾಡಿದ ಆಘಾತಕಾರಿ ಘಟನೆ ಸಂಭವಿಸಿದೆ. ಈ ಆಕ್ರಮಣದಿಂದ ಕ್ಯಾಪ್ಟನ್ ಸ್ಮಿತ್ ತೀವ್ರವಾಗಿ ಗಾಯಗೊಂಡರೂ, ಅವರು ತಮ್ಮ ಪ್ರಾಣ ಉಳಿಸಿಕೊಳ್ಳಲು ಮತ್ತು ವಿಮಾನದ ನಿಯಂತ್ರಣ ಕಾಪಾಡಲು ಹೋರಾಡಿದರು. ಘಟನೆಯ ಸಮಯದಲ್ಲಿ, ವಿಮಾನವು 36,000-37,000 ಅಡಿ ಎತ್ತರದಿಂದ 14,000-18,000 ಅಡಿಗಳಿಗೆ ಕ್ಷಿಪ್ರವಾಗಿ ಇಳಿಯಿತು, ಇದು ತೀವ್ರ ಅಪಾಯವನ್ನು ಸೃಷ್ಟಿಸಿತು.
ಈ ಸಂದರ್ಭದಲ್ಲಿ ವಿಮಾನದಲ್ಲಿದ್ದ ಪ್ರಯಾಣಿಕರು ಅದ್ಭುತ ಶೌರ್ಯ ಪ್ರದರ್ಶಿಸಿದರು. ಗಾಯಗೊಂಡ ಕ್ಯಾಪ್ಟನ್ ಸ್ಮಿತ್‌ಗೆ ವೈದ್ಯರೊಬ್ಬರು ತಕ್ಷಣ ಚಿಕಿತ್ಸೆ ನೀಡಿದರು. ಪ್ಲಂಬರ್ ಆಗಿದ್ದ ಮತ್ತೊಬ್ಬ ಪ್ರಯಾಣಿಕರು ಕಾಕ್‌ಪಿಟ್‌ಗೆ ನುಗ್ಗಿ, ವಿಮಾನದ ನಿಯಂತ್ರಣ ತೆಗೆದುಕೊಂಡು ಅದನ್ನು ಯಶಸ್ವಿಯಾಗಿ ಇಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಇತರ ಪ್ರಯಾಣಿಕರು ಸಹ ಪೈಲಟ್‌ನನ್ನು ಹಿಡಿದು ಕಟ್ಟಿ ಹಾಕಿದರು.
ಈ ಹೀರೋಗಳ ಸಾಹಸದಿಂದಾಗಿ 180 ಜನರ ಜೀವಗಳನ್ನು ಪವಾಡಸದೃಶವಾಗಿ ಉಳಿಸಲಾಯಿತು. ಈ ಅಸಾಧಾರಣ ಕಾರ್ಯವನ್ನು ಗುರುತಿಸಿ, ಇಸ್ರೇಲ್ ಅಧ್ಯಕ್ಷ ಐಸಾಕ್ ಹರ್ಜೋಗ್ ಯನಿರ್ ಹಯೋನ್, ಅಸಾಫ್ ರಿಜ್ವಾನ್, ಶ್ವೀಕಾ ಮಾನೆಸ್, ಶೋಟಾ ಮುಸಾಯೆವ್ ಸೇರಿದಂತೆ ಐದು ಜನರಿಗೆ ರಾಷ್ಟ್ರಪತಿ ಪ್ರಶಸ್ತಿ ಘೋಷಿಸಿದ್ದಾರೆ. ಸಹ ಪೈಲಟ್‌ನನ್ನು ಯುಎಇಗೆ ಹಸ್ತಾಂತರಿಸಲಾಗಿದ್ದು, ಭಯೋತ್ಪಾದಕ ನಂಟು ಸೇರಿದಂತೆ ಹಲವು ಆಯಾಮಗಳಲ್ಲಿ ತನಿಖೆ ನಡೆಯುತ್ತಿದೆ.
ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published on: Oct 02, 2026 10:51 AM
