Video: ನಿನ್ನ ಕೊಲೆ ಮಾಡುವವರೆಗೂ ಬಿಡೆವು: ವೆಂಕಟೇಶ್ ಹತ್ಯೆಗೂ ಮುನ್ನ ಪಾರ್ಟಿ ಮಾಡಿದ್ದ ಹಂತಕರು
Updated on:Oct 10, 2025 | 11:33 AM
ಗಂಗಾವತಿಯ ಬಿಜೆಪಿ ಮುಖಂಡ ವೆಂಕಟೇಶ್ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಹತ್ವದ ವಿಡಿಯೋ ವೈರಲ್ ಆಗಿದೆ. ಹಂತಕರು ಕೊಲೆಗೂ ಮುನ್ನ ರಕ್ತಚರಿತ್ರೆ ಚಿತ್ರದ ಹಾಡು ಕೇಳುತ್ತಾ, ಚಾಕು ಹಿಡಿದು ಭರ್ಜರಿ ಪಾರ್ಟಿ ಮಾಡಿದ್ದಾರೆ. ಈ ಪಾರ್ಟಿಯ ವಿಡಿಯೋ ವೈರಲ್ ಆಗಿದ್ದು, ಕೊಲೆಗೆ ಮುನ್ನ ವೆಂಕಟೇಶ್ರನ್ನು ಹಿಂಬಾಲಿಸಿ ಹತ್ಯೆ ಮಾಡಲಾಗಿದೆ.
ಗಂಗಾವತಿ, ಅ.10: ಗಂಗಾವತಿಯ ಬಿಜೆಪಿ ಮುಖಂಡ ವೆಂಕಟೇಶ್ ಹತ್ಯೆ (Venkatesh Gangavati) ಪ್ರಕರಣಕ್ಕೆ ಸಂಬಂಧಿಸಿದಂತೆ ಪ್ರಮುಖ ಮಾಹಿತಿ ಇದೀಗ ಹೊರಬಿದ್ದಿದೆ. ಹತ್ಯೆಗೆ ಮುನ್ನ ಹಂತಕರು ಭರ್ಜರಿ ಪಾರ್ಟಿಯೊಂದನ್ನು ಆಯೋಜಿಸಿದ್ದು, ಇದರ ವಿಡಿಯೋ ವೈರಲ್ ಆಗಿದೆ. ಈ ವೀಡಿಯೋದಲ್ಲಿ ಹಂತಕರು ರಕ್ತಚರಿತ್ರೆ ಚಲನಚಿತ್ರದ ಹಾಡನ್ನು ಹಾಕಿಕೊಂಡು, ಕೈಯಲ್ಲಿ ಚಾಕುಗಳನ್ನು ಹಿಡಿದು ಆರ್ಭಟಿಸಿದ್ದಾರೆ. “ನಿನ್ನ ಕೊಲೆ ಮಾಡುವವರೆಗೂ ಬಿಡುವುದಿಲ್ಲ” ಎಂದು ಹಾಡಿಕೊಂಡು ಡ್ಯಾನ್ಸ್ ಮಾಡಿದ್ದಾರೆ. ಈ ದೃಶ್ಯಗಳು, ಹತ್ಯೆಯು ಪೂರ್ವಯೋಜಿತವಾಗಿಯೇ ನಡೆದಿದೆ ಎಂಬ ಶಂಕೆ ಮೂಡಿದೆ. ಪಾರ್ಟಿ ನಡೆದ ಬಳಿಕ, ಹಂತಕರು ವೆಂಕಟೇಶ್ ಹತ್ಯೆ ಮಾಡಿದ್ದಾರೆ ಎಂದು ಹೇಳಲಾಗಿದೆ . ಬೈಕ್ನಲ್ಲಿ ತೆರಳುತ್ತಿದ್ದ ಬಿಜೆಪಿ ಮುಖಂಡ ವೆಂಕಟೇಶ್ ಹಾಗೂ ಅವರ ಸಹಚರರನ್ನು ಹಂತಕರು ಬೆನ್ನತ್ತಿದ್ದಾರೆ. ನಂತರ ವೆಂಕಟೇಶ್ ಅವರನ್ನು ಹಿಂಬಾಲಿಸಿ ಹತ್ಯೆ ಮಾಡಿದ್ದಾರೆ. ಹತ್ಯೆಗೂ ಮುನ್ನ ಮದ್ಯಪಾನ ಮಾಡಿ, ಚಾಕುಗಳನ್ನು ಪ್ರದರ್ಶಿಸಿ, ಸಿನಿಮಾ ಹಾಡಿಗೆ ಕುಣಿದು ಪಾರ್ಟಿ ಮಾಡಿದ್ದಾರೆ. ಇದೀಗ ಪೊಲೀಸರು ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆ ನಡೆಸುತ್ತಿದ್ದು, ವೈರಲ್ ಆಗಿರುವ ವೀಡಿಯೋ ಪ್ರಮುಖ ಸಾಕ್ಷ್ಯವಾಗಿ ಪರಿಗಣಿಸಿದ್ದಾರೆ. ಹಂತಕರ ವಾಹನದ ಸಿಸಿಟಿವಿ ದೃಶ್ಯಾವಳಿಗಳು ಸಹ ಲಭ್ಯವಾಗಿದ್ದು, ಇದು ತನಿಖೆಗೆ ನೆರವಾಗುವ ಸಾಧ್ಯತೆ ಇದೆ.
ವಿಡಿಯೋ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
