ಜೈಲಿನಲ್ಲಿರುವ ಪ್ರಜ್ವಲ್​ ರೇವಣ್ಣಗೆ ಎರಡು ಬ್ಯಾಗ್​ನಲ್ಲಿ ಬಂತು ಸ್ಪೆಷಲ್ ಊಟ

ಬೆಂಗಳೂರು, (ಜುಲೈ 16): ಅತ್ಯಾಚಾರ ಆರೋಪ ಪ್ರಕರಣದಲ್ಲಿ ಜೈಲುಪಾಲಾಗಿರುವ ಹಾಸನ ಮಾಜಿ ಸಂಸದ ಪ್ರಜ್ವಲ್ ರೇವಣ್ಣಗೆ ಸ್ಪೆಷಲ್​ ಊಟ ಬಂದಿದೆ. ವ್ಯಕ್ತಿಯೋರ್ವ ಎರಡು ಬ್ಯಾಗ್​ಗಳಲ್ಲಿ ಪ್ರಜ್ವಲ್​ ರೇವಣ್ಣಗೆ ಮನೆಯಿಂದ ಊಟ ತಂದು ಕೊಟ್ಟಿದ್ದಾರೆ. 1 ತಿಂಗಳು ಮನೆಯ ಊಟ ನೀಡಲು ಕೋರ್ಟ್ ಅನುಮತಿ ನೀಡಿದೆ. ಈ ಹಿನ್ನೆಲೆಯಲ್ಲಿ ಇಂದು (ಜುಲೈ 16) ಪ್ರಜ್ವಲ್​ಗೆ ಮಧ್ಯಾಹ್ನಕ್ಕೆ ಮನೆಯಿಂದ ಊಟ ಬಂದಿದೆ. ಹೌದು… ಪರಪ್ಪನ ಅಗ್ರಹಾರ ಜೈಲಿನ ವಿಶೇಷ ಭದ್ರತಾ ಬ್ಯಾರಕ್​ನಲ್ಲಿರುವ ಪ್ರಜ್ವಲ್ ಅವರಿಗೆ ವ್ಯಕ್ತಿಯೋರ್ವ ಮನೆಯಿಂದ ಎರಡು ಬ್ಯಾಗ್​ಗಳಲ್ಲಿ ಊಟ ತಂದು ನೀಡಿದ್ದಾನೆ. ಇನ್ನು ಅಸಹಜ ಲೈಂಗಿಕ ಕಿರುಕುಳ ಕೇಸ್​ನಲ್ಲಿ ಜೈಲು ಸೇರಿರುವ ಸೂರಜ್ ಸಹ ಇದೇ ಪರಪ್ಪನ ಅಗ್ರಹಾರ ಜೈಲಿನಲ್ಲಿದ್ದಾರೆ. ಪ್ರಜ್ವಲ್ ಹಾಗೂ ಸೂರಜ್ ಅಣ್ಣ ತಮ್ಮ ಅಕ್ಕಪಕ್ಕದ ಕೊಠಡಿಯಲ್ಲಿದ್ದಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ