‘ಕಾರ್ತಿಕ್​ಗೆ ಸ್ವಲ್ಪ ಆತುರ ಜಾಸ್ತಿ’: ತನಿಶಾ ಕುಪ್ಪಂಡ ಹೀಗೆ ಹೇಳಿದ್ದು ಯಾಕೆ?

ಫಿನಾಲೆ ದಿನಾಂಕ ಹತ್ತಿರ ಆದಂತೆಲ್ಲ ಬಿಗ್​ ಬಾಸ್​ (Bigg Boss Kannada) ಮನೆಯಲ್ಲಿ ಪೈಪೋಟಿ ತಾರಕಕ್ಕೇರುತ್ತಿದೆ. ಕಾರ್ತಿಕ್​ ಮಹೇಶ್​ (Karthik Mahesh) ಅವರು ಮೊದಲಿನಿಂದಲೂ ಸ್ಟ್ರಾಂಗ್​ ಸ್ಪರ್ಧಿ ಎನಿಸಿಕೊಂಡಿದ್ದಾರೆ. ಆದರೆ ಅವರಿಗೆ ಆತರು ಜಾಸ್ತಿ ಎಂದು ತನಿಶಾ ಕುಪ್ಪಂಡ (Tanisha Kuppanda) ಹೇಳಿದ್ದಾರೆ. ಬಿಗ್ ಬಾಸ್​ ಮನೆಯಲ್ಲಿ ಒಂದು ಹೊಸ ಟಾಸ್ಕ್​ ನೀಡಲಾಗಿದೆ. ಅದನ್ನು ಆಡಲು ಯಾರು ಅನರ್ಹರು ಎಂದು ಕೇಳಿದ್ದಕ್ಕೆ ಕಾರ್ತಿಕ್​ ಹೆಸರನ್ನು ತನಿಶಾ ಹೇಳಿದ್ದಾರೆ. ‘ಕಾರ್ತಿಕ್​ ಅವರಿಗೆ ಸ್ವಲ್ಪ ಆತುರ ಜಾಸ್ತಿ. ತಾನೇ ಮಾಡಿದ್ದು ಎಂಬ ಫೀಲಿಂಗ್ ಅವರಲ್ಲಿ ಇದೆ. ಅದು ಅವರಿಗೆ ಉಲ್ಟಾ ಆಗಿದ್ದೂ ಇದೆ’ ಎಂದು ತನಿಶಾ ಕುಪ್ಪಂಡ ಹೇಳಿದ್ದಾರೆ. ತನಿಶಾ ಅವರ ಮಾತುಗಳನ್ನು ನಮ್ರತಾ ಗೌಡ ವಿರೋಧಿಸಿದ್ದಾರೆ. ಕಾರ್ತಿಕ್​ ಕೂಡ ಇದನ್ನು ಒಪ್ಪಿಕೊಂಡಿಲ್ಲ. ಈ ಪ್ರೋಮೋವನ್ನು ‘ಕಲರ್ಸ್ ಕನ್ನಡ’ ವಾಹಿನಿ ಹಂಚಿಕೊಂಡಿದೆ. ಜನವರಿ 2ರಂದು ರಾತ್ರಿ ಈ ಸಂಚಿಕೆ ಪ್ರಸಾರ ಆಗಲಿದೆ. ‘ಜಿಯೋ ಸಿನಿಮಾ’ ಮೂಲಕ ಲೈವ್​ ನೋಡಬಹುದು.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.