ಕಿತ್ತೂರು ಉತ್ಸವ ಸಂದರ್ಭದಲ್ಲೇ ರಾಣಿ ಚನ್ನಮ್ಮನ ಮೂರ್ತಿಗೆ ಹಾನಿ! ತುಂಡಾಗಿ ಬಿದ್ದ ಖಡ್ಗ ಹಿಡಿದ ಕೈ
ಮುಖ್ಯಾಂಶಗಳು
- ಕಿತ್ತೂರು ಉತ್ಸವದ ಸಂದರ್ಭದಲ್ಲೇ ಚನ್ನಮ್ಮನ ಮೂರ್ತಿಗೆ ಹಾನಿ
- ಬೆಳಗಾವಿ ಜಿಲ್ಲೆ ಕಿತ್ತೂರು ಪಟ್ಟಣದಲ್ಲಿರುವ ರಾಣಿ ಚನ್ನಮ್ಮನ ಮೂರ್ತಿ
- ಕಾರ್ಮಿಕರು ಮೂರ್ತಿ ಸ್ವಚ್ಛ ಮಾಡ್ತಿದಾಗ ಎಡವಟ್ಟು ಶಂಕೆ
ಕಿತ್ತೂರು ಉತ್ಸವದ ಸಂದರ್ಭದಲ್ಲೇ ಬೆಳಗಾವಿ ಜಿಲ್ಲೆಯ ಕಿತ್ತೂರಿನಲ್ಲಿರುವ ರಾಣಿ ಚನ್ನಮ್ಮ ಮೂರ್ತಿಯ ಖಡ್ಗ ಹಿಡಿದ ಬಲಗೈಗೆ ಹಾನಿಯಾಗಿದೆ. ಲಿಫ್ಟ್ ಬಳಸಿ ಸ್ವಚ್ಛಗೊಳಿಸುವ ವೇಳೆ ಕಾರ್ಮಿಕರ ಅಚಾತುರ್ಯದಿಂದ ಕೈ ತುಂಡಾಗಿದೆಯೆಂದು ಶಂಕಿಸಲಾಗಿದೆ. ತಕ್ಷಣವೇ ಮೂರ್ತಿಯನ್ನು ಕೇಸರಿ ಬಟ್ಟೆಯಿಂದ ಮುಚ್ಚಿ, ತಾಲ್ಲೂಕು ಆಡಳಿತ ಹಾಗೂ ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ.
ಬೆಳಗಾವಿ, ಅಕ್ಟೋಬರ್ 19: ಇದೇ ತಿಂಗಳು ಅಂದರೆ ಅಕ್ಟೋಬರ್ 23ರಿಂದ 25ರವರೆಗೆ ಕಿತ್ತೂರು ಉತ್ಸವ ನಡೆಯಲಿದೆ. ಆದರೆ ಇದೇ ಸಂದರ್ಭದಲ್ಲೇ ಒಂದು ಅಚಾತುರ್ಯ ನಡೆದಿದೆ. ರಾಣಿ ಚನ್ನಮ್ಮನ ಮೂರ್ತಿಗೆ ಹಾನಿಯುಂಟಾಗಿರುವ ಘಟನೆ ಬೆಳಗಾವಿ ಜಿಲ್ಲೆಯ ಕಿತ್ತೂರು ಪಟ್ಟಣದಲ್ಲಿ ನಡೆದಿದೆ. ಕಿತ್ತೂರು ರಾಣಿ ಚನ್ನಮ್ಮ ಮೂರ್ತಿಯ ಖಡ್ಗ ಹಿಡಿದ ಕೈಗೆ ಸಂಪೂರ್ಣ ಕಟ್ ಆಗಿ ಕೆಳಗೆ ಬಿದ್ದಿದೆ. ಮೂರ್ತಿ ಸ್ವಚ್ಛ ಮಾಡುತ್ತಿರುವಾಗ ಕಾರ್ಮಿಕರ ಅಚಾತುರ್ಯದಿಂದ ಚನ್ನಮ್ಮನ ಮೂರ್ತಿಯ ಕೈಕಟ್ ಆಗಿರುವ ಶಂಕೆ ವ್ಯಕ್ತವಾಗಿದೆ. ಘಟನೆ ಹಿನ್ನೆಲೆ ತಕ್ಷಣ ಅಲರ್ಟ್ ಆದ ತಾಲೂಕು ಆಡಳಿತ ಕೇಸರಿ ಬಟ್ಟೆಯಿಂದ ಮೂರ್ತಿ ಮುಚ್ಚಿದೆ. ಸ್ಥಳಕ್ಕೆ ಬೈಲಹೊಂಗಲ ಡಿವೈಎಸ್ಪಿ ವೀರಪ್ಪ ಹಿರೇಮಠ ಭೇಟಿ ನೀಡಿ ಪರಿಶೀಲನೆ ಮಾಡಿದರು. 2 ದಿನದ ಹಿಂದೆ ಇದೇ ವೃತ್ತದಲ್ಲಿ ಕಬ್ಬು ಬೆಳೆಗಾರರು ಹೋರಾಟ ಮಾಡಿದ್ದರು. ಸದ್ಯ ಘಟನಾ ಸ್ಥಳದಲ್ಲೇ ಕಿತ್ತೂರು ಠಾಣೆ ಪೊಲೀಸರು ಬೀಡುಬಿಟ್ಟಿದ್ದಾರೆ.
ಮತ್ತಷ್ಟು ವಿಡಿಯೋ ಸುದ್ದಿಗಳನ್ನು ನೋಡಲು ಇಲ್ಲಿ ಕ್ಲಿಕ್ ಮಾಡಿ.
Published on: Oct 19, 2026 08:02 PM
Loading...
Unable to load recommendations.
Follow Us