‘ಆನೆ ಯಾವುದು ಅಂತಾನೇ ಹೇಳಿಲ್ಲ ಅಂದ್ರೆ ಅಂಬಾರಿ ಯಾಕೆ ಕೊಡಬೇಕು?’: ಅಂದು ಅರ್ಜುನ ಆನೆ ಮಾಡಿದ್ದು ನೆನಪಿದೆಯಾ?

ಮೈಸೂರು, ನ.4: ದಸರಾ ಮಹೋತ್ಸವದ ಪ್ರಮುಖ ಆಕರ್ಷಣೆಯಾದ ಚಿನ್ನದ ಅಂಬಾರಿ ರಾಜಮನೆತನದ ಖಾಸಗಿ ಸ್ವತ್ತು ಎಂದು ರಾಜವಂಶಸ್ಥೆ ಪ್ರಮೋದಾದೇವಿ ಒಡೆಯರ್ ಪುನರುಚ್ಚರಿಸಿದ್ದಾರೆ. ಯಾವುದೇ ಸರ್ಕಾರಿ ಕಾಯ್ದೆಗಳ ಅಡಿಯಲ್ಲಿ ಅಂಬಾರಿ ಅಥವಾ ಸಿಂಹಾಸನ ಬರುವುದಿಲ್ಲ, ಇವು ಹಿಂದೆಯೂ ನಮ್ಮವೇ, ಮುಂದೆಯೂ ನಮ್ಮವೇ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ. ದಸರಾ ಆನೆ ಆಯ್ಕೆಯ ವಿಚಾರದಲ್ಲಿ ಅರಮನೆಯನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳುವ ಸಂಪ್ರದಾಯವಿದೆ. ಇದು ಕೇವಲ ರಾಜಮನೆತನದ ಹಕ್ಕಲ್ಲ, ಬದಲಾಗಿ ಆನೆ ಮತ್ತು ಲಕ್ಷಾಂತರ ಜನರ ಸುರಕ್ಷತೆಗೆ ಸಂಬಂಧಿಸಿದ ವಿಚಾರ. ಮಾವುತ ಮತ್ತು ಆನೆಗೆ ಸಂಬಂಧಿಸಿದಂತೆ ಯಾವುದೇ ಅಪಾಯ ಉಂಟಾಗಬಾರದು ಎಂಬುದು ನಮ್ಮ ಆತಂಕ. ಹಿಂದಿನ ಘಟನೆಗಳನ್ನು ಗಮನಿಸಿ, ಆನೆ ಆಯ್ಕೆ ಮಾಡುವಾಗ ನಮ್ಮನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳುವುದು ಅತಿ ಮುಖ್ಯ. ಅಂಬಾರಿಗೆ ಆಯ್ಕೆ ಮಾಡುವ ಆನೆಯ ಬಗ್ಗೆ ಅರಮನೆಗೆ ಮಾಹಿತಿ ನೀಡಬೇಕಾದ್ದು ಅಧಿಕಾರಿಗಳ ಕರ್ತವ್ಯ ಎಂದೂ ಪ್ರಮೋದಾದೇವಿ ಒಡೆಯರ್ ಅಭಿಪ್ರಾಯಪಟ್ಟಿದ್ದಾರೆ.

ವಿಡಿಯೋ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ