ಲೂಸ್ ಮಾದ ಯೋಗಿ ನಟನೆಯ 50ನೇ ಸಿನಿಮಾದಲ್ಲಿ ಒರಟ ಪ್ರಶಾಂತ್, ಶ್ರೀನಗರ ಕಿಟ್ಟಿ
Updated on: Mar 05, 2024 | 7:17 PM
‘ರೋಜಿ’ ಸಿನಿಮಾ ಮೂಲಕ ‘ಒರಟ’ ಪ್ರಶಾಂತ್ ಅವರು ಕಮ್ಬ್ಯಾಕ್ ಮಾಡುತ್ತಿದ್ದಾರೆ. ಲೂಸ್ ಮಾದ ಯೋಗಿ ಮತ್ತು ಪ್ರಶಾಂತ್ ಅವರು ಒಟ್ಟಿಗೆ ನಟಿಸಬೇಕು ಎಂದು ಬಹಳ ವರ್ಷಗಳಿಂದ ಆಸೆ ಇಟ್ಟುಕೊಂಡಿದ್ದರು. ‘ರೋಜಿ’ ಸಿನಿಮಾ ಮೂಲಕ ಅದು ಈಡೇರುತ್ತಿದೆ. ಚಿತ್ರದ ವಿಶೇಷತೆಗಳ ಬಗ್ಗೆ ‘ಒರಟ’ ಪ್ರಶಾಂತ್ ಅವರು ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ ಕೆಲವು ವಿಷಯ ಹಂಚಿಕೊಂಡಿದ್ದಾರೆ.
ನಟ ‘ಒರಟ’ ಪ್ರಶಾಂತ್ ಅವರು ‘ರೋಜಿ’ (Rosy Movie) ಸಿನಿಮಾದಲ್ಲಿ ಒಂದು ಪ್ರಮುಖ ಪಾತ್ರ ಮಾಡಿದ್ದಾರೆ. ಇದು ಲೂಸ್ ಮಾದ ಯೋಗಿ (Loose Mada Yogi) ನಟನೆಯ 50ನೇ ಸಿನಿಮಾ ಎಂಬುದು ವಿಶೇಷ. ಇದೇ ಚಿತ್ರದಲ್ಲಿ ಶ್ರೀನಗರ ಕಿಟ್ಟಿ ಕೂಡ ಅಭಿನಯಿಸಿದ್ದಾರೆ. ಇತ್ತೀಚೆಗೆ ಚಿತ್ರತಂಡದಿಂದ ‘ಒರಟ’ ಪ್ರಶಾಂತ್ (Orata Prashanth) ಅವರ ಪೋಸ್ಟರ್ ಬಿಡುಗಡೆ ಮಾಡಲಾಯಿತು. ಚಿತ್ರದ ಸುದ್ದಿಗೋಷ್ಠಿಯಲ್ಲಿ ಪ್ರಶಾಂತ್ ಮಾತನಾಡಿದ್ದಾರೆ. ‘ಯಾವುದಕ್ಕೂ ಕೊರತೆ ಇಲ್ಲದಂತೆ ಅದ್ದೂರಿಯಾಗಿ ಈ ಸಿನಿಮಾ ಮೂಡಿಬರುತ್ತಿದೆ. ನಿರ್ದೇಶಕರ ಹೆಸರು ಮಾತ್ರ ಶೂನ್ಯ. ಆದರೆ ಅವರ ತಲೆಯಲ್ಲಿ ಬಹಳಷ್ಟು ವಿಷಯ ಇದೆ. ಅವರೊಳಗೆ ತುಡಿತ ಇದೆ. ಅದು ನನಗೆ ಖುಷಿ ನೀಡುತ್ತದೆ. ಇಂದು ನೀವು ನೋಡುತ್ತಿರುವ ಪೋಸ್ಟರ್ನ ಕ್ರೆಡಿಟ್ ನಿರ್ದೇಶಕರಿಗೆ ಸಲ್ಲಬೇಕು. ನನ್ನ ಪಾತ್ರ ಡಿಫರೆಂಟ್ ಆಗಿದೆ. ನಾನು ಮತ್ತು ಯೋಗಿ ಅವರು ಒಂದೇ ಏರಿಯಾದಲ್ಲಿ ಬೆಳೆದವರು. ಒಟ್ಟಿಗೆ ಸಿನಿಮಾ ಮಾಡಬೇಕು ಎಂಬುದು ನಮ್ಮ ಬಹುದಿನಗಳ ಕನಸಾಗಿತ್ತು. ನಿರ್ಮಾಪಕರಿಂದ ಅದು ಇಂದು ನನಗಸಾಗಿದೆ’ ಎಂದು ಅವರು ಹೇಳಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
