ಬೆಂಗಳೂರು: ರಾಮೇಶ್ವರಂ ಕೆಫೆಯಲ್ಲಿ (Rameshwaram Café) ನಡೆದ ಸ್ಫೋಟ ಪ್ರಕರಣದ ತನಿಖೆ ಇನ್ನೂ ಜಾರಿಯಲ್ಲಿರುವಾಗಲೇ ನಗರದ ಬೇರೆ ಪ್ರದೇಶದ ಜಂಕ್ಷನ್ ವೊಂದರಲ್ಲಿ ಅನಾಥ ಬ್ಯಾಗ್ ಪತ್ತೆಯಾದರೆ ಸಹಜವಾಗೇ ಆತಂಕ ಸೃಷ್ಟಿಯಾಗುತ್ತದೆ. ರಾಮಮೂರ್ತಿನಗರದ ಸರ್ಕಲ್ ನಲ್ಲಿ (Ramamurthynagar junction) ಅನಾಥ ಬ್ಯಾಗ್ (suspicious bag) ಕಂಡಾಗ ಪೊಲೀಸರು ದಿಗಿಲುಗೊಂಡಿದ್ದು ನಿಜ. ರಾಮಮೂರ್ತಿನಗರ ಪೊಲೀಸ್ ಠಾಣೆಯ ಸಿಬ್ಬಂದಿ ಬ್ಯಾಗನ್ನು ವಶಕ್ಕೆ ತೆಗೆದುಕೊಂಡು ಪರಿಶೀಲನೆ ನಡೆಸಿದಾಗ ಅದರಲ್ಲಿ ಅನುಮಾನಾಸ್ಪದ ವಸ್ತುಗಳು ಪತ್ತೆಯಾಗಿಲ್ಲ ಅನ್ನೋದು ಸಮಾಧಾನಕರ ಸಂಗತಿ. ಪೊಲೀಸ್ ಒಬ್ಬರು ಬ್ಯಾಗ್ ಓಪನ್ ಮಾಡಿ ನೋಡಿದಾಗ ಒಂದಷ್ಟು ಬಟ್ಟೆ ಮತ್ತು ತಿಂಡಿ ಪದಾರ್ಥಗಳು ಪತ್ತೆಯಾಗಿವೆ. ಅಸಲಿಗೆ ಮಹಿಳೆಯೊಬ್ಬರು ತಮ್ಮ ಬ್ಯಾಗನ್ನು ಹೀಗೆ ಸರ್ಕಲ್ ನಲ್ಲಿ ಇಟ್ಟು ಶೌಚಾಲಯಕ್ಕೆ ಹೋಗಿದ್ದರಂತೆ. ಬ್ಯಾಗನ್ನು ಸ್ಟೇಶನ್ ಗೆ ತಂದಿದ್ದ ಪೋಲೀಸರು ನಂತರ ಅದನ್ನು ಮಹಿಳೆಗೆ ಹಿಂತಿರುಗಿಸಿದ್ದಾರೆ. ಪೊಲೀಸರು ನಿರಾಳ, ಬ್ಯಾಗನ್ನು ನೋಡಿ ಅತಂಕಗೊಂಡಿದ್ದ ಜನ ಸಹ ನಿರಾಳ.
ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಇದನ್ನೂ ಓದಿ: ರಾಮೇಶ್ವರಂ ಕೆಫೆಯಲ್ಲಿ ಬಾಂಬ್ ಸ್ಫೋಟ ಕೇಸ್: ಜೈಲಿನಲ್ಲಿದ್ದ ಆರೋಪಿಯನ್ನ ವಶಕ್ಕೆ ಪಡೆದ ಎನ್ಐಎ